Таблоидите шпекулираат дека на повидок е нова романса меѓу реалити-ѕвездата Клои Кардашијан и актерот од „365 дена“ Микеле Мороне, кого многумина го нарекуваат најсекси маж во Европа.

Клои ги поттикна шпекулаците за романса со италијанскиот актер откако двајцата беа забележани заедно во Милано за време и по ревијата на „Долче и Габана“, каде дизајнерите и нејзината сестра Ким Кардашијан заедно ја претставија својата нова колекција во рамки на модната недела во Милано.

На настанот, Клои и Микеле, кој на јавноста ѝ е најпознат по улогата на Масимо во полската еротска крими-драма „365 дена“, седеа еден до друг, во близина на децата на Ким и мајката Крис Џенер.

Актерот потоа на својот инстаграм-профил сподели фотографија со Клои, направена зад сцената на модната ревија. Ја приближува со раката околу нејзината половина и се чини дека ѝ шепоти на уво.

Фотографијата стана вирална, како и видеото споделено од фановите на кое се гледа како двајцата танцуваат на афтер-парти.

Микеле Мороне го толкува главниот лик Масимо во „365 дена“, кој веќе има трето продолжение. Жешките бизарни сцени беа причина многумина да го стават на врвот на листата на најексплицитни еротски филмови, а Италијанецот Мороне – водач на сицилијанска мафија кој ја киднапира жената од своите соништа и ѝ дава 365 дена да се заљуби во него – преку ноќ стана еден од најпосакуваните мажи.

Џулија Робертс за малку ќе допрела нешто што можело да ја убие во текот на снимањето на „Билет за рајот“.

54-годишната актерка повторно се обедини со блискиот пријател и колега Џорџ Клуни за романтичната комедија што се снимаше во Австралија. А неодамна во интервју таа откри дека била предупредена кога сакала да допре нешто што мислела дека е морска школка.

Таа изјави за Best UK: „Таму сè се обидува да те убие!“

„Сакав да допрам нешто што мислев дека е морска школка и некој извика: не! не допирајте го, тоа е нешто што всушност ќе ве убие.“

„Повеќе како билет за болница отколку билет за рај“, се пошегува таа, алудирајќи на насловот на филмот.

Клуни (61) рече: „Дури и медузата! Влегуваш во вода и таа ќе те убие“.

Тој призна дека ја искористил шансата да работи со Џулија и дека не би можел да го сними филмот без неа.

Робертс и Клуни глумат разведена двојка, која се здружува и патува за Бали во обид да ја спасат нивната ќерка од брак со локален жител.

Филмот во режија на Ол Паркер ги обединува двајцата оскаровци од А-листата, кои се и долгогодишни пријатели. Тие во минатото работеа заедно во Ocean’s Eleven (2001), Ocean’s Twelve (2004) и Money Monster (2016).

Во „Билет до рајот“, Робертс и Клуни патуваат на Бали за да ја спречат нивната ќерка да не ја направи истата грешка што мислат дека тие ја направиле пред 25 години.

Иако дејствието на филмот се одвива на Бали, сите сцени беа снимени во Австралија.

Ријана ќе настапи на шоуто на полувремето на „Супер боул“ во февруари во Глендејл, Аризона, објави Националната фудбалска лига на САД (НФЛ) во неделата.

Добитничката на Греми од Барбадос го пополнува едно од најпосакуваните места во музичкиот календар на САД што го гледаат милиони телевизиски гледачи годишно. Претходни изведувачи на полувремето беа Мајкл Џексон, Принс, Бијонсе, Миси Елиот, Лејди Гага, „Ролинг стоунс“, Пол Макартни, Мадона, Брус Спрингстин и Ху.

„Суперболот“, најголемиот настан во американскиот фудбал, се одржува на стадионот „Стејт Фарм“ во Глендејл на 12 февруари.