Лурдес Леон, ќерката на поп-иконата Мадона, тврди дека мајка ѝ сака да ѝ го контролира животот.

Најстарата ќерка на поп-иконата разговараше со актерката Деби Мазар, со години доверлива личност на Мадона. Разговорот за нејзиното воспитување беше објавен во списанието Interview Magazine во четвртокот.

„Мајка ми е контролирачка наказа како родител и тоа го прави целиот мој живот“, ѝ рече 25-годишната Лурд на Мазар во интервјуто. „Требаше да бидам целосно независна од неа штом завршив средно училиште“.

Манекенката рече дека стекнала чувство на независност откога почнала да си плаќа за факултет и за стан навлегувајќи во детали за нејзиното воспитување.

Таа тврди дека мајка ѝ инсистирала во кариерата да се разграничи од манекенството.

„Мајка ми е многу упорна да ме натера да размислувам за она по што сакам да бидам позната надвор од мојот изглед“, рече таа. „Тоа не е она по што сакам луѓето да ме паметат. Не е реално“.

„Финансиски, манекенството е паметна одлука. Уживам во кампањите што ги правам, така што не сум само модел сама по себе“.

Вклучете се на која било телевизиска емисија во Кина и, најверојатно, ќе видите славна личност со совршена фигура. Но, Produce Pandas, познат како прв плус-сајз машки бенд во земјата, е дел од новиот бран славни личности поприфатливи за гледачите, пишува британски Би-би-си.

Ова се случува кога речиси сите славни личности во Кина се критикувани дека се опседнати со имиџот, а владата најави сузбивање на феминизирани машки sвезди.

„Пандите“, кои дебитираа во јули минатата година, пеат оптимистички песни за самодоверба и верба во себе. „Не воздржувајте се. Ако сте подебели, повеќе привлекувате внимание“, пеат во еден од нивните хитови – Stand Up.

Динг, еден од членовите на на бендот, за Би-би-си вели: „Не можеме да кажеме дека претставуваме поинакви луѓе, само се надеваме дека нашиот став може да даде добри вибрации“.

„Едно време добивме писмо од девојка што не беше самоуверена. Таа беше полничка и се соочуваше со тешкотии поради тоа. Кога виде како функционира нашиот бенд, тоа ја разведри и направи да биде посигурна во себе“.

„Чувствувам дека секому можеме да му донесеме радост и позитивна енергија и тоа сакаме да го направиме за сите“, рече Динг во интерву за Би-би-си.

Британскиот бенд „Колдплеј“ оваа недела го издава својот деветти студиски албум Music of the Spheres, а фронтменот Крис Мартин откри дека ќе направат само уште три аудиозаписи пред да го напуштат студиото засекогаш.

„Мислам дека за неколку албуми ќе завршиме со изработка на нова музика. Ова не е шега, ова е вистина, мислам дека бројката 12 ќе биде крајот на нашиот каталог“, рече тој.

Сепак, фронтменот Крис не би сакал „Колдплеј“ целосно да се повлече бидејќи 44-годишниот пејач е заинтересиран за бендот – во чиј состав се Џони Бакленд, Гај Бериман и Вил Чемпион – да свират на настапи во живо додека не наполнат 70 години.

„Секогаш ќе сакаме да свириме заедно. Мислам дека на начин како што тоа го прави ‘Стоунс’, ќе биде многу кул ако сè уште можеме да одиме на турнеја на 70 години. Тоа ќе биде супер доколку некој сака да дојде“.