Забава
„Пипл“ најавува уште најсекси мажи во повеќе категории
Како добро вино, овие sвезди стануваат посекси со возраста – но, Бред Пит е оној што ги натера читателите на „Пипл“ да гласаат и официјално да биде именуван за секси емеритус – во конкуренција на Џорџ Клуни, Дензел Вашингтон, Роберт Редфорд и Идрис Елба.
Минатата недела уредниците на престижното списание го прогласија актерот Мајкл Б. Џордан за најсекси маж на планетата за 2020 година.
Секоја година „Пипл“ прогласува најсекси маж. Оваа година таа чест му припадна на Мајкл, но има премногу секси мажи во светот за да се издвои само еден.
Поради тоа, магазинот има десетина други категории во кои и други мажи одат дома со титула. Некои таблоиди ги објавија резултатите од најновата анкета.
Читателите гласаа за најсекси мажи во повеќе категории – од најсекси нов татко до најсекси маж со маска.
Добитници за 2020 година по избор на читателите се следниве:

Принцот Хари е најсекси ројал или член на кралско семејство. Принцот Хари, кој се откажа од кралската титула на почетокот на оваа година, сè уште се смета за најсекси ројал. Тој ги победи шведскиот принц Карл Филип, принцот Феликс од Луксембург, принцот Матен од Брунеи и сопствениот брат, принцот Вилијам.

Најсекси браќа – Крис, Лијам и Лук Хемсворт се избрани за најсекси браќа во светот.

Најсекси ѕвезда на малиот екран – Јенсен Аклс

Најсекси спортист – Патрик Махомес

Најсекси среќен маж – Рајан Рејнолдс

Најсекси нов тато – Џо Џонас. Многу од славните станаа татковци првпат оваа година. Џо Џонас, кој е оженет со Софи Тарнер, доби најмногу гласови во оваа категорија. Ги остава зад себе Ед Ширан, Артем Чигвинцев, Зејн Малик и Џошуа Џексон.

