Забава
Нутриционист го разби митот дали овошјето за вечера дебелее: една работа е клучна
Овошјето за вечера станува сè попопуларно, а многу луѓе го користат како дел од стратегија за детоксикација или диета, но ефикасноста на овој метод сега е доведена во прашање. Оваа алтернатива е идеален избор кога се чувствувате „тешко“, надуено или после обилен оброк, а не би требало да има спротивен ефект и да доведе до дебелеење, доколку се консумира правилно. Сепак, секогаш треба да имате на ум дека овој оброк не е комплетен или богат со хранливи материи.
Што се однесува до тоа дали оваа практика може да доведе до зголемување на телесната тежина, објаснувањето на Сандра Лорден Алварез, спортски нутриционист, е јасно:
„Јадењето само овошје за вечера може да доведе до недостаток на други есенцијални хранливи материи, како протеини и здрави масти“, кои се важни за чувството на ситост и за правилното функционирање на телото. Недостатокот на овие хранливи материи може да предизвика желба за храна следниот ден, што ќе започне циклус на прејадување кога ќе се разбудиме со желба за јадење“, вели Сандра.
Воедно, таа не потсетува на придобивките што ги нуди овошјето, наведувајќи дека е богато со витамини, минерали и влакна, но истакнува дека содржи и природни шеќери кои можат да влијаат на нивото на шеќер во крвта.
„Кога овошјето е единствената храна за вечера, особено во големи количини, може да има значително зголемување на нивото на шеќер во крвта (особено ако избраното овошје е високо со гликемиски индекс). Наглото зголемување на гликозата може да предизвика инсулински одговор кој на долг рок, може да придонесе за развој на инсулинска резистенција и други метаболички проблеми“, предупредува таа.
Нутриционистот Чарлс Орико додава: „Овошјето е здраво, но природно содржи шеќер. Самото јадење на овошје за вечера ќе предизвика скок на инсулин, а ако таа енергија не се искористи, ќе се претвори во маснотии“.
Дури и ако сакате да вклучите овошје во вечерниот оброк, нутриционистите советуваат секогаш да го комбинирате со други макронутриенти, како протеини и здрави масти. „Иако овошната вечера може да биде здрава, препорачливо е да се комбинира со друга храна која обезбедува протеини и здрави масти, како овошна салата со јогурт и јаткасти плодови. Ова ќе помогне да се одржи нивото на шеќер во крвта и да се овозможи поцелосен оброк. Исто така, ако изберете овошје со низок гликемиски индекс (како бобинки, јагоди, боровинки или јаболка), ќе го намалите порастот на нивото на шеќер во крвта“, објаснува Сандра.
Меѓутоа, ако сакате да изгубите неколку килограми, вечерите на база на протеини обично се подобра алтернатива, бидејќи, како што додава д-р Лео Серуд, „со оглед на тоа што овошјето содржи многу шеќер, може да се вклучи во исхраната, но е подобро е да го консумирате на крајот од оброкот. За да се избегне зголемување на телесната тежина, овошјето треба да биде богато со вода, влакна и што е можно помалку шеќер“.
Кога е идеално време за последниот оброк?
Прескокнувањето на вечерата исто така не е добра опција (ниту е опција за слабеење). Од друга страна, како што објаснува нутриционистката Ботикарија Гарсија во својата книга Tu cerebro tiene hambre („Вашиот мозок е гладен“), „досегашните достапни податоци сугерираат дека е препорачливо да го концентрирате најголемиот дел од внесот на храна во текот на денот и да избегнувате големи оброци доцна во денот“. Иако, како што нагласува таа, хрононутрицијата е сè уште нова област на истражување, студиите сугерираат дека доцните оброци, блиску до времето кога се ослободува мелатонин, може да го зголемат ослободувањето на холестерол и да ја намалат потрошувачката на енергија во мирување, како и толеранцијата на гликоза. Затоа, секогаш е подобро да се вечера порано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Мадалина Генеа повторно пронајде начин да биде во центарот на вниманието – објави 18+ фотографии
Актерката и модел Мадалина Генеа е позната по своите секси изданија и заводливи пози кои често ги демонстрира на големи настани.
Ако не е во центарот на вниманието на црвениот тепих, познатата Романка „бара помош“ на социјалните мрежи, каде што има армија од лојални следбеници.
Па неодамна објави серија провокативни фотографии кои не се за оние со слабо срце, туку се за оние кои можат да се справат со нејзината сексапилност.
