Актерката Ана де Армас во четвртокот беше видена како руча со една пријателка во вегетаријанскиот ресторан The Butcher’s Daughter на познатата плажа „Венеција“ во Калифорнија.

32-годишната Кубанка избра лежерна комбинација – бела блуза со куси ракави и црни панталони – за прошетка и попладневен оброк.

Помина повеќе од еден месец откако Ана е забележана со својот 48-годишен партнер Бен Афлек со кого се запозна на снимањето на еротскиот трилер „Длабока вода“.

Последен пат беа видени заедно на плажата „Венеција“ на 20 август.

Прекрасната Кубанка е Бонд-девојка во најновиот од серијалот филмови за тајниот агент 007 – „Нема време за умирање“.

Афлек наводно е во Ирска, каде што го снима „Последниот дуел“, во режија на Ридли Скот, со најдобриот пријател Мет Дејмон како втор главен протагонист. Во филмот е и актерот од „Војна на ѕвездите“, Адам Драјвер.

Атрактивната холивудска актерка Џесика Алба (39) и нејзината 12-годишна „мини јас“ ги потсетија фановите на нивната сличност во ново видео споделено во четвртокот.

Во клипот Онор е речиси на иста висина како мајка си додека стојат рамо до рамо во нивната кујна и покажуваат корпи со подароци. Но, се чини дека мама носи високи потпетици бидејќи на почетокот на овој месец Алба плачеше кога сфати дека ќерка ѝ е повисока од неа.

Тој е еден од најбараните актери во Холивуд.

Бред Пит не сака да стави прстен на женска рака во догледно време, а можеби и никогаш повеќе по двата пропаднати брака, пишува „Ју-ес викли“.

56-годишниот холивудски шармер беше женет со Џeнифер Анистон и со Анџелина Џоли, но не смета дека свадбеното блаженство е во картите за неговата иднина, пишува весникот.

Спред анонимен извор цитиран од американското списание, и покрај тоа што почна нова романса, мала е веројатноста Бред некогаш да се ожени повторно.

Пит беше во брак со Анистон од 2000 до 2005 година. Речиси девет години подоцна, тој се ожени со Џоли во 2014 година, но таа поднесе барање за развод во септември 2016 година.

Бред и неговата нова девојка Никол предизвикаа шпекулации за наводна врска кога беа забележани како пристигнуваат на југот на Франција со приватен авион и го посетија „Шато Миравал“, каде што тој произведува розов шампањ.

Инсајдер тврди дека Бред е среќен со Никол Потуралски, но дека не размислува за брак.