Документарецот на Милош Шкундриќ, The Long Way to War („Долгиот пат во војна“), е на листата 10 најгледани филмови на „Нетфликс“ во 14 европски земји во првата недела од прикажувањето.

Продуцентската куќа „Парадокс филм“ истакнува дека има особено добра гледаност во нордиските земји. Документарниот филм е деветти на листата во Холандија и шести во Шведска.

„Ова е важна вест за српската кинематографија и српската историографија”, се наведува во соопштението на продуцентската куќа. Филмот прикажува интервјуа со историчари кои откриваат како настанала Првата светска војна. Во филмот глумат Џон Рол, Хју Страхан, Доминк Ливен, Аника Момбауер, Олег Ајрапетов, Жорж-Анри Суту, Лотар Хобелт, Стиг Форстер, Жан Пол Блед, Алан Аскед и Душан Батаковиќ.

На „Нетфликс“ пристигна на 28 јуни, точно на годишнината од атентатот врз австроунгарскиот престолонаследник Франц Фердинанд. Атентатот го изврши Гаврило Принцип.

Документарецот се прикажува во 30 европски земји, каде што стриминг-платформата  има публика од околу 70 милиони претплатници. Ќе биде достапен за гледање во следните пет години. Направен е со поддршка на Министерството за култура на Србија и Филмскиот центар на Србија во 2018 година. Низ годините, филмот е наградуван на бројни меѓународни филмски фестивали.

Том Круз, кој во неделата наполни 60 години, доби честитки за роденденот од голем број истакнати личности од висок профил.

Меѓу оние што му честитаа беше и режисерот Кристофер Меквари, кој работеше заедно со Круз во филмот „Џек Ричер“ од 2012 година, како и во повеќе филмови од серијалот „Невозможна мисија“, вклучително и претстојниот „Невозможна мисија – Пресметка на мртвите, прв и втор дел“.

„Среќен 60. роденден, Том“, напиша Меквари покрај фотографија од Круз како се држи за крилото на старински авион во воздухот.

Круз, кој се врати во улогата на капетанот Пит (Маверик) Мичел во новиот блокбастер „Топ Ган: Маверик“, доби убави зборови и од двајца свои колеги во филмот, Вал Килмер и Глен Пауел.

Килмер напиша: „Среќен роденден ‘Мав Том Круз од Ајс’!“ алудирајќи на неговото повторување на улогата Адм. Том (Ајсмен) Казански во продолжението.

Пауел, кој во филмот го портретира поручникот Џејк (Хенгмен) Сересин, ја објави истата фотографија што ја сподели Меквари, а на која Круз ѝ пркоси на смртта.

Тој напиша: „Ова е 60. Том Круз, едноставно, нема никој како тебе. Држи се таму. Среќен роденден!“

Силвестер Сталоне малку рано го прослави својот 75. роденден со гламурозната сопруга Џенифер Флавин и нивните три ќерки.

Холивудската легенда беше забележана во саботата како пристигнува во „Виа Алоро“ во Беверли Хилс, облечен во бела кошула и фармерки.

Неговата сопруга Џенифер (53) зрачи со стил во елегантен црн фустан, додека нивните ќерки Систин (24), Софија (25) и Скарлет (20) привлекуваат внимание во ултрамодерна облека.