Мадалина позираше во чипкана долна облека, во неонско зелена боја, и привлече внимание со својата витка фигура и заводливи облини. За време на фотосесијата, таа користеше црево за вода кое совршено се вклопуваше во оваа „жешка“ средина.
Во описот на фотографиите, таа го означи брендот Victoria’s Secret, а коментарите под објавата само се нижеа.
„Совршено“, „Не разбирам зошто не си ангел на Викторија“, „Толку си секси“, се само неколку…
фото: принтскрин
Забава
Што навистина забележуваат луѓето на првиот состанок: не е тоа што мислите
Наместо да го анализирате секој детаљ кога се подготвувате за состанок, фокусирајте се на она што навистина остава добар впечаток.
Запознавањето нови луѓе може да биде возбудливо, но може да биде и стресно. Секој што некогаш бил на состанок го знае тоа чувство на преиспитување на секој ваш потег – од вашиот изглед до секој ваш збор што го кажувате. Но, вистината е дека повеќето работи за кои се грижиме дури и не ни остануваат во сеќавање. Еве некои работи што навистина оставаат впечаток кај спротивниот пол.
1. Говор на телото
Вашето тело често кажува повеќе од зборовите. Експертот за состанување Дамона Хофман вели дека интересот е очигледен во вашето држење на телото.
„Некој што се наведнува, го врти своето тело во ваша насока и бара можности да се приближи – покажува дека му е грижа“, објаснува таа. Тренерот за состаноци Блејн Андерсон додава: „Стоењето исправено и отворениот став се знак на самодоверба – а тоа е секогаш привлечно“.
2. Изрази на лицето и поглед
Вашите очи и насмевка кажуваат сè. Контактот со очите и искрената насмевка создаваат врска и ја намалуваат тензијата.
„Кога воспоставувате контакт со очите, покажувате дека сте присутни и заинтересирани“, вели тренерот Ник Нотас. „Топла, природна насмевка им дава до знаење на луѓето дека ви е удобно и дека другата личност може да се опушти“. Со други зборови, не мора да имате совршени реченици, само зрачете топлина и позитивност.
3. Уредност и хигиена
Пред да излезете, одвојте време да ги направите основните работи – туширајте се, свеж здив, чиста коса. „Малите работи како потстрижена брада, чисти нокти и уредна облека покажуваат дека се грижите за себе“, објаснува Нотас. „Непријатните мириси и неуредниот изглед можат да остават погрешен впечаток“.
4. Облечете се соодветно за пригодата
Не е важно дали носите дизајнерски етикети – поважно е да сте соодветно облечени и да се чувствувате удобно. „Добро облечената личност не мора да има скапа облека, но таа знае што е соодветно за пригодата“, вели Андерсон. „И секако – чистите чевли секогаш се добар знак“.
5. Енергијата што ја создавате
Лицето со кое сте можеби не се сеќава на бојата на вашите очи, но ќе се сети како се чувствувало кога сте биле во негова близина. „Атмосферата и чувството на поврзаност се поважни од совршената облека или фризура“, вели Хофман. Токму ова создава впечаток што трае долго по завршувањето на вечерта.
И што луѓето речиси никогаш не забележуваат
Експертите велат дека повеќето од нашите грижи не се совпаѓаат со она на што луѓето всушност се фокусираат. Додека ја анализираме секоја ситница – мозолче што се појавило утрото пред состанокот, неколку килограми вишок или лузна што само ние ја забележуваме – лицето со кое се забавуваме гледа во нешто сосема друго. Она што остава впечаток не е совршениот тен, туку енергијата.
Истото важи и за облеката. Никој нема да ги брои етикетите ниту ќе ги препознава брендовите, но ќе забележи дали изгледот е хармоничен и чист. Уредноста и опуштениот став секогаш ќе ја надминат дизајнерската чанта.
А кога станува збор за разговор, тонот и начинот на кој слушаме се поважни од секоја совршено изговорена реченица. Луѓето ја паметат топлината на гласот, погледот во очите и интересот, а не самите зборови што биле изговорени. Токму таа автентичност создава врска – и тоа е она што се врежува во меморијата.
фото: принтскрин
Забава
Дали често заборавате? Како да се справите со „маглата во мозокот“ за време на менопаузата
Дали заборавате каде сте го оставиле телефонот? Дали влегувате во соба и немате поим зошто сте таму? Не сте сами – многу жени доживуваат „мозочна магла“, привремено губење на фокусот и заборавеност, за време на менопаузата. Иако често може да се чувствува застрашувачки, овие промени во менталната функција се обично привремени и не се знак на деменција.
