Холивудскиот глумец Кијану Ривс доаѓа во посета на Србија. Во Белград ќе пристигне на почетокот на Новата година, а посетата ќе биде од хуманитарен карактер. Ќе се обиде да им помогне парично на оние на кои им е потребна најголема помош. Планирано е да дојде во Белград на почеоткот на наредната година, пренесе „Курир.рс“.

Ривс е косценарист и на стрипот BRZRKR на кој Србија, по Америка, е првата земја која ги има откупено правата, нешто што е големо изненадување за него, вели извор близок до него.

„Кијану слушна убави зборови од негов колега кој снимал во нашата земја. Освен тоа има неколку пријатели на Балканот, а и е голем фан на Новак Ѓоковиќ. Неговиот стрип бил еден од најбараните изданија на неодамна одржаниот белградски Саем на книги“, рече изворот.

„Посетата ќе трае неколку дена и тој сака да ги посети сите туристички атракции за кои има слушнато и прочитано. Тоа ќе биде приватна посета, но тој во договор со својот тим, еден ден ќе одвои за дружење и запознавање на фановите, кои ги има во огромен број“, додаде изворот.

Како што наведува, Ривс посетата ќе ја искористи и парично да им помогне на оние на кои им е потребна помош.

„Познато е дека Ривс најголем дел од парите ги дава во хуманитарни акции. Незгодно му е од тоа колку заработува. Им дава на сите, фановите, соработниците, болните за лечење. Донираше 70% од филмот „Матрикс“ за наоѓање лек за заболените од леукемија. Сигурно е дека и кај нас ќе остави многу пари на некоја организација или установа за која неговиот тим ќе процени дека е соодветна“, рече изворот.

Стрипот BRZRKR е најскапиот квиз во историјата на една позната платформа, а истовремено е и најпродаваниот стрип серијал во последните 25 години. Објавен е на почетокот на септември и за само три дена се продадени 650.000 примероци.

„Создавањето и учествувањето во пишувањето на стрипот беше многу возбудливо искуство, бидејќи обожавам стрипови уште од детството. Стриповите имаат значајно уметничко влијание низ целата моја кариера“, рече Ривс.

Ново откритие сугерира дека гуштерите постоеле 35 милиони години подолго отколку што се мислеше, пишува Би-Би-Си. Универзитетот во Бристол користел „КТ“ уред за анализа на фосил од рептил кој со децении бил чуван во Природонаучниот музеј во Лондон.

Анализата покажа дека непознатиот рептил е тесно поврзан со современите гуштери.

Meet Cryptovaranoides microlanius – a #lizard you wouldn’t want to mess with!

The name of the new species translates as small butcher, and with jaws full of sharp teeth, it’s very appropriate!

Discover this new reptile from our collections 👇https://t.co/W2W2cjMI96

— Natural History Museum (@NHM_London) December 3, 2022

Д-р. Дејвид Вајтсајд, кој го предводеше истражувањето, рече дека фосилот „веројатно ќе стане еден од најважните пронајдени во последните неколку децении“.

Се сметало дека гуштерите потекнуваат од периодот на средниот јура, но новото откритие сугерира дека тие живееле и во доцниот тријас (пред 237-201 милион години).

Фосилот влијае на проценките за потеклото на гуштери и змии, кои колективно се познати како лушпести змии, а исто така влијае и на претпоставките за нивната стапка на еволуција.

Фосилот бил пронајден во складиште како дел од колекција од 1950-тите, која вклучувала примероци од каменолом во близина на Тортворт на западна Англија.

Истражувачкиот тим го нарече откритието Cryptovaranoides microlanius, што значи „мал месар“ и се однесува на неговата вилица, полна со остри заби.

Патниците во авионите во ЕУ наскоро ќе можат да користат мобилни телефони за време на летот без да го вклучат „режимот на летање“, јавува Би-Би-Си.

Европската комисија одлучи дека авиокомпаниите ќе можат да обезбедуваат услуги за „5Г“ технологија во авионите.

Ова би можело да значи дека од патниците повеќе нема да се бара да го менуваат режимот на работа на телефонот, иако сè уште не е јасно како ќе се спроведе одлуката.

Крајниот рок за членките на ЕУ да обезбедат опсег на фреквенција „5Г“ за авионите е 30 јуни 2023 година.

Новата одлука значи и дека патниците ќе можат да остваруваат повици за време на летот, како и да користат апликации за емитување музика и видеа.

Европскиот комесар за внатрешен пазар Тиери Бретон рече дека новиот план „ќе овозможи иновативни услуги за луѓето“ и ќе им помогне на европските компании да растат.

„Небото повеќе не е граница кога се во прашање можностите што ги нуди брзата конекција на голем капацитет“, рече Бретон.