Деми Мур предизвика шпекулации дека имала пластична операција кога се појави со драматичен нов изглед на модната недела за висока мода во Париз оставајќи ги гледачите вџашени.

58-годишната актерка беше речиси непрепознатлива кога им се придружи на моделите од А-листата на модната писта во средата кога беше презентирана колекцијата пролет-лето 2021 на италијанската модна куќа „Фенди“. По ревијата, Деми остави многу корисници на социјалните мрежи да се прашуваат дали нејзината трансформација е резултат на хируршко затегнување на кожата или ужасна шминка.

Неколку минути по појавувањето на Деми на модната писта во креација од црн сатен, „Твитер“ беше преплавен со прашања од збунетите корисници за новиот изглед на sвездата на „Стриптиз“.

„Не би помисил дека ова е Деми Мур ако не го видев насловот“, напиша еден корисник како реакција на веста за изненадувачкиот изглед на актерката. „Дали е ова резултат на лоши филери? Или можеби ѝ ставиле ужасна шминка?“

Други корисници твитнаа: „Деми Мур, доста е од пластични операции! Ова е срамота! Жените треба да стареат достоинствено“.

Дилан Мекдермот во средата потврди дека ќе глуми во серијата „Организиран криминал“ на Кристофер Мелони, продолжение на „Закон и ред“, чија премиера ќе биде оваа пролет на Ен-би-си.

59-годишниот добитник на „Златен глобус“, кој може да се пофали со 1.4 милиони следачи на социјалните мрежи, напиша: „Доаѓам“.

Нејасно е кого Дилан (роден Марк Ентони) ќе го портретира во 13-епизодната полициска серија, која се фокусира на ликот на детективот Елиот Стаблер.

Тоа беше киноиздание со најголема заработка во време на пандемија по неговото деби на Божиќ.

Се покажа дека одлуката на „Ворнер Брос“ премиерно да го прикаже „Вондер воман 1984“ на својата стриминг-услуга со претплата „Ејч-би-о макс“ во исто време со премиерата во киносалите се исплатеше одлично.

Во средата, матичната компанија AT&T откри дека како резултат, 17.7 милиони активирани корисници биле додадени на „Ејч-би-о макс“ до крајот на декември.

Овој број на активирани корисници е двојно поголем од оној на крајот на септември.

Извршниот директор на AT&T, Џон Стенки, ја сподели веста за успехот во период кога се објавува заработка во четвртиот квартал.

„Објавувањето на Wonder Woman 1984 помогна нашите домашни претплатници на HBO Max и HBO да достигнат цифра од 41 милион, што е за две години побрзо од нашата првична прогноза“, изјави Станки, како што пренесуваат медиумите.