Забава

Кој е за пижами? Церемонијата на наградите „Еми“ ќе биде виртуелна

Објавено пред

6 месеци

- 30 јули, 2020

Од

Церемонијата на доделување на наградите „Еми“ во септември е најновата жртва на пандемијата на коронавирусот, а ова може да значи и дека некои славни личности ќе се појавуваат во пижами од своите спални соби.

Холивудската публикација „Варајати“ во средата објави дека водителот Џими Кимел и продуцентите на телевизискиот пренос (телекаст) од 20 септември ги известиле номинираните за престижните награди „Еми“, познати како телевизиски „Оскари“, потврдувајќи дека нема да има традиционален собир во Лос Анџелес.

„Како што веројатно и веќе претпоставувавте, ние нема да ве замолиме да дојдете во театарот ‘Мајкрософт’ во центарот на Лос Анџелес на 20 септември“, стои во писмото до сите номинирани, цитирано од „Варајати“.

„И оваа година 20 септември ќе биде најголемото ноќно излегување на ТВ-индустријата… но ние ќе дојдеме кај вас!“

Во писмото стои и дека продуцентите планираат да ги снимаат номинираните дома или на друга локација по нивен избор.

Писмото следуваше еден ден по објавата на номинациите, а меѓу нив водат драмската серија „Чувари“, комедијата „Прекрасната госпоѓа Мејзел“, крими-драмите „Озарк“ и „Наследници“. Многумина од номинираните се британски актери, режисери или писатели.

Серијата „Чувари“ на Ејч-би-о успеа да добие 26 номинации. Втора на врвот е серијата „Прекрасната госпоѓа Мејзл“ со номинации во 20 категории, а „Озарк“ и „Наследници“ имаат по 18.

Во ривалството меѓу стриминг-платформите „Нетфликс“ и Ејч-би-о се случи драматичен пресврт. Откако Телевизиската академија ги објави номинациите во вторникот, „Нетфликс“ се најде на врвот со неверојатни 160 номинации, а Ејч-би-о е втор со 107 номинации.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

45 години икона: Porsche 911 Turbo

Претходно

(Видео) Расел Кроу: Гневот стана распространет во западното општество

Забава

Том Џонс објави нова песна

Објавено пред

3 часа

- 17 јануари, 2021

Од

Макфакс

Иако влезе во деветтата деценија од својот живот, Том Џонс не планира да престане со музика.

Славниот пејач пред неколку дена ја објави својата нова песна наречена „Talking Reality Television Blues“, што на некој начин е критика на денешното општество.

За песната е снимен соодветен спот. Она за што обожавателите се согласуваат е дека тој зачекори во друг музички стил кој не е специфичен за него, пренесува „Headliner“.

„Можеби грешам, но ми се чини дека некој е обожавател на Radiohead. Том Џонс не се плаши да влезе во кој било музички жанр. Ми се допаѓа“, се само некои од коментарите на социјалните мрежи.

Прикажи повеќе...

Забава

Украл автомобил па сфатил дека внатре има бебе, се вратил назад и ја искарал мајката

Објавено пред

4 часа

- 17 јануари, 2021

Од

Макфакс

Крадец од Орегон украл автомобил, но го сопрел и се вратил назад за да ѝ одржи лекција на сопственичката на возилото која внатре го оставила своето мало дете.

Бизарната епизода се случувала пред една продавница во Портланд, во саботата.

Мајката го оставила своето дете на седиштето во автомобилот кој бил отклучен додека трчала кон продавницата за млеко и месо. Крадецот случајно поминал покрај возилото, скокнал во него и се оддалечил.

Но, тој брзо сфатил дека има добиено повеќе отколку што сакал да земе. Застанал на првата крстосница и се вратил во продавницата, одржувајќи ѝ лекција за родителство на мајката, изјави портпаролот на полицијата, Мет Хендерсон.

„Тој ѝ одржал лекција на мајката затоа што го оставила детето во автомобилот и ѝ се заканил дека ќе повика полиција“, рече Хендерсон.

Мајката го грабнала детето по наредба на крадецот, а тој потоа се оддалечил, соопшти полицијата.

Добро е што тој имал доволно пристојност да го врати детето, заклучи Хендерсон.

Прикажи повеќе...