Менопаузата носи познати физички промени – топли бранови, несоница, замор или сувост – но вашиот мозок и расположение исто така страдаат. Според студија објавена во Светскиот журнал за психијатрија, дури 62 проценти од жените во перименопауза пријавуваат проблеми со меморијата, концентрацијата и општата ментална јасност.
Како менопаузата влијае на мозокот
Главниот виновник за „мозочната магла“ се хормоните, поточно падот на естрогенот. Овој хормон е клучен за правилното функционирање на невротрансмитерите како серотонин, допамин и глутамат, кои директно влијаат на учењето и меморијата. Падот на естрогенот може да доведе до ментална тромост и конфузија. Но, естрогенот не е единствениот – тестостеронот игра улога и во когнитивната функција. Бидејќи неговото присуство се намалува за време на менопаузата, ова придонесува за чувството на „магла“.
Покрај хормоналните промени, симптомите на менопаузата, како што се лошиот сон или депресијата, дополнително ја влошуваат когнитивната функција. Недостатокот на квалитетен сон ја намалува отпорноста на мозокот, способноста за концентрација и краткорочната меморија, додека депресијата или ненадејните промени во расположението ја прават „маглата“ уште поизразена.
Дали постои врска со деменција?
Разбирливо е дека проблемите со меморијата за време на менопаузата можат да предизвикаат страв од деменција. Нема директна врска, но намалувањето на естрогенот кај жените може да го зголеми ризикот од Алцхајмерова болест подоцна во животот. Сепак, повеќето жени – околу 80% – нема да развијат деменција.
Сè уште е важно да се следат когнитивните симптоми, бидејќи „маглата во главата“ може да биде првиот знак на општо опаѓање на менталната функција со возраста.
Како да се справите со „маглата“
Добрата вест е дека повеќето симптоми се реверзибилни и можат да се ублажат со едноставни промени во животниот стил и терапии. Еве неколку совети:
Хормонска терапија
Хормонската терапија (ХТ) може да помогне во ублажување на симптомите на менопауза, вклучувајќи ги и топлите бранови. Студиите покажаа мешани резултати, но некои податоци покажуваат подобрувања во когнитивните тестови.
Храна за мозокот
Медитеранската исхрана богата со антиоксиданси, омега-3 масни киселини и протеини ја поддржува функцијата на мозокот и менталната функција. Свежиот зеленчук, овошјето и помалку преработената храна помагаат да се одржи умот остар.
Физичка активност и тренинг на мозокот
Умереното вежбање го подобрува расположението, квалитетот на спиењето и меморијата, а воедно го намалува стресот. Заедно со физичката активност, тренирајте го вашиот мозок – решавајте загатки, научете нови вештини или променете ја вашата рутина. Новите ментални предизвици го одржуваат вашиот мозок млад и витален.
Намалете го стресот
Хроничниот стрес ги нарушува когнитивните способности. Медитацијата, јогата, одењето или омиленото хоби можат значително да го намалат чувството на „магла во мозокот“.
„Маглата во мозокот“ е честа појава за време на менопаузата, но не е трајна и може да се контролира. Со мали промени во исхраната, вежбањето, управувањето со стресот и можна хормонална поддршка, мозокот останува бистар, енергичен и подготвен за секаков предизвик.
фото: принтскрин
Зеленски: Украина нема ништо да му подари на агресорот и нема ништо да заборави
Украинскиот претседател Володимир Зеленски изјави дека Украина „ниту ќе даде, ниту ќе заборави“ ништо на Русија, најавувајќи зајакнување на одбранбената...
(Фото) Огромно парче запален отпад откриено во пустина во Австралија: најверојатно е вселенски отпад
Огромно парче запален отпад откриено во пустината Пилбара во Западна Австралија најверојатно е вселенски отпад што повторно влегол во атмосферата...
(Видео) Товарен авион „Боинг 747“ се излизга од пистата во морето во Хонг Конг, двајца мртви
Товарен авион од Дубаи се излизга од пистата во морето при слетувањето на Меѓународниот аеродром во Хонг Конг рано утрово,...
(Видео) Трамп: Не му кажав на Зеленски дека мора да го предаде целиот Донбас на Русија
Американскиот претседател Доналд Трамп им потврди на новинарите во „Ер Форс Уан“ дека прекинот на огнот меѓу Израел и Хамас...
