Ледената површина на Гренланд се стопила до точка по која нема враќање, а напорите за забавување на глобалното затоплување нема да ја спасат од распаѓање. Ова го покажува нова студија на истражувачите од универзитетот Охајо Стејт, пишува Си-ен-ен.

„Ледената плоча сега е во нова динамична состојба. Дури и да ја вратиме климата на нивото каква што била пред 20 или 30 години, сепак ќе се загуби прилично голема маса“, вели Јан Ховат, еден од авторите на студијата и професор на универзитет во Охајо.

Ледената плоча на Гренланд годишно губи повеќе од 280 милијарди метрички тони мраз кој се топи во океанот, што е најголем поединечен придонес во зголемувањето на глобалното ниво на морињата, вели Михалеа Кинг, водечка авторка на студијата и истражувач на универзитетот во Охајо.

Губењето на мразот во последниве години е толку големо, вели Кинг, што предизвика мерливи промени во гравитационото поле над Гренланд. Топењето на мразот на Гренланд придонесува за покачување на нивото на морето за повеќе од милиметар секоја година и веројатно тоа ќе се влошува и понатаму. Експертите прогнозираат дека нивото на морето ќе се искачи за повеќе од еден метар до крајот на векот и ќе ги збрише плажите и крајбрежните имоти.

Посебно ќе бидат погодени крајбрежните американски сојузни држави како Флорида и островските држави со мала надморска височина. Зголемување на нивото на морето од само еден метар може да поплави големи крајбрежни области. Четириесет проценти од американското население живее во крајбрежни области кои се чувствителни на покачување на нивото на морето, посочува Си-ен-ен.

Повеќето луѓе можеби стравуваат да го поминат целиот свој живот во авион, но не и Брус Кембел. Тоа е затоа што неговиот авион, кој останува на земја, е неговиот дом.

Брус Кемпбел, пензиониран електроинженер, направил уникатно место за живеење во стар Боинг 727. Тој го купил авионот за 100.000 долари уште во 1999 година. Со реновирање и други трошоци, вкупната цена на проектот се проценува на околу 220.000 долари. За да биде погоден за транспорт преку копно од едно до друго место, крилјата и опашката на авионот морало привремено да се отстранат.

Поранешниот електроинженер отсекогаш имал креативна визија. Кога бил во раните дваесетти години, тој купил парче земја од 10 хектари во шумата Хилсборо, Орегон, за 23.000 долари со многу јасна визија што ќе прави со тоа.

Стариот авион и големиот имот ги претвори во најуникатен дом во светот.

Криси Тајген и Џон Леџенд го очекуваат своето трето бебе, а Криси ја потврди веста на својот твитер-профил. Веста за доаѓањето на новиот член во семејството почна да се шири кога Џон објави нов видеозапис за песната Wild, посветена на Криси.

Во дел од видеото Џон и Криси се појавуваат со своите деца Луна и Мајлс, а веќе во следниот кадар тој ја гушка околу стомакот, што беше доволно за сите да се сомневаат дека принова доаѓа во семејството.

„Видете го ова трето бебе… О, боже мој“, напиша Криси под видеото, во кое го покажа своето трудничко стомаче.

pic.twitter.com/kRo6LC6IEm

— chrissy teigen (@chrissyteigen) August 14, 2020

Криси неодамна ги отстрани силиконите од градите.

„Би сакала да го закопчам фустанот во моја големина и кога ќе легнам на стомак, да ми биде удобно“, изјави тогаш моделот.