Холивудскиот пар Софија Вергара и Џои Манганиело во неделата ја прославија петтата годишнина од бракот, споделувајќи фотографии од раскошната свадбена забава во Палм Бич, Флорида.

„Среќна 5. годишница!!! @ joemanganiello ❤️❤️❤️you!“ sвездата на „Модерно семејство“ (48) напиша во описот на објавата. На една од фотогафиите се гледа како невестата и младоженецот ја сечат свадбената торта, а на друга како стојат пред олтарот за време на церемонијата.

Вергара има широка насмевка на лицето која зрачи со позитивна енергија додека ја сечат тортата.

„Среќна петта годишнина ми амор. Те сакам многу,“ напиша Џое во својата објава на Инстаграм.

Софија и Џое, кои беа во врска шест месеци пред свршувачката, се венчаа во Палм Бич, Флорида.

Бела бајка: На венчавката присуствуваа најблиските пријатели и семејството, а церемонијата за другите гости се одржа следниот ден.

Германскиот индустриски гигант „Сименс“ и „Дојче бан“ почнаа со развој на возови со горивни ќелии и станици за полнење, кои ќе бидат тестирани во 2024 година како дел од планот за замена на дизел-моторите на германските железници.

Прототипот ќе го гради „Сименс“ и ќе се базира на електричниот вагон „Мирео плус“, кој ќе биде опремен со горивни ќелии за претворање на водородот и кислородот во електрична енергија, соопштија двете компании.

Извршниот директор на „Сименс мобилити“, Мајкл Питер, објасни дека возовите ќе комбинираат можност за напојување од три извори во модуларен систем – батерии, горивни ќелии и постјното надземно напојување, во зависност од тоа каде ќе сообраќаат.

Германската железничка компанија „Дојче бан“ сè уште нема електрифицирано 40 проценти од мрежата со вкупна должина од 33.000 километри, која ја користат 1.300 дизел-локомотиви.

„Нашите возови на погон на водород ќе може долгорочно да ги заменат дизел-возовите“, рече Питер.

Новиот прототип ќе се полни за 15 минути и ќе има опсег од 600 километри до следното полнење, како и максимална брзина од 160 километри на час.

Локомотивите ќе бидат тестирани на линиите помеѓу Тибинген, Хорб и Пфорцхајм во сојузната покраина Баден Виртемберг.

„Главниот целен пазар се регионалните мрежни оператори, кои обично имаат меѓу 10 и 50 возови“, објасни Питер.

„Гледаме пазарен потенцијал од 10.000 до 15.000 возови што треба да се заменат во Европа во следните 10-15 години, од кои 3.000 само во Германија“, додава тој.

Полициската управа на Херцег Нови му забрани влез на српскиот пејач Владо Георгиев во Црна Гора до 2030 година, соопшти адвокатската канцеларија Томановиќ, надевајќи се дека оваа одлука ќе биде поништена.

Како што се наведува, Министерството за внатрешни работи најпрвин ја усвоило жалбата на канцеларијата на Томановиќ, која го застапува Георгиев, во која се наведува дека забраната за влез е законски неодржлива бидејќи не е наведена причината поради која тој би бил забранет. Но, потоа полициското одделение во Херцег Нови на Георгиев му изрекло забрана за влез за 10 години.

„Во меѓународната правна практика секогаш постои форма на деградирачки третман на индивидуа кога државата постапува без легитимна цел, непропорционално и наменско навредување на поединецот затоа што странец има права загарантирани со многубројни меѓународни правни документи при влез во земјата“, наведува адвокатската канцеларија.

Во соопштението се изразува уверување дека второстепениот орган ќе ја прифати правната аргументација и ќе ја откаже забраната за влез на Георгиев во Црна Гора.