Принцот Хари го тужи „Мирор њуз груп“ (МНГ) за хакирање на неговиот телефон, и бидејќи судскиот спор се води во Лондон, војводата од Сасекс е принуден често да патува од САД до Обединетото Кралство и назад.

Тој ќе се појави во суд следната недела, на 5 јуни, за да даде докази за своите тврдења. Овој дел од судскиот процес би можел да вклучи еден од најгласните критичари на Сасекси, Пирс Морган, кој порано бил уредник на „Мирор“.

Принцот Хари тврди дека Пирс Морган бил свесен за ситуацијата со хакирање, па дури и ги охрабрувал незаконските дејствија.

Принцот Хари не е единствената позната личност од висок профил што тужи таблоиди поради хакирање телефони и други незаконски активности. Актерот Хју Грант, исто така, покрена тужба против весникот „Сан“ со слични тврдења.

Бидејќи принцот се враќа во Обединетото Кралство, прашањето кое многумина го поставија е дали ќе го посети својот татко или други членови на семејството?

Хари нема да го види кралот Чарлс, дознаваат медиумите.

Како што објави „Телеграф“, принцот ќе допатува на почетокот на следната недела во рамки на судскиот спор против МНГ, но војводата од Сасекс нема да може да се види со својот татко, дури и ако планирал.

Претстојната посета на принцот Хари се совпаѓа со приватната посета на кралот Чарлс на Трансилванија, каде што тој поседува имот. Кралот, наводно, има долга историја со Романија и ужива кога патува во оваа земја, каде што оди на планинарење и јавање. Весникот потсетува дека еднаш во годината тој оди во Романија.

Кралот, наводно, поседува 10 куќи во Романија, а првата ја купил во 2006 година во селото Вискри. Според „Телеграф“, домот на Чарлс Трети во Трансилванија нема Wi-Fi сигнал, телевизија или радио. Тој сам ќе патува во Романија, додека неговата сопруга Камила останува во Велика Британија.

„Човек пајак: Ширум пајак вселената“, конечно, пристигнува во кината овој четврток.

Ова е второто продолжение на наградуваниот хит „Човек пајак: Нов свет“, кој на големото платно донесе нов пристап на најпопуларниот суперхерој и младиот Мајлс Моралес како нов човек пајак.

Според досега виденото, новото продолжение ветува уште понапната приказна, уште поголеми улоги и уште поспектакуларни анимациски подвизи.

Финалниот трејлер го прикажува Мајлс Моралес во богатиот спајдер-свет преполн со интригантни верзии на овој суперхерој во неколку прекрасни стилови на анимација.

Кога хероите ќе се судрат за тоа како да се справат со нова закана, Мајлс се наоѓа наспроти другите спајдермени и мора повторно да научи што значи да се биде херој за да може да ги спаси оние што најмногу ги сака…

Критичарите, кои го гледаа филмот во затворени претпремиери, имаат само пофални зборови. Некои ја фалат маестралната анимација, каде што секој кадар е достоен за музеј, други ги фалат емотивната длабочина и приказната за растењето на Мајлс и Гвен, а други најавуваат дека продолжението го надминало квалитетот на првиот филм.

Патувањето низ спајдерверзумот ветува голема суперхеројска авантура, а од 1 јуни ќе пристигне и во оригинална и во синхронизирана верзија.

За британската манекенка и актерка Кели Брук, научниците пред неколку години заклучија дека има идеално женско тело со совршена фигура, а магазинот FHM ја прогласи за најсекси жена на светот.

Студијата ги зеде предвид висината, тежината, должината на косата и обликот на лицето. „Оваа жена е сосема природна и научно совршена“, изјавија тогаш авторите на студијата.

Според научниците, БМИ (индекс на телесна маса) од 18,85 и пропорции на телото 93-61-87 см се смета за идеален.

Кели е висока 168 сантиметри, а нејзините пропорции се 99-63-91, што ја прави најблиску до идеалот. Дополнителен плус, според авторите на студијата, е тоа што не била подложена на естетска операција.

Кели денес има 43 години, а неодамна откри дека никогаш не се чувствувала подобро во својата кожа. „Се фотографирав речиси секој ден од мојот живот и навистина можам да ги видам доказите за тие несреќни времиња. Ги гледам моите стари фотографии и велам: „Ох, тогаш бев навистина слаба“, а потоа се сеќавам дека бев слаба бидејќи тогаш нешто ми се случувало“, изјави таа за британските медиуми.

„Кога поминувате низ лош период, тоа влијае на вашата исхрана. Бев најмизерна кога бев најслаба“, додава Кели.

Таа денес е во брак со Џереми Париси, кој, како што тврди, многу ѝ помогнал со самодовербата.

„Не е случајност дека сум најсреќна во своето тело сега кога сум во брак, кога го работам она што го сакам со луѓето што ги сакам, кога сум малку постара и позрела и кога воопшто сè е добро во моето семејство и сите се здрави“, објаснува Кели.

Таа минатата година во интервју за магазинот Fabulous се пожали на проблемите што ги имала во модната индустрија поради облините. Поради својот изглед, долго време се чувствувала како аутсајдер во светот на модата и често се откажувала да оди на кастинзи.

„Отсекогаш сум сакала да работам со модни дизајнери, со модни брендови, но малкумина беа отворени за соработка со мене поради мојот изглед. Жените како мене не им одговараа“, изјави Кели и додаде: „Модната индустрија, за среќа, се промени“.