Еден маж од Лондон, Метју Картер, стана вирален по објавата во која сакаше да ѝ докаже на сопругата дека може сè да направи со долги вештачки нокти.

Неговата сопруга до крај инсистираше дека нема да успее во својата идеја и погодете кој е во право…

„Мојата сопруга рече дека нема да издржам ниту еден ден со вештачки нокти и таа беше во право. Не издржав ниту едно утро“, рече тој во видеото.

Метју имаше проблем при возењето, но и на работа, па дури и на тренинг. Ништо не му одеше добро, па сфати дека на жените воопшто не им е лесно.

View this post on Instagram

A post shared by Mathew Lewis-Carter (@mathewlcarter)

„Дефинитивно мислам дека секој маж треба да го проба, но имам многу сериозно прашање за дамите – како воопшто успевате да направите сè? Јас дури и не одам во тоалет“, беше искрен Метју.

Видеото брзо стана вирално и привлече големо внимание од жените, со над шест илјади коментари.

„Постојано се држи за рацете како да има свежо налакирани нокти“, „Изгледа како да заборавил дека може да ги свитка прстите“, „А потоа велат дека ни е лесно нам жените“, „Така одеше во теретана?!“, „Убаво ти стојат ноктите“, беа некои од коментарите под објавата.

Кристен Стјуарт објасни зошто сè повеќе се оддалечува од глумата и се свртува кон режијата – наведувајќи го начинот на кој жените се третираат во Холивуд како главна причина. Пред премиерата на нејзиното режисерско деби, „Хронологијата на водата“, 35-годишната актерка отворено проговори за своите фрустрации од филмската индустрија и рече дека чувствува дека луѓето ја почитуваат повеќе зад камерата отколку пред неа.

„Актерките се третираат како ѓубре, морам да ви кажам“, рече Стјуарт во интервју за The Sunday Times. „Луѓето се однесуваат како секој да може да го направи тоа, но првиот пат кога седнав да зборувам за мојот филм како режисер, си помислив: „Воа, ова е сосема различно – ми зборуваат како да имам мозок.“

Ѕвездата на „Самрак“ додаде дека режисерите, особено мажите, честопати добиваат автоматско почитување – и тоа е дел од поголема нерамнотежа во индустријата.

„Постои идеја дека режисерите имаат некои посебни моќи, а тоа едноставно не е вистина. Тоа е мит што најчесто го овековечуваат мажите“, рече таа. „Актериките честопати се полоши од актерите – се третираат како кукли, а тие не се кукли“.

Потсетувајќи се на неодамнешен разговор со машки колега, таа рече дека тој станал дефанзивен штом таа спомнала родови разлики. „Тој рече дека никогаш не сретнал актерка која не е луда“, откри таа. „Пред неколку години, тој коментар ќе ме натераше да се засрамам… Сега само продолжив со разговорот. Добро е да старееш – полесно наоѓаш мир.“

Стјуарт сега е фокусирана на режијата, а нејзиниот претстоен филм „Хронологијата на водата“, базиран на мемоарите од 2011 година на американската авторка Лидија Јукнавич, треба да излезе наскоро. Во филмот глумат Имоџен Путс, Мајкл Еп, Тора Берч и Ерл Кејв, а истражува теми за траума, автономија на телото и женско изразување.

„Да бев маж, немаше да го снимам овој филм“, рече таа. „Мораме да ја негираме нашата физичка природа секој ден. Има толку многу работи – како породувањето – што се болни и доста убави во исто време, но не зборуваме за тоа бидејќи се перцепира како непријатно или одвратно.“

фото/Depositphotos

Некои намирници едноставно не можат да го поднесат студот и кога ќе се одмрзнат, се претвораат во безлична маса без вкус или хранлива вредност. Ако некогаш сте се обиделе да замрзнете јогурт, свежа салата или варени јајца, знаете за што зборуваме.

Еве листа од 7 намирници кои никогаш не треба да завршат во замрзнувач – освен ако не сакате веднаш да ги фрлите.

1. Меки сирења
Сирењата како бри, фета и крем сирењето не се погодни на ниски температури. Откако ќе се одмрзнат, тие стануваат воденести, ја губат својата кремаста текстура и се претвораат во маса што повеќе личи на сос отколку на сирење. Тврдите сирења можат да траат до два месеци во замрзнувачот, но меките сирења треба да се чуваат само во фрижидер. Ако ги замрзнете, користете ги за топли јадења, сосови или лазањи, каде што текстурата нема да се промени многу.

2. Јогурт и павлака
Технички, млечните производи можат да се замрзнат, но нема да имаат ист вкус или структура како порано. Јогуртот и павлаката стануваат зрнести и водени, а кога ќе ги одмрзнете, го губат тој кремаст вкус во устата. Ако навистина сакате да ги конзервирате, користете ги подоцна во готвени јадења, супи или сосови, но не и во колачи и кремови каде што е важна мазната текстура.

3. Зеленчук со висока содржина на вода
Краставиците, зелената салата, доматите и тиквичките се најчестите жртви на замрзнувачот. По одмрзнувањето, тие стануваат кашести, губат боја и свежина. Ако планирате да ги користите во смутија, чорби или сосови, можете да ги замрзнете бидејќи текстурата не е забележлива во тие јадења. Но, ако сакате да ги јадете свежи, замрзнувањето не е опција.

4. Пржена и масна храна
Крцкавите пржени грицки никогаш не преживуваат замрзнување. Прженото пилешко, пржените компири и домашните крофни ја губат својата текстура бидејќи влагата и маслото не се правилно распределени. Резултатот е кашеста, мрсна и безвкусна храна. Замрзнатите производи се специјално термички обработени за да ја задржат својата текстура, но домашните верзии едноставно не преживуваат во замрзнувачот.

5. Тврдо варени јајца
На ниски температури, варените белки стануваат гумени и водени, додека жолчките можат да ја променат бојата и текстурата. Ако сакате да чувате тврдо варени јајца, чувајте ги во фрижидер не повеќе од три дена. Само жолчките може да се замрзнат, но претходно измешајте ги со малку сол или шеќер за да спречите желатинозна структура.

6. Свежи билки
Билките како што се магдонос, босилек и копар брзо го губат својот вкус и боја кога се замрзнати свежи. По одмрзнувањето, тие стануваат темни, меки и без мирис. Ако сакате да ги конзервирате, замрзнете ги во маслиново масло во калап за коцки мраз или додадете ги свежи при сервирање.

7. Сурови компири, моркови и репа
Иако може да изгледа практично да се замрзне голема количина зеленчук, суровиот коренест зеленчук ја губи својата цврстина и вкус. Откако ќе се одмрзнат, тие стануваат водени и немаат структура. Решението? Бланширајте ги пред замрзнување. Ова ќе ја зачува нивната боја, текстура и хранливи материи, а сепак ќе можете да ги користите во супи и чорби.

Замрзнувачот може да го продолжи рокот на траење на многу прехранбени производи, но не е за сè. Неправилното замрзнување може да ве чини вкус, хранливи материи и пари. Ако сакате вашата храна да остане свежа и со добар квалитет, бидете селективни во врска со тоа што ставате во замрзнувачот, а што не.

Како што велат кулинарските експерти: „Замрзнувачот ја конзервира храната, но не може да го поправи она што не е свежо“.