Забава
„Милка“ загуби судски спор, во Германија само едно чоколадо може да има квадратна форма
![](https://makfax.com.mk/wp-content/uploads/2020/07/milka-riter.png)
Чоколадото „Ритер“ е единственото што во Германија може да се продава во карактеристична квадратна форма, пресуди денеска германскиот Врховен суд, отфрлајќи ја тужбата на конкуренцијата.
Судот смета дека квадратниот облик на чоколадото „Ритер спорт“ не е само плод на функционалност, туку и на креативен дизајн.
„Не е клучно за другите производители на чоколади да ги нудат своите производи во квадратна форма“, се вели во пресудата.
Со ова и официјално е отфрлена тужбата на компанијата „Монделез“, која е производител на чоколадата „Милка“. Конечната пресуда стави крај на десетгодишна правна битка во која „Милка“ бараше укинување на ексклузивното право на „Ритер“ за квадратна форма на чоколадите.
„Среќни сме што е заштитена иднината на нашиот бренд, кој го негуваме со денцении“, соопштија од компанијата „Алфред Ритер“.
„За нас, квадратниот облик на чоколадото има иста вредност како и виолетовата боја на омотот на конкуренцијата“, додаваат од „Ритер“.
„Ритер спорт“ е основан во 1912 година, а квадратниот облик е дизајниран во 1932 година, кога ко-основачката Клара Ритер одлучила дека чоколадиите мора да се вклопат во сечиј џеб, без да се скршат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Весна Петрушевска соопшти дека се бори со рак на дојка (ВИДЕО)
![](https://makfax.com.mk/wp-content/uploads/2024/05/vesna-petrushevska.jpg)
„Мојата дијагноза е од средината на април оваа година. Се работи за рак на дојка, имав две операции“, раскажува Весна Петрушевска во видео споделено на Инстаграм.
„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.
„Имам рак, па што – живејте си го животот, еден е“, стои во описот на објавата.
View this post on Instagram
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.