Харисон Форд навистина го заработи своето место како холивудска икона. Не само што ќе остане запаметен по многуте легендарни филмови и блокбастер-серијали туку и како палаво и непослушно момче во реалниот живот, коментираат таблоидите. И се чини дека има смисла што таквиот став го донесе до 78. роденден, а изгледа фантастично како и секогаш!

Напуштање на факултетот, столар, татко, пилот на хеликоптер, преживеана авионска несреќа (2015), наградуван актер. Има ли нешто што Харисон Форд не сторил?

Како актер, писател, режисер и продуцент, неговите филмови заработиле повеќе од 9 милијарди долари во светски рамки.

Без разлика дали го глуми мудриот професор авантурист Инди во епскиот серијал „Индијана Џонс“ или саркастичниот шверцер со златно срце Хан Соло во серијалот „Војна на ѕвездите“, Харисон остави свој белег на некои од најголемите хитови на Холивуд, покрај другите ангажмани во филмови како „Блејд ранер“, „Бегалец“, „Повик на дивината“.

Светските медиуми издвоија 10 филма и иконски улоги на Харисон: „Војна на ѕвездите“ (1977), „Империјата го возвраќа ударот“ (1980), „Индијана Џонс: Крадците на изгубената арка“ (1981), „Блејд ранер“ (1982), „Сведок“ (1985), „Индијана Џонс и последната крстоносна војна“ (1989), „Патриотски игри“ (1992), „Бегалецот“ (1993), „Претседателски авион“ (1997), „Војна на ѕвездите: Силата се буди“ (2015).

Шансите за ѕвездата на „Странец“ (Outlander) Сем Хјуган да биде следниот Џејмс Бонд се намалени, но сепак тој останува во игра со уште двајца Шкоти, фаворити за улогата на славниот таен агент .

Според последните анкети, фановите на Бонд гласаат за шкотски актери како нивни фаворити, што би резултирало во прв 007 од Шкотска по легендарниот Шон Конери.

Анкетите покажуваат дека шансите на Сем Хјуган се намалија од 3-1 на 5-2, пренесува шкотски „Сан“.

Букмејкерот „Корал“ го смести Сем меѓу фаворитите со британскиот актер Џејмс Нортон, кој води 6-4.

Шкотските актери Ричард Мејден и Џек Лоуден, исто така, се натпреваруваат за улогата со резултат од 6-1 и 8-1.

Даниел Крејг ќе се повлече од улогата Џејмс Бонд по најновиот „Не е време за умирање“ (No Time to Die) чија премиера е одложена за подоцна оваа година поради пандемијата на короновирус.

Сејлор Бринкли-Кук, ќерката на поранешниот супермодел Кристи Бринкли, неодамна го славеше својот 22. роденден во друштво на семејството, додека престојуваше во домот на мајка ѝ во Хемптонс.

А во неделата попладне, таа објави видео на Инстаграм во кое се гледа како ужива со својата мајка додека се возат на брод.

Дуото мајка-ќерка не можеа а да не се радуваат кога излегоа на вода.

Атрактивната Сејлор (22) и вечно младата Кристи (66) изгледаат како сестри, додека со љубов позираат една до друга со насмевки на лицата.

Времето застанало за Кристи Бринкли. Легендардната манекенка не се заморува со годините туку зрачи со енергија и младоликост.