Забава
Пет хороскопски знаци што ги исполнуваат ветувањата
Во свет каде што често се соочуваме со празни зборови и неисполнети ветувања, вистински благослов е да се најде личност која стои зад своите зборови.
Според астролозите, одредени хороскопски знаци се познати по тоа што се толку сигурни што секогаш ги исполнуваат своите ветувања.
Бик
Биковите се стабилни и решителни. Кога нешто ветуваат, тоа за нив е прашање на гордост и лична чест.
Без разлика на предизвиците или пречките, припадниците на овој знак ќе најдат начин да го исполнат своето ветување, дури и ако тоа бара дополнителни напори или промени во плановите.
Зборот им е цврст како карпа.
Лав
Лавовите се познати по својата лојалност и искреност.
Кога ќе дадат ветување, тоа го прават со цело срце и со вистинска намера да го одржат.
Нивната внатрешна чест и гордост не им дозволуваат да ги изневерат луѓето што ги сакаат. Лавовите попрво ќе претрпат лични тешкотии отколку да го прекршат ветувањето и на тој начин ќе покажат колку ја ценат довербата на другите луѓе.
Девица
Девиците се перфекционисти, што се гледа по нивниот однос кон ветувањата.
За Девиците ветувањето е сериозна работа, обврска која мора да ја исполнат за да го зачуваат сопственото чувство за морална одговорност.
Тие често прават повеќе од што треба за да се погрижат да го исполнат ветувањето до најмалите детали.
Јарец
Јарците се неверојатно одговорни и посветени. Кога ветуваат нешто, тоа е договор што не можат да го раскинат.
Колку и да се промени ситуацијата, Јарците ќе останат доследни на зборот.
Нивната упорност и посветеност често ги надминуваат сите пречки што ќе им се најдат на патот.
Водолија
Иако водолиите често се однесуваат независно и слободоумно, кога ветуваат, тие се свесни за одговорноста што ја преземаат.
Нивното чувство за праведност и лојалност ги тера да се држат до зборот, дури и ако тоа им носи тешкотии.
За Водолиите ветувањето е знак на доверба и почит, па затоа се трудат да ги исполнат сите очекувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Вратата ја удри Ријана, нејзината реакција стана хит
Поп-ѕвездата Ријана доживеа мала незгода при излегување од хотел во Њујорк, кога вратата ја удри бидејќи телохранителот не ја придржал. Ситуацијата е снимена и видеото брзо се прошири на социјалните мрежи.
Ријана реагираше во свој стил – се насмеа и му дофрли на телохранителот: „Баш сте џентлмен“. На интернет се отвори дебата – некои сметаат дека тој требало да ѝ помогне, други дека тоа не е негова работа. Сепак, повеќето се согласија дека пејачката само се пошегувала.
Rihanna reacts to being hit by a door after her bodyguard fails to hold it:
“Such a gentleman you are.”
— Buzzing Pop (@BuzzingPop) January 17, 2026
Забава
(Видео) Хурем и Сулејман повторно заедно – по 12 години од серијата, блеснаа на црвениот тепих
По 12 години од крајот на снимањето на популарната серија Сулејман Величествениот, актерите Мерјем Узерли (Хурем) и Халит Ергенч (Сулејман) се појавија на ист настан — доделувањето на наградите Joy Awards во Ријад, Саудиска Арабија.
Мерјем блескаше во долга, богато украсена креација на Khaled & Marwan, наликувајќи на вистинска султана. Со изборот на облека таа ги испочитува културните норми на земјата-домаќин.
View this post on Instagram
На настанот присуствуваа и светски ѕвезди како Мили Боби Браун (која доби признание за личност на годината) и пејачката Кејти Пери, која ја отвори церемонијата.
Мерјем и Халит се најдоа во исти кадри и на видеото кое актерката го објави на стори на „Инстаграм“, што дополнително ги разгоре шпекулациите за нивната блискост.

Халит Ергенч се појави на настанот со својата сопруга, актерката Бергузар Корел, со која денес имаат три деца и заедно ја надминале брачната криза од минатото.
Фото насловна: „Сулејман величествениот“ – промотивен материјал
Забава
Директорот на „Рајанер“ и Илон Маск си разменија навреди: „Тој е идиот – многу богат, но сепак идиот“
Јавна расправија со навреди изби меѓу Илон Маск и извршниот директор на „Рајанер“, Мајкл О’Лири, откако О’Лири во интервју за ирското радио „Њусток“ го нарече Маск идиот и ја нарече неговата социјална мрежа „Икс“ – септичка јама. Причина за конфликтот е одлуката на „Рајанер“ да не ја користи ви-фи услугата „Старлинк“ во своите авиони.
„Тој е идиот – многу богат, но сепак идиот“, рече О’Лири.
Маск реагираше на „Икс“, нарекувајќи го О’Лири целосен идиот и побара да биде отпуштен. Во друга објава додаде: „Отпуштете го овој имбецил“, обвинувајќи го дека погрешно ги проценил ефектите на „Старлинк“ врз потрошувачката на гориво.
Во расправијата се вклучи и официјалниот профил на „Рајанер“ на „Икс“, кој го исмеа Маск поради прекин на платформата: „Можеби вам ви треба ви-фи, @elonmusk?“
perhaps you need Wi-Fi @elonmusk? https://t.co/eq82qcLqKv
— Ryanair (@Ryanair) January 16, 2026
О’Лири изјави дека „Старлинк“ не е практичен за нискобуџетните летови на кратки релации, бидејќи надворешните антени ја зголемуваат аеродинамичната отпорност и трошат повеќе гориво – до 2 проценти повеќе, што би чинело стотици милиони долари годишно.
Маск ги оспорува овие податоци, тврдејќи дека веќе постојат авиокомпании кои летаат со авиони опремени со „Старлинк“ и дека високобрзинскиот интернет ќе стане пресуден за изборот на патниците.

