Актерката Џени Гарт, ѕвездата на серијата „Беверли Хилс“, го напушти својот дом поради пожарот во Лос Анџелес. Таа на Инстаграм објави видео на кое низ солзи вели дека моментално престојува во куќата на нејзиниот поранешен сопруг, актерот Питер Фачинели.

View this post on Instagram

A post shared by Jennie 🤍 (@jenniegarth)

„Сакав да ви кажам дека сме безбедни. Петар и неговото семејство не пречекаа и беа толку љубезни. Длабоко сум тажна за нашиот град, само се чувствувам вкочанета“, опиша таа.

„Нашиот дом беше поштеден, но има многу да се исчисти и да се подготвиме за да им помогнеме на нашите соседи, пријатели и други жители на Лос Анџелес. Дејв беше неверојатен додека ги носеше нашите торби и кутии, ги товареше и истоваруваше“, истакна Џени.

View this post on Instagram

A post shared by Jennie 🤍 (@jenniegarth)

„Благодарна сум што имаме дом во кој можеме да се вратиме. Ова поинаку ќе влијае на луѓето, ве молам понудете се да помогнете, тоа навистина значи многу. Ви благодариме на сите за љубовта што ни ја испраќате”, заклучила актерката.

Сара Мејс заедно со девојките приреди незаборавна празнична вечер на Божиќниот концерт што се одржа на 10 јануари во салата на Велешкиот театар. Со изведба на Божиќни песни, под музичка придружба на Камерниот оркестар од Битола, тие ја донесоа магијата на празничната атмосфера.

„Вообичаено за Божик, семејството се собира дома, за да го одбележи овој голем христијански празник. Ви благодарам што нѐ примивте како дел од семејството и со оваа музичка вечер, да донесеме убави и пријатни емоции“, истакна Сара на почетокот на концертот кој траеше час и половина.

Публиката уживаше во изведбите на хитови како оние на Мараја Кери и дуото „Wham!“, како и во традиционалните новогодишни песни, меѓу кои и „Jingle Bells“, која изведена во а капела верзија ја крена публиката на нозе. Посебна енергија донесоа и македонските божиќни песни „Вечниот Бог“ и „Небо и земја“, украинската „Шчедрик“, како и специјалната изведба на Сара Мејс на харфа со нејзината композиција „Псалм 150“.

Концертот беше збогатен со поп хитови, а заврши со веселите „Њујорк, Њујорк“, „Feliz Navidad“, „Елко, елко“ и „Среќна Нова година“ – оригиналната песна на Сара Мејс. Публиката, воодушевена од настапот, не дозволи изведувачите да ја напуштат сцената без бис, па тие се вратија уште два пати, поздравени со громогласен аплауз.

Овој концерт, организиран со поддршка од Театарот „Јордан Хаџи Константинов Џинот“ и Општинската организација на Црвениот Крст Велес, имаше хуманитарен карактер – сите средства од продадените билети ќе бидат донирани за набавка на опрема за Детското одделение во Општата болница Велес.

Снуп Дог обожавателите го нарекуваат вистински херој за неговата дарежлива донација за помош на погодените од пожарите во Лос Анџелес.

Поминаа повеќе денови откако 180.000 луѓе избегаа од Лос Анџелес поради огромните шумски пожари кои се проширија. Бидејќи Лос Анџелес е дом на бројни холивудски ѕвезди, многу од нив им помагаат на другите погодени од трагедијата. Меѓу нив е и Парис Хилтон, која донирала 100.000 долари на фондот за итни случаи и покрај тоа што ја изгубила сопствената куќа во Малибу во пожарот.

Сега Снуп Дог одлучи да се придружи и да му помогне на својот град. Познатиот рапер најави дека неговата продавница за облека во Инглвуд ќе обезбедува облека за луѓето погодени од пожарите. Неговата компанија Snoopysclothing на својот профил на Инстаграм напиша: „Длабоко сме погодени и изразуваме сочувство до сите оние кои ги загубија животите во овие пожари“.

View this post on Instagram

A post shared by Snoop Dogg’s Clothing (@snoopysclothing)

„Ве молиме застанете и земете ја облеката што ја имаме на располагање за да ви помогнеме вам и на вашето семејство во овие тешки моменти, потполно бесплатно. Потребни се лични документи и адреса“, додаваат тие.