Мерил Стрип го продолжи својот рекорд во номинации на „Златен глобус“, освојувајќи ја 34-тата номинација за портретот на Мери Луис Рајт во втората сезона на Big Little Lies (Големи мали лаги) што се емитува на ХБО.

Стрип е номинирана заедно со Хелена Бонам Картер (The Crown), Патриша Аркет (The Act ), Емили Вотсон (Chernobyl) и Тони Колет (Unbelievable) за најдобра актерка во телевизиска серија, лимитирана серија или филм.

Стрип претходно го сруши сопствениот рекорд во 2018 година со нејзината 33-та номинација за The Post.

Трикратната добитничка на Оскар ја доби својата прва номинација за Златен глобус во 1979 година за the The Deer Hunter  (Ловец на елени) и продолжи да го освои својот прв трофеј Златен глобус следната година за најдобра споредна улога во филмот Kramer vs. Kramer (Крамер против Крамер).

Таа доби уште два златни глобуси за The French Lieutenant’s Woman (Жената на францускиот полковник) во 1982 година и Sophie’s Choice (Изборот на Софија) во 1983 година.

По 20-годишна пауза, таа заработи шест последователни номинации од 1995 до 2000 година за филмови, вклучувајќи One True Thing, The Bridges of Madison County, Marvin’s Room и The River Wild.

Big Little Lies е трета телевизиска номинација за Златен глобус до денес.

Најновиот трофеј „Златен глобус“ го доби во 2012 година за Железната лејди –  The Iron Lady –  а за оваа улога освои и Оскар.

Сè на сè, Стрип има освоено осум актерски номинации за Златен глобус, а во 2018 година ја доби престижната награда Cecil B. DeMille Award.

Мачорот Џиво доби работа на Филозофскиот факултет во Осијек. Тој се вработи во библиотеката на Филозофскиот факултет во Осијек и ќе ја добие својата плата во форма на сместување, храна и здравствено осигурување.

Во ноември 2017 година, Филозофскиот факултет во Осијек ширум ги отвори вратите за милениците, а неодамна и мачорот доби Џиво Гундулиќ доби работа во новоотворената библиотека, пренесува sib.hr.

На фејсбук страницата на библиотеката се објавени фотографии на нововработениот мачор, за кој се вели дека неговата работа е да пишува семинари со студентите, да брои книги, а за неговите услуги добива храна, стан, здравствено е осигуран, додека се уште не е синдикално организиран.

Тамара Тодевска со песната „Monsters” вчера беше прогласена за најдобар интернационален артист на престижниот музички фестивал Кенга Маџик во Тирана, Албанија.

„Monsters” е авторско дело на Роберт Билбилов, Дарко Димитров и Лазар Цветковски, со текст на Коста Петров.

„Пресреќна сум. Оваа награда ја посветувам на моето семејство и на Македонија”, изјави Тамара при земањето на наградата која и беше врачена од овогодинешната претставничка на Евровизија за Албанија.

Во моментов Тамара го привршува нејзиниот трет студиски албум а до крајот на годината ќе биде промовиран и видео записот за „Monsters”.