Забава
Кога ќе се спојат, привлекуваат огромно внимание: најатрактивните хороскопски парови

Кога овие хороскопски знаци ќе се спојат, се пука од емоции, а со нивниот изглед привлекуваат огромно внимание. Дали вие и вашиот партнер сте на оваа листа?
Лав и Вага
Овие два знака се меѓу најатрактивните личности во хороскопот, па сосема е природно што заедно привлекуваат големо внимание. Лавовите имаат беспрекорен стил и многу се грижат за својот физички изглед.
Покрај тоа, тие поседуваат неодолива харизма и одлична личност. Од друга страна, Вагите се популарни во општеството. Тоа се исклучително убави луѓе со врвен моден вкус, кои знаат како да ја освојат секоја просторија во која ќе влезат.
Водолија и Близнаци
Воздушните знаци се природно убави, па не е изненадување што овој пар се најде на листата. Близнаците и Водолијата се познати по својот пријателски карактер и шармантната надворешност.
И двајцата се слободоумни и често имаат гардероба на која многумина би позавиделе – често тие се оние кои самите ги поставуваат модните трендови.
Со изразените црти на лицето и младешката аура изгледаат како модели кои штотуку излегле од модната писта.
Бик и Девица
Со нивните изразени црти на лицето и беспрекорниот изглед, Бикот и Девицата се токму таков пар кој знае да направи грандиозен влез.
Девиците, како љубители на се што е убаво, многу се грижат за себе – од рутина за нега на кожата до вечери посветени на грижата за себе, па не е изненадување што често имаат совршен тен.
Во комбинација со Бикот, кој е доволно стабилен да си ги дозволи најновите модни и козметички производи, овие знаци заедно прават пар кој секогаш изгледа беспрекорно.
Овен и Стрелец
Без разлика дали се работи за нивната личност или физички изглед, огнените знаци се неверојатно привлечни – а Овенот и Стрелецот воопшто не разочаруваат. И двајцата се спортски типови, постојано во движење и не се склони кон нездрава исхрана.
Тие се една од моќните двојки на Зодијакот – поединечно се исклучително привлечни, а нивните силни личности само дополнително го подобруваат тој впечаток. Исто така, како знаци кои најмалку ги осудуваат другите знаат добро да се забавуваат и никого да не остават на страна.
Риби и Рак
Девојката и момчето од соседството – овој пар е едноставно симпатичен. Рибите имаат нежни, младешки црти на лицето, кои често им го привлекуваат вниманието на потенцијалните додворувачи, а нежниот и суптилен изглед на Ракот ги привлекува луѓето каде и да се појават.
Иако на прв поглед и двајцата изгледаат повлечено, токму нивните личности, кои постепено ќе ги запознавате, откриваат зошто се толку сакани и неодоливи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Манекенка пристигна на ревија во интересна модна комбинација, луѓето ѝ се потсмеваат: „А тоа е облека?“

Модната недела во Париз привршува, а по десет дена модни настани кои го привлекоа вниманието на модната публика, особено се истакнаа некои модели. Меѓу нив беше и унгарската убавица Барбара Палвин.
Таа го привлече вниманието на ревијата на Баленсијага
Многу познати дизајнери се повеќе го прифаќаат трендот на истакнување на голотијата во своите колекции, па таканаречените „голи“ аутфити станаа вообичаена глетка на модните писти.
Барбара Палвин јасно го следи овој стил, кој го покажа на неодамнешното шоу на Баленсијага одржано во Париз, каде беше претставена колекцијата есен/зима 2025/2026 година.
Во таа прилика облекла чипкани чорапи, а се гледаше и нејзината долна облека. Барбара го искомбинира својот стајлинг со мала минималистичка чанта и предимензиониран капут.
Некои од нејзините следбеници го пофалија овој изглед, но имаше и такви кои не го криеја разочарувањето.
„Зошто сите се голи? Тоа не е ниту убаво, ниту елегантно“, „Јас ја сакам, но не мора да носи сè што и е кажано“, „Изгледа како ѕвезда на филм за возрасни“, „Сето тоа е убаво, но зошто мораше да ја покажеш својата долна облека“, „Јас ја сакам, но дури и таа не се чувствува удобно да го носи она што и го дадоа“, „А тоа е аутфит?“, „Па зошто не можеше да си дозволи нормална облека?“, се само дел од негативните коментари кои се појавија под фотографиите од ревијата.
Забава
Синот на Метју Меконахи блесна со родителите на премиерата на својот прв филм

