Светски познатиот готвач Гордон Ремзи (53) мораше да отпушти 500 вработени поради пандемијата што завладеа во земјата. Владата нареди сите ресторани во Велика Британија да бидат затворени привремено. Одлуката на шефот да подели откази ги шокира и ги раплака неговите вработени, пренесува „Дејли мејл“.

„Многумина од вработените беа во солзи поради неговата одлука, но најмногу од сè беше ужасен начинот на кој се однесуваше кон нас. Немаше предупредување. Бевме поканети на состанок и само бевме известени дека нашите договори веќе не важат. Беше толку брутално. Дури подоцна добивме имејл дека ќе ни биде платено за работата до 17 април“, рече готвачката Анка Торпук (28).

View this post on Instagram

Merry Christmas everyone! 🎄🎅☃️ @marco.deriu.319 @danielchettur

A post shared by Anca Cosmina Toropu (@ancatoropu) on Dec 24, 2019 at 3:04pm PST

Анка вели дека сите вработени, вклучително и таа, работеле напорно за Гордон и тој ги оставил на цедило. Таа му порача на Ремзи дека се надева оти ќе може ноќе да спие мирно знаејќи дека многу луѓе поради него ги загубиле своите работни места во овие тешки времиња.

Тој на „Инстаграм“ им посака на сите да се грижат едни за други во овие тешки времиња и информира дека неговите ресторани не работат до понатамошно известување, но не кажа ништо за ситуацијата со отказите.

„Му се заблагодарувам на мојот персонал и им благодарам за сè. Се надевам дека сите ќе бидеме повторно заедно набргу“, напиша тој на крајот.

Богатството на Гордон се проценува на 140 милиони фунти, а неговите ресторани имаат вкупно 16 мишлин-ѕвезди.

Како и во многу земји погодени од коронавирусот, луѓето во Велика Британија решија да им оддадат почит на оние кои беа на првата линија за време на пандемијата, па во точно предвиденото време тие ракоплескаа сакајќи со тој мал гест да им дадат дополнителна сила.

View this post on Instagram

To all the doctors, nurses, carers, GPs, pharmacists, volunteers and other NHS staff working tirelessly to help those affected by #COVID19: thank you. #ClapForOurCarers #ClapForCarers #ThankYouNHS #ClapForNHS

A post shared by Kensington Palace (@kensingtonroyal) on Mar 26, 2020 at 1:00pm PDT

Кралското семејство не е исклучок. Од официјалниот профил на војводата и војвотката од Кембриџ, објавено е снимка на која ракоплескаат сите три деца на принцот Вилијам (38) и Кејт Мидлтон (38).

„За сите лекари, медицински сестри, старатели, фармацевти, волонтери и други здравствени работници кои неуморно работат за да им помогнат на оние кои се погодени од вирусот Ковид-19. Ви благодарам“, стои во официјалното соопштение.

#ClapForOurCarers #ClapforNHS from Windsor Castle!

👏👏👏 pic.twitter.com/gbk4c3FgjH

— The Royal Family (@RoyalFamily) March 26, 2020

Принцот Џорџ (6), принцезата Шарлота (4) и принцот Луис (1) ракоплескаа, а кралицата Елизабета Втора (93) го поддржа движењето со фанфари од нејзиниот замок Виндзор, каде што е изолирана.

Пејачот на германската рок-група „Рамштајн“, Тил Линдмен, се наоѓа во болница во одделот за интензивна нега поради инфекција со коронавирус.

Линдмен бил во животна опасност, но сега повторно е добро, пишува „Билд“.

По концертот во Русија, Линдман се вратил во Берлин каде што добил треска.

Брзата помош го однела на клиника каде што го тестирале и откриле дека е позитивен на инфекција со коронавирус.

Имал и пневмонија.