Американската актерка и пејачка Менди Мур (35), позната по улогите во серијата „Тоа сме ние“ и филмот што многумина го сметаат за класика – A Walk To Remember, објави нова песна по десетгодишна пауза на музичката сцена.

Една од најубавите актерки и пејачки во светот го објави камбек-синглот When I Wasn’t Watchin за кој има направено и романтично видео, каде што кадрите се исклучиво нeјзини.

Песната е во поп-жанрот и потсетува на 80-тите години.

Поранешниот член на популарната музичка група „Бекстрит бојс“ Ник Картер за британски „Мирор“ изјавил дека добил смртни закани од неговиот помлад брат Арон.

Ник побарал судска забрана за Арон, кој не смее да му се приближи на помалку од 100 метри, ниту на пејачот ниту на неговото семејство во семејната куќа во Лас Вегас.

„По долго размислување, јас и мојата сестра побаравме судска забрана за Арон. Тој не смее да ни се доближи на помалку од 100 метри“, изјавил Ник.

Ник објаснил дека бил загрижен од однесувањето на Арон, кое на моменти станало вознемирувачко, особено кога ги добил смртните закани.

„Немавме избор. Морам да се заштитам себеси и моето семејство“, објаснил Ник, кој се надева дека неговиот брат Арон ќе побара стручна помош.

„Го сакам мојот брат и искрено се надевам дека ќе ја најде помошта што му е потребна, пред да си наштети себеси или на некој друг“, изјавил Ник.

Арон, пак, вели дека немал намера да нашети на никого, особено не на своето семејство.

„Шокиран сум од обвинувањата против мене. Јас не сакам да му наштетам на никого, особено не на моето семејство. Не можам да дозволам никој да ја преземе контролата врз мојот живот“, напишал Арон на социјалните мрежи.

Тој нагласил дека повеќе не сака да има никаква врска со неговиот брат и дека ќе се грижи само за себе.

„Ник, држи се подалеку од мене. Ќе си го вратам животот во нормала“, изјавил Арон.

Тој се прослави со преработка на хитот на „Бич бојс“ – „Surfin’ USA“, и колку повеќе станувал популарен, толку повеќе се борел со зависноста од дрога и алкохол. Неодамна призна дека боледува од четири психички болести. Поранешната тинејџерска ѕвезда во американската телевизиска емисија The Doctors призна дека боледува од шизофренија, акутна анксиозност, манична депресија и биполарно нарушување.

Франција бесплатно ќе им дели таблети со јод на 2,2 милиона луѓе што живеат во близина на нуклеарни централи.

Целта е подобро да се заштитат граѓаните во случај на несреќа.

Покрај тоа, нуклеарниот регулатор на земјата, АСН, објави дека безбедносната зона се шири.

Досега за потенцијално загрозена се сметаше областа на 10 километри од централите, а сега таа се протега на 20 километри од нив.