Во паузите од мечевите на Австралиан опен, за време на тренинг во Мелбурн, на Новак Ѓоковиќ му се придружи необичен спаринг-партнер, разигран лабрадор, подготвен за игра и дружење.

Man I love dogs pic.twitter.com/mey8LrV8aI

— Novak Djokovic (@DjokerNole) January 23, 2020

Најдобриот српски тенисер на својот профил на Твитер објави фотографија, на која се гледа дека друштво му прави разиграниот лабрадор, кој не умее да врати топче со рекетот, но умее да ја донесе.

pic.twitter.com/GZLkbvVpHk

— Novak Djokovic (@DjokerNole) January 23, 2020

„Човеку, сакам кучиња“, Новак кусо ја прокоментира дружбата.

Научниците ја исполниja желбата на мумифицираниот египетски свештеник за живот по смртта, преку реплицирање на неговиот глас со вештачки гласни акорди, објави Би-би-си.

Гласот на Несјамун се репродуцираше како самогласен звук, кој потсетува на крвавење на овци.

Свештеникот живеел за време на политички нестабилното владеење на фараонот Рамс XI, помеѓу 1099 и 1069 година. Како свештеник во Теба, му требало силен глас за неговите ритуални должности, што вклучувало и пеење.

Кога тој умрел, неговиот глас замолкна, но по 3.000 години, тим истражувачи го вратија во живот. Тие го сторија тоа со производство на 3Д печатена говорна кутија, заснована на вокалниот тракт на Несјамун, која била скенирана за да се утврдат нејзините прецизни димензии.

Користејќи го гласовниот тракт со вештачки звук на ларинксот, тие синтетизирале звук на самогласките, чија цел е да биде слична на гласот на Несјамун.

Научници успеаја првпат во историјата да снимат видео со поврзување и раздвојување атоми, процес што се одвива на скала што е 500.000 пати помала од дијаметарот на човечкото влакно.

Користејќи напредни микроскопски методи, физичарите и хемичарите од Универзитетот „Улм“ во Германија и Универзитетот „Нотингем“ во Велика Британија беа во можност да го регистрираат поврзувањето, а потоа и раздвојувањето два атома со големина помеѓу 0,1 и 0,3 нанометри, пренесе „Скај њуз“.

За да го постигнат ова, тие користеле посебен микроскоп преку кој со високоенергетски тенок сноп од електрони може да се набљудуваат многу тенки примероци.

„Заробивме неколку атоми  рениум (Re), кои се здружија и формираа Re2. Бидејќи раниумот има висок атомски број, поедноставно беше да го видиме со нашиот микроскоп за разлика од некои полесни елементи, па секој атом од овој метал можевме да го регистрираме како темна точка“, објасни хемичарот Андреј Хлобјостов од Универзитетот „Нотингем“.

Инаку, рениумот е еден од најретките елементи во природата. Станува збор за многу цврст метал во сребрено-бела боја, кој има голема густина и висока точка на топење. Неговиот атомски број е 75.

Во видеото може да се види како двата атома на рениумот се спојуваат еден со друг, а потоа се движат и вибрираат пред да се разделат и да ја прекинат врската.