Швеѓанката Елса Хоск, ангелот на „Викторијас сикрет“, се пофали со својот  тониран рамен стомак во дводелен костим панталони и кусо сако, спој на префинета елеганција и женственост.

31-годишната манекенка беше на прошетка во Њујорк, а сивиот пругаст комплет искомбиниран со куса црна блуза беше вистинскиот избор – двојна доза сексапил.

Изгледот го дополни со црн ремен со голема златна тока, црна чанта Боттега Венета со дебел златен ланец, и елегантни темни очила за сонце.

Елса претходно овој месец одеше по модната писта на ревијата на американскиот дизајнер Лакван Смит во текот на Модната недела во Њујорк.

Таа исто така беше ангажирана и за Модната недела во Милано минатата недела.

Петта година по ред во Скопје ќе се одржи натпреварот за претприемништво Get in the Ring Skopje 2020. Настанот ќе се одржи од 13 до 15 март во управната зграда на А1 Македонија, а истиот има за цел младите креативци да ги насочи кон имплементација на своите претприемачки идеи, но и да им даде вештини за исполнување на истите. На настанот свое учество ќе земат и веќе докажани стартап лидери и визионери кои ќе ги водат работилниците и ќе имаат улога на ментори.

Натпреварот ќе биде поделен во два дела, едукативен и натпреварувачки, односно првите два дена 20 тима ќе работат и ќе развиваат концепт за веќе зададена тема, додека третиот ден, на 15 март, ќе се одржи финалето на кое тимовите ќе влезат во ринг и ќе ги бранат своите идеи.

Едукативниот дел ќе биде составен од креативни работилници, менторски сесии и панел дискусии со докажани стартапери кои ќе ги раскажат своите успешни приказни, ќе зборуваат за предностите и можностите за развивање на стартап во нашата држава, како и совети за финансиски план.

Како и претходните години, финалниот настан ќе биде од отворен карактер, а тоа што е специфично е дека тимовите влегуваат во вистински боксерски ринг и ги презентираат своите идеи и креативни решенија пред публиката и судиите. Три идеи ќе бидат наградени, односно ќе земат награда за прво, второ и трето место, а тимот кој ќе освои прво место ќе добие можност за присуство на бројни курсеви и работилници за стартапи и ќе замине на глобалниот Get in the Ring натпревар во Канада.

Сите заинтересирани креативци и претприемачи може да аплицираат до 5 март.

Британската пејачка Дафи вели дека со години била надвор од центарот на вниманието на јавноста за да се фокусира на закрепнување од „насилно дрогирање и силување во заробеништво повеќе денови“.

Велшанката, добитничка на „Греми“, во вторникот на својот Инстаграм напиша  дека ѝ треба време да закрепне и воедно ги замоли своите фанови да ја поддржат.

Таа ќе открие повеќе детали во интервју кое ќе биде објавено наскоро.

„Се прашувате зошто не го искористив гласот за да ја изразам својата болка? Не сакав на светот да му ја покажам тагата во очите. Се прашав како можам да пеам од срце ако е скршено. И полека тоа почна да закрепнува“, напиша Дафи.

Таа не откри други детали и побара почит и трпение додека не реши да открие повеќе. Претставникот на Дафи не одговори на порака во која се бара коментар.