Најсекси ѕвезда на „Јутјуб“ – Дејвид Добрик
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Скопје под K-POP еуфорија: Поради огромен интерес се проширува капацитетот за K-POP FOREVER!
K-POP еуфоријата во Скопје влегува во нова фаза. Експлозивниот интерес за K-POP FOREVER за рекордно кратко време го редефинира форматот на настанот, поради што организаторите официјално ги пуштаат во продажба и билетите за горните трибини во арената „Борис Трајковски“.
Овој потег е јасна потврда за динамиката што ја создаде шоуто уште пред да пристигне на македонска сцена. Настан кој ја носи автентичната естетика, прецизната сценска продукција и енергијата по кои K-POP спектаклите се препознатливи.
Интересот не стивнува, побарувачката расте, а очекувањата се насочени кон целосно исполнета арена и атмосфера што ќе го запечати 28 февруари 2026 како еден од најмоќните и највпечатливи музички датуми што Скопје ги памети.
K-POP FOREVER! е визуелно и музичко патување низ најиконичните моменти на корејската сцена. Публиката ќе ужива во live интерпретации на хитовите што ги поставија BTS на врвот на светската поп-култура, моќната женска енергија инспирирана од BLACKPINK, експлозивните кореографии на TWICE, романтичните мелодии на MELOMANCE, како и заразната поп-експлозија на HUNTR/X и SAJA BOYS. Шоуто е дизајнирано како енергичен, инклузивен и семеен формат што ги обединува сите генерации.
Создадено специјално за најголемите арени, шоуто носи LED екрани со ултра висока резолуција, моќни визуелни и специјални ефекти, динамично осветлување и интернационален тим танчери и изведувачи кои ја пресоздаваат естетиката и сценската магија на корејските суперѕвезди. Секој визуелен и музички сегмент е осмислен да ја пренесе автентичната K-POP енергија што го освои светот.
На 28 февруари Скопје ќе пулсира во ритамот на најголемиот K-POP спектакл што некогаш се одржал во Македонија.
Забава
Како да ја исчистите микробрановата печка за 5 минути без триење и мака
Британска новинарка откри како ги отстранила маснотиите и непријатниот мирис од микробрановата печка побрзо отколку што очекувала.
Чистењето на микробрановата печка е една од оние домашни работи што многу луѓе ги одложуваат до последен момент – обично додека не почнат да се шират непријатни мириси од неа, а внатрешноста е покриена со слој маснотии и суви остатоци од храна. Иако често се чини дека темелното чистење бара силни хемикалии и многу триење, има сè повеќе совети што покажуваат дека решението може да биде изненадувачки едноставно и природно.
Токму ова е трикот што британската новинарка Софи Лоу, заменик-уредник на рубриката „Слободно време“ во издавачката куќа Reach Plc, која пишува за патувања, недвижности, домашни трикови, градинарство, готвење и рецепти, реши да го проба.
Нема хемија
„Без спрејови, без хемикалии, без триење – само лимон и сад со вода. Звучеше речиси премногу добро за да биде вистина“, забележа таа.
Сепак, со оглед на состојбата на нејзината микробранова печка, таа решила да се обиде.
Таа го опиша процесот како многу едноставен. Прво, пресекла лимон на половина, го исцедила сокот во сад со вода погоден за микробранова печка и ги ставила двете половини од лимонот во водата. Потоа го ставила садот во микробрановата печка и ја вклучила на полна моќност три минути.
„По само неколку секунди, кујната беше исполнета со свеж мирис на лимон“, вели таа.
Откако завршила програмата, ја оставила вратата од микробрановата печка затворена уште неколку минути, што се покажало како клучен чекор. Во тој период, пареата останала во внатрешноста и дополнително ги омекнала стврднатите наслаги.
Таа ја потопила крпата во топлата вода со лимон, осигурувајќи се дека не е премногу жешка, и ја избришала внатрешноста само еднаш.
„Маснотијата буквално се лизгаше, без никаков отпор“, напиша таа.
Дури и тврдокорните дамки на горниот дел од микробрановата печка, за кои вообичаено се потребни неколку обиди, исчезнале за неколку секунди.
За особено тврдокорната нечистотија, таа открива дополнителен трик: можете да додадете лажичка сода бикарбона во водата со лимон, која, како блага киселина, дополнително помага во разградувањето на маснотиите без оштетување на површините.
На крајот, таа заклучи дека овој едноставен трик пријатно ја изненадил, бидејќи микробрановата печка била чиста за само неколку минути, без триење или користење агресивни средства за чистење.
фото/Depositphotos
Забава
Памела Андерсон испрати силна порака на црвениот тепих: едноставноста може да биде поефикасна од гламурот
Памела Андерсон испрати силна порака на 83-то доделување на наградите „Златен глобус“, придржувајќи се до ставовите за природниот изглед, дека едноставноста може да биде поефикасна од гламурот.
Овогодинешното доделување на наградите „Златен глобус“ одржано во Лос Анџелес беше успешно и за познатата Памела Андерсон, која ја имаше улогата на презентерка на наградата за најдобра актерка во комедија, а со нејзиното појавување на црвениот тепих привлече внимание поради нејзиниот ненаметлив стил.
Во последните години, Памела промовира едноставен и природен изглед, далеку од сè што сме виделе од неа со децении и по кое беше препознатлива кога ја носеше титулата секс симбол, па во морето од гламурозни и драматични изданија се појави во бела, „обична“ и сосема ненаметлива комбинација што совршено ѝ одговара во ерата кога негува само минимализам.
Таа носеше бела, мека, лелеава кошула со широк крој и макси здолниште со спуштен струк од модната куќа Ferragamo, и покажа дека едноставноста може да биде исто толку ефикасна како и смелата комбинација.
Таа го заокружи изгледот со едвај видливи сандали и црвен лак за нокти, како и елегантен накит Pandora. Покрај тоа, таа имаше незабележлива шминка, доволно за да се каже дека е нашминкана, а нејзината фризура предизвика посебен ентузијазам. Таа повторно ја има својата препознатлива руса коса по нејзиното „патување“ кај црвенокосите, која едноставно беше стилизирана во ниска пунџа и накратко го оживеа духот на стариот Холивуд.
фото/епа

