Забава
Лејди Гага доминираше на „Ем-ти-ви ВМА“, Викенд ja освои главната награда
Лејди Гага со низа настапи беше главна ѕвезда на виртуелното доделување видео-музички награди на „Ем-ти-ви“ во неделата ноќта, а Канаѓанецот Викенд ја однесе главната награда, коментираат американските медиуми и додаваат дека и двете поп-sвезди им испратија важни пораки на гледачите за моменталната состојба во светот: „Носете маска“ и „Правда за Џејкоб Блејк и Бриона Тејлор “.
Гага освои четири награди – вклучувајќи и уметник на годината – повеќето од нив за нејзиниот хит број 1 со Аријана Гранде, Rain on Мe, кој двете го изведоа во живо за првпат.
„Носете маска. Тоа е знак на почит”, рече Гага за време на еден од нејзините неколку настапи на сцена кога ги прифаќаше наградите како уметник на годината, песна на годината и награда на Ем-ти-ви Трикон.
Со електронична маска на лицето, Гага изведе микс од неколку нејзини песни, Stupid Love, Chromatica 2 и 911. На неа и Гранде им се придружија голем број танчери во позадина, сите со маски.
Канадскиот музичар Викенд, првиот изведувач на вечерта, им оддаде почит на Блејк и Тејлор – двајца Афроамериканци кои беа застрелани од полицијата – откако ја освои наградата за видео на годината и за најдобро аренби за Blinding Lights.
„Навистина е тешко за мене да славам во овој момент и да уживам во овој момент, така што само ќе кажам: Правда за Џејкоб Блејк и правда за Бриона Тејлор“, рече тој.
Овогодишната церемонија првично требаше да се одржи во Баркли центарот во Бруклин, Њујорк, со ограничена публика, но наместо тоа, доделувањето на наградите беше виртуелно, со претходно снимени настапи и обраќања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Весна Петрушевска соопшти дека се бори со рак на дојка (ВИДЕО)
„Мојата дијагноза е од средината на април оваа година. Се работи за рак на дојка, имав две операции“, раскажува Весна Петрушевска во видео споделено на Инстаграм.
„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.
„Имам рак, па што – живејте си го животот, еден е“, стои во описот на објавата.
View this post on Instagram
Забава
Луѓето се шокираа од изгледот на Адријана Лима: „Претерала со ботоксот“
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.