Забава
Пет нови тужби поднесени против Диди, а една жртва вели дека имала само 13 години

Поднесени се уште пет обвиненија против Шон Диди Комбс. Адвокатот Тони Базби поднесе нови тужби во кои тужителите, кои останаа анонимни, тврдат дека Комбс сексуално ги нападнал и ги силувал во различни инциденти помеѓу 2000 и 2022 година.
Меѓу тужителите има двајца мажи и три жени, од кои едната тврди дека имала 13 години кога Комбс ја силувал.
Покрај тоа, Комбс е обвинет и за дрогирање на еден маж и три жени, пренесува Ен-би-си Њуз.
Базби рече дека планира да поднесе вкупно седум тужби, велејќи дека секоја тужба ќе зборува сама за себе и дека ќе работи за правдата да биде задоволена. Тој најави дека редовно ќе се поднесуваат нови обвиненија додека продолжуваат да се собираат докази против Комбс и други.
И покрај негирањето на сите наводи, адвокатскиот тим на Комбс останува уверен во неговата невиност и интегритетот на судскиот процес, нагласувајќи дека Комбс никогаш не нападнал никого сексуално. Неговото судење е закажано за 5 мај 2025 година, а моментално е во притвор бидејќи три пати му била одбиена кауција. Федералните обвинители истражуваат повеќе од 90 уреди запленети од неговиот имот.
Да потсетиме, Диди е уапсен во Њујорк и е во притвор и се соочува со обвинувања дека сексуално напаѓал жени и ги терал да учествуваат во секс забави и да користат дрога користејќи закани и насилство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) „Вака изгледа безвременската убавина“: Салма Хајек без шминка го освојува интернетот

Салма Хајек (58) неодамна ја сподели својата дневна рутина за нега на кожата и за шминкање со списанието „Вог“, а видеото, кое првично беше објавено на „Јутјуб“, ги освои социјалните мрежи и предизвика многубројни коментари во кои се восхитуваат на нејзината убавина. Додека Салма ги споделува своите омилени техники – вклучувајќи и паметен трик за прикривање на седата коса со маскара – таа зборува и за „сендвичот за убавина“, како и за безвременските совети што ги наследила од својата баба.
View this post on Instagram
Таа исто така откри како се справува со хиперпигментацијата, особено на очните капаци, кои ги смета за природни сенки за очи. Таа исто така рече дека претпочита да користи шминка наместо филери за контурирање на лицето.
„Мора да ја менувате вашата рутина за шминкање и убавина како што стареете. Можеби она што функционирало порано, сега не функционира. Затоа е добро да бидете авантуристички настроени, креативни и да се обидете да се забавувате додека го правите тоа“, вели Хаjек, која вели дека ја научила оваа лекција од својата баба: „Имам голема среќа затоа што имав баба која беше опседната со убавината и знаеше секакви трикови“.
Видеото во кое Салма ги покажува своите трикови и дневната рутина предизвика низа воодушевени коментари: „Како да ставила сè што имала, го намачкала и некако сè уште изгледа беспрекорно“, „Неверојатно е колку е убава“, „Зачудувачка убавица“, „Вака изгледа безвременската убавина“.
За потсетување, Хајек претходно откри дека нејзината убавина на 58-годишна возраст не е само резултат на природата, туку призна дека била подложена на естетска процедура за подмладување. Станува збор за ултразвучна процедура за затегнување на кожата и стимулирање на производството на колаген.
Забава
(Видео) Фронтменот на „Колдплеј“ и познатата актерка раскинаа поради проблеми со распоредот

Актерката Дакота Џонсон и фронтменот на „Колдплеј“, Крис Мартин, наводно повторно се разделија, со што ја завршија својата речиси осумгодишна врска, која постојано се прекинуваше. Разделбата наводно се должи на неможност да се усогласи распоредот. „Овој пат се чини дека е засекогаш“, изјави извор за „Пипл“.
Тие се забавуваат од 2017 година, а нивната осумгодишна врска имала свои подеми и падови. Последен пат беа фотографирани заедно на 16 мај, пред само две недели, во Малибу. Пред тоа беа видени како се држат за раце во Индија, каде што Мартин беше на турнеја со својот бенд.
Во март 2024 година извор откри дека Џонсон и Мартин, всушност, биле срвшени со години откога шпекулациите за свршувачката првпат се појавија во 2020 година, иако во тоа време не брзале да се венчаат. Кога се појавија шпекулации за раскинување во август 2024 година, портпаролот на актерката ги негира и рече дека тие се среќни заедно.
Џонсон претходно отворено зборуваше за тоа дека е присутна во животите на децата на Мартин од неговиот брак со Гвинет Палтроу, синот Мозес и ќерката Епл, кои сега имаат 19 и 21 година. „Ги сакам тие деца како мојот живот да зависи од нив“, изјави Џонсон претходно за „Бастл“. „Со сето мое срце“.
Забава
(Видео) Пајак и Антониа имаат нова песна, објавен е и спот за „Навика“

Пајак и Антониа Гиговска имаат нова песна. Тие вчера ја објавија „Навика“.
Музиката е на Пајак, а за текстот тој соработуваше со Елвир Мекиќ. Аранжманот е дело на Иван Јованов-Ивајо.