Актерот Метју Меконахи и манекенката Камила Алвес повремено се појавуваат заедно на црвениот тепих, но ретко им се придружува некое од нивните деца.
Овој пат главното внимание беше насочено кон нивниот 16-годишен син Леви, кој блесна на премиерата со поддршка од родителите.
Леви го имаше своето актерско деби во филмот „Way of the Warrior Kid“ во септември 2024 година. Филмот е заснован на истоимената книга на авторот Џок Вилинк и ја следи приказната за тинејџер кој се соочува со насилство од врсниците и со помош на неговиот вујко, припадник на морнарицата, ја наоѓа сопствената сила.
На филмската премиера Леви се појави со широка насмевка, позирајќи со родителите кои силно го поддржуваат во првите професионални чекори пред камерите.
Забава
Џиџи Хадид проговори за љубовта со Бредли Купер: Многу сум среќна

Врската помеѓу Џиџи Хадид (29) и Бредли Купер (50) првпат беше откриена пред нешто повеќе од една година, а сега манекенката за прв пат проговори за односот со познатиот актер кој е 21 година постар од неа.
„Имам голема почит кон него како уметник и креативна личност“, изјави Џиџи во интервју за магазинот „Вог“ и додаде: „Се чувствувам како да ми дава многу – тој секогаш ме охрабрува и верува во мене. Кога ве поддржуваат луѓето што ги почитувате и им се восхитувате, тоа ви дава дополнителна самодоверба. Потоа размислувате: Па што ако пробам нешто ново?” Не е важно дали не функционира, само треба да се обидете да го направите првиот чекор“.
Но, кога зборува за нејзината врска со Бредли, за кого вели дека го запознала на роденденската забава на заеднички пријател од детството, таа вели дека не станува збор за некој голем ризик или одлука, туку за чувство како да го нашла својот дом.
„Мислам дека е навистина важно да се дојде до момент во животот каде што знаете што сакате и што заслужувате во врската“, објаснила Џиџи. „И тогаш кога ќе најдете некој кој исто така дошол до тој момент, кога и тој знае што сака и што бара, тогаш и двајцата работите на себе, но заедно градите нешто убаво, нешто здраво“, додаде таа.
Џиџи вели дека нејзината врска со Бредли е „многу романтична“, но сепак нема премногу да зборува во јавноста. „Тоа едноставно не е дел од нашата врска. Не споделуваме се со другите и така ни е удобно“, заклучи таа.
Откако израсна во центарот на вниманието и секогаш под будното око на јавноста, Џиџи научи да не се нервира од гласини и озборувања. „Треба да научите да ги пуштате работите. Не можете секогаш да поправите сè“, изјавила манекенката.
Во текот на изминатата година, таа и Бредли, според неа, биле многу внимателни да ја држат својата врска подалеку од очите на јавноста. Тие претпочитаат тивки излегувања наместо интервјуа или големи појавувања на црвениот тепих. Една од работите што често ја прават заедно сега е да одат во театар, а Џиџи призна дека Бредли ја поттикнал да го направи тоа повторно. „Бредли ме поттикна повторно да почнам да одам во театар, за што навистина ми е драго. Убаво е да ја вратам таа навика во мојот живот“.
Таа исто така откри дека поради нивните јавни работи, двајцата имаат потешкотии да најдат приватност и нормален простор за врска. „Сакате да си дадете нормално искуство во врската, како што имаат сите други. Но, дури и на моите пријатели кои не се познати може да им биде тешко. Каде да излезете? Со кого да разговарате? Како воопшто запознавате некого?”
Таа рече дека јавните личности имаат дополнителна загриженост за приватноста и безбедноста. „Сакате да им верувате на луѓето дека нема да ве издадат, дека нема да се јавуваат во медиумите или да споделуваат приватни информации на социјалните мрежи. Но, никогаш не можете да бидете сигурни“.
И покрај сето ова, Џиџи потврди дека е многу среќна. „Се чувствувам навистина среќна“, заклучи таа.