Забава
Кралскиот биограф за принцот Вилијам: Тој веќе се подготвува за улогата на крал

Кралскиот биограф Сали Бедел Смит се осврна на темата за наследниците на тронот во Велика Британија. Иако кралот Чарлс е сегашниот владетел, Сали верува дека Кејт Мидлтон и принцот Вилијам веќе се подготвуваат за поинаква иднина.
„Иако кралот ги извршува своите должности со одлучност што е типична за него, тој мора да ги прифати ограничувања за време на неговото лекување од рак“, истакна Сали за „Пипл“, а потоа ги спомна Вилијам и Кејт.
„Резултатот е дека Вилијам презеде поголема одговорност, а тој и Кејт се подготвуваат за своите идни улоги многу порано отколку што очекуваа“, додаде Бедел Смит.
Друг извор истакна дека за Кејт и Вилијам има чувство како на затишје пред бура, со оглед на тоа дека тие се следни на редот за тронот. И еден настан особено навести дека Вилијам интензивно се подготвува да го преземе тронот по Чарлс.
Принцот, всушност, неодамна присуствуваше на свеченото отворање на обновената црква „Нотр Дам“ во Париз пет години по разорниот пожар. Тој беше таму во име на својот татко, а се сретна и со новоизбраниот американски претседател, Доналд Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Марко (69) и Соња (57) го чекаат своето прво дете: „Кој верува во чуда, создава чуда“

Марко (69) и Соња (57) Миротиќ од Црна Гора го чекаат своето прво дете.
Бебето треба да се роди во април, кога и е терминот на Соња. Таа за порталот „Дан“ изјави дека по 22 години борба им се исполнила големата желба да станат родители. Со години се мачеле да основаат семејство и барале стручни мислења во многу земји.
„Затоа им велам на сите парови кои минуваат низ она што го поминавме да веруваат. Прво, да веруваат во себе и во својот партнер и да имаат огромна желба за тоа. Можеби мислат дека треба да се откажат, тоа е нормално, тоа е психолошка работа, но тоа е и удар по нивниот џеб, но само бидете упорни и веројатно ќе се оствари. Оној кој верува во чуда создава чуда. Нека не се откажуваат“, рече таа.
Забава
(Видео) Нина Бадриќ ужива во Тајланд

Хрватската пејачка Нина Бадриќ на својот Инстаграм профил сподели фотографии и видеа од одморот во Тајланд.
Пејачката ужива на островот Кох Самуи. Се сонча, го истражува островот и ги гали слоновите.
„Го истражувам Тајланд“, рече таа додека со насмевка го галеше слонот.
Забава
Студија покажува дека постои ден во неделата кога луѓето се најсреќни

Сеопфатна студија покажа дека утрото е време од денот кога луѓето најчесто се чувствуваат најдобро.
Истражувањето го потврди и она во што веруваат многу луѓе, а тоа е дека во летните месеци се чувствуваат посреќно и подобро отколку во зимскиот период.
Експертите ги анализираа податоците собрани од 49.218 возрасни лица како дел од социјалната студија на Универзитетскиот колеџ во Лондон (UCL) за Ковид-19, која ги следеше испитаниците од март 2020 до март 2022 година.
Резултатите покажаа дека луѓето генерално се будат „се чувствуваат исклучително добро“, но постепено се чувствуваат полошо до полноќ.
Научниците, исто така, открија дека „постои врска помеѓу доброто расположение и одреден ден во неделата, и тие имаат особено силни докази дека луѓето се чувствуваат подобро и психички и физички во текот на летото.
Резултатите од студијата ги објавија британските научници во стручното списание BMJ Mental Health, со заклучок дека „генерално гледано, работите изгледаат подобро наутро“.
Британските истражувачи веруваат дека студијата покажува дека промените во менталното здравје и благосостојбата во текот на денот може да се објаснат и со физиолошки промени поврзани со телесниот часовник.
„Кортизолот, или хормонот чија најважна задача е да обезбеди доволно енергија во моментите на интензивен стрес бидејќи го регулира расположението, мотивацијата и стравот, го достигнува својот врв веднаш по будењето и е најниско кога е време за спиење“, заклучуваат тие.
Луѓето се најсреќни во вторник
Научниците забележаа дека менталното здравје на повеќето испитаници беше предмет на промени во текот на викендот, нo работите станаа постабилни во текот на неделата.
За студијата, научниците ги следеа флуктуациите во менталното здравје на учесниците во студијата (на пример, симптоми на депресија и/или анксиозност), флуктуации во чувството на среќа, задоволство од животот, чувства дека животот вреди и флуктуации во чувството на осаменост.
Испитаниците одговараа на прашалници кои вклучуваа прашања како што се: „Колку сте задоволни од вашиот живот?“ и „Колку мислите дека вредат работите што ги правите во животот. Фактори како возраста, здравствената состојба и дали луѓето се вработени?“
Резултатите покажаа дека оценките за среќа, задоволство од животот и животна смисла биле повисоки во понеделник и петок отколку во недела. Во исто време, се покажа дека испитаниците одговориле дека се најсреќни во вторник.