Внуката на Алдо Гучи  го критикуваше изборот на актери за крими драмата “Куќата Гучи“, односно како што рече „ужасниот кастинг“ на филмот на Ридли Скот бидејќи актерите воопшто не личат на нејзините роднини.

Патриција Гучи, втора братучетка на покојниот Маурицио, тврди дека е навредена од начинот на кој нејзиното семејство е претставено во филмот и остро го критикува „дебелиот и грд“ приказ на нејзиниот дедо Алдо од страна на актерот Ал Пачино.

Медиумите пренесоа нејзина поранешна изјава откако наследниците на модната династија навестија дека ќе преземат правно дејствие поради искривување на вистината за нивните предци.

Во едно интервју за „Асошиетед прес“, Патриција изјави дека е запрепастена од тоа како е претставен Алдо, кого во филмот го глуми Ал Пачино.

„Мојот дедо беше многу убав човек, како и сите Гучи, и многу висок, со сини очи и многу елегантен. Него го глуми Ал Пачино, кој не е многу висок, а на сите фотографии е дебел, низок, со бакенбарди, навистина грд. Срамота, бидејќи тој воопшто не личи на него“.

Филмот, во кој главните улоги ги толкуваат Лејди Гага и Адам Драјвер и е заснован на вистинита сторија – убиството на Маурицио и судењето на неговата поранешна сопруга – опишано во книгата „Гучи: Сензационална приказна за убиство, лудило, гламур и алчност“. Патриција Реџани, ликот кој го толкува Лејди Гага, е во центарот на експлозивната приказна. Таа одлежа 16 години затвор поради организирање на убиството.

Но, братучетката на Маурицио е загрижена дека филмот оди подалеку од вистинската крими приказна која ги полнеше насловните страници и дека влегува во нивниот приватен живот.

„Навистина сме разочарани. Зборувам во име на семејството,“ рече таа.

„Го крадат идентитетот на едно семејство за да заработат, за да го зголемат приходот на холивудскиот систем… Нашето семејство има идентитет, приватност. Можеме да зборуваме за се. Но, постои граница што не може да се помине.“

Наследниците на Алдо Гучи, кој беше претседател на модната куќа „Гучи“ од 1953 до 1986 година, издадоа официјална изјава во која се вели дека се збунети поради, како што тврдат, нивниот неточен приказ во филмот „Куќата Гучи“ во режија на Ридли Скот.

„Продукцијата на филмот не се потруди да се консултира со наследниците пред да ги опише Алдо Гучи – претседател на компанијата 30 години (го глуми Ал Пачино во филмот) – и другите членови на семејството Гучи како насилници, неуки, и нечувствителни кон светот околу нив“, се вели во соопштението.

Се наведува дека крими-драмата им припишува „тон и став што никогаш не им припаѓале на протагонистите на добро познатите настани“.

„Ова е крајно болно од човечка гледна точка и навреда за наследството на кое денес е изграден брендот“, стои во изјавата.

Заедничката изјава, која првично ја објави италијанската новинска агенција АНСА, а чиј примерок има „Вараети“, нагласува дека Патриција Реџани (ја глуми Лејди Гага во филмот), која беше осудена во 1998 година за помагање на убиството на Маврицио Гучи (го глуми Адам Драјвер) „е прикажана, не само во филмот туку и во изјавите на актерската екипа, како жртва што се обидува да преживее во машка шовинистичка корпоративна култура“.

„Ова не може да биде подалеку од вистината бидејќи во текот на 70-тите години, кога компанијата ‘Гучи’ беше семеен бизнис, таа беше инклузивна компанија“, се наведува во изјавата.

„Гучи е семејство што живее почитувајќи го делото на своите предци, чие сеќавање не заслужува да биде нарушено за да се приреди спектакл што е невистинит и неправеден кон своите протагонисти“.

„Членовите на семејството Гучи го задржуваат правото да преземат акција за заштита на името, имиџот и достоинството на себе и на своите најблиски“.

Утринско застанување за топла напивка во Лос Анџелес се покажа како случајна средба со Ким Кардашјан Вест и Пит Дејвидсон за еден среќен турист.

Холандскиот музички новинар Пол Баревијк, кој бил на кус одмор во Лос Анџелес викендот по Денот на благодарноста, разгледувал вили и луксузни продавници на Беверли Хилс кога случајно налетал на парот и ја искористил шансата да направи неколку фотографии со нив.

Баревијк раскажува за „Пипл“ дека налетал на парот во хотелот „Беверли Хилс“ во саботата утрото. Тој пиел утрински чај и разговарал на телефон со мајка му во барот на хотелот. Првин го забележал Дејвидсон, комичарот на Saturday Night Live (28).

„Разговарав со мајка ми на мојот мобилен и сфатив дека Пит седи десно од мене. Потоа се запрашав: со кого зборува? Затоа што, запознаен сум со најновите шпекулации, тогаш ја видов и Ким“, рече Пол.

„Изгледаа среќни и седеа еден до друг. Решив да го скршам мразот, ѝ покажав неколку селфиња што ги направив пред нејзината продавница ‘Скимс’ и потоа тројцата се фотографиравме заедно, а првата беше со неа“, вели Холанѓанецот.

Фотографиите ги објави на својот инстаграм-профил и доби спомени од патувањето што сигурно долго ќе го памети.