(Видео) Се појави снимка од ограбувачите на Лувр
Вчера утрото, околу 9:30 часот, група од четири маскирани разбојници извршија брз и прецизен грабеж во музејот Лувр во Париз,...
Орце Ѓорѓиевски и Амар Мециновиќ одат во втор круг за градоначалник на Скопје, ВМРО-ДПМНЕ и Левица имаат најмногу гласови и во Советот
Кандидатите за градоначалник на Град Скопје од ВМРО-ДПМНЕ и Левица, Орце Ѓорѓиевски и Амар Мециновиќ ќе се соочат во вториот...
Орце не бегај од дебата, од вечерва Левица е вистински лидер на опозицијата, порача Апасиев
Вечерва објавуваме дека Левица станува лидер на опозицијата во Македонија, објави на прес-конференција Димитар Апасиев, лидерот на оваа партија. „За...
Победивме убедливо во првиот круг во Струмица, дваесет години чекавме на овој ден, рече Мицкоски и кажа дека Орце Ѓорѓиевски оди во втор круг
Историски резултати се бележат на овие избори и според премиерот и претседател на ВМРО – ДПМНЕ, Христијан Мицкоски. Тој доцна...
СДСМ победи во три општини во првиот круг, Филипче рече дека резултатот не е каков што посакувале сите, но не е лош
Првиот човек на СДСМ, Венко Филипче, соопшти дека партијата на локалните избори победила во три општини во првиот круг –...
„Времето на Ахмети заврши“: „Вреди“ прогласи победа во повеќе општини
Со слободен глас и чиста совест граѓаните ставија крај на ерата на една измама и страв отворајќи го патот за...
Адеми од ДУИ: Историски резултат во Чашка, имаме градоначалници во прв круг и во Гостивар, Липково и Пласница
Арбер Адеми од ДУИ на прес-конференција изјави дека Националната алијанса за интеграција постигнала историски резултат во општина Чашка, која за...
Во повеќето општини низ Македонија во водство се кандидатите за градоначалници од ВМРО-ДПМНЕ, според податоците на ДИК
Во повеќето општини низ Македонија, во моментот во водство се кандидатите за градоначалници од ВМРО-ДПМНЕ, според податоците објавени на страната...
Очекуваме историска победа за Орце, ВМРО-ДПМНЕ со градоначалници во поголем број општини, СДСМ сака да си го оправда изборниот дебакл, порача Мисајловски
ВМРО-ДПМНЕ е на прагот на огромна победа, кажа вечерва потпретседателот на партијата, Владо Мисајловски. „Разликата е некаде три спрема еден...
Убедлива е победата во Чаир и Тетово, на ДУИ им ја честитам победата во Пласница, рече Меџити
На ДУИ и Ахмети кои се залагаа за легитимитет да им ја честитам победата во Пласница, рече во шега Изет...
СДСМ објави водство во неколку општини меѓу кои Центар, но обвини и за повеќе нерегуларности
Генералниот секретар на СДСМ, Александар Саша Димитријевиќ, на прес-конференција изјави дека изборниот ден поминал генерално мирно, но констатирале бројни прекршувања...
11 лица приведени, за Тошковски денешните избори се најмирните и најбезбедните во поновата историја на државата
Македонија уште еднаш покажа демократска зрелост и политичка култура. Денешните избори поминаа како едни од најмирните и најбезбедните во поновата...
Се испитува поткуп на гласачи во Крива Паланка, Велес Крушево, Охрид и фотографирани гласачки ливчиња во Гази Баба и Тетово
Како мирен го оцени изборниот ден Џелал Бајрами, претседател на привремената комисија на Јавното обвинителство за следење на постапувањето по...
„Вреди“ почна да слави победа за Чаир
„Вреди“ очекува убедлива победа уште во првиот круг на Изет Меџити во Чаир, над опонентот од ДУИ, Бујар Османи. Пред изборниот...
46, 65 проценти е одзивот на гласачи до 18:30 часот, соопшти ДИК
Државната изборна комисија ја соопшти излезноста до 18:30 часот на првиот круг на локалните избори во Македонија. „Последниот одзив е...
(Видео) Муцунски: Очекуваме повеќе гласови и градоначалници од локалните избори во 2021 година
Потпретседателот на ВМРО-ДПМНЕ, Тимчо Муцунски, изјави дека партијата е на праг на голема победа и очекува да освои повеќе гласови...
