Холивудската актерка Лори Логлин отиде на издржување затворска казна од два месеци, поради нелегален обид да ги запише своите ќерки на колеџ.

Познатата брачјна двојка Лори Логлин и Масимо Џанули ја загубија битката пред судот во случајот со обвинението дека му платиле на Рик Сингер половина милион долари за да ги фалсификува спортските резултати на нивните ќерки и како успешни веслачи да се запишат на Универзитетот во Јужна Калифорнија.

Лори Логлин отиде во истиот затвор каде нејзината колешка Фелисити Хафман, ѕвездата на „Очајни домаќинки“, одлежа 11-дневна казна.

Нејзиниот сопруг Масимо Џанули е осуден на пет месеци затвор, 250 часа општокорисна работа и парична казна од 250.000 американски долари. Покрај двомесечен престој во затвор, Лори ќе мора да стори уште 100 часа општокорисна работа и да плати казна од 150.000 долари.

Вкупно 57 лица се обвинети за корупциски скандал околу запишувањето на факултет.

„Донесов страшна одлука. Сакав моите ќерки да се запишат на факултет на нефер начин. Би сакала да можам да се вратам во времето и да направам некои работи поинаку, но можам само да преземам одговорност и да одам напред“, рече Логлин пред судот во август.

Метју Меконахи ги сподели своите размислувања за „сексуалната тензија“ помеѓу Бред Пит и Џенифер Анистон за време на читањето во живо на комедијата „Луди времиња на Рич Хај“ минатиот месец.

Метју Меконахи беше гостин во Watch what happens live (Види што се случува во живо) кога откри дека сè уште има хемија меѓу поранешниот брачен пар. Тој беше запрашан од еден фан дали дали можел да ја почувствува сексуалната тензија меѓу нив.

„Да, да, беше толку опипливо,“ рече Моконахи.

Меконахи го толкуваше ликот на Мајк Дејмон на читањето , додека Пит ја презеде улогата на Бред Хамилтон, а Анистон беше Линда Барет.

Овој проект привлече повеќе од 4 милиони гледачи на Интернет и собра повеќе од 135.000 долари за добротворни организации кои помагаат во борбата против Ковид-19.

Водителката Елен Деџенерис се маскираше во својот омилен суперхерој, медицинска сестра, во чест на работата што ја прават за време на пандемијата.

Елен  (62) ова го стори по повод претстојниот празник, Халовин (Ноќ на вештерките), кој паѓа в сабота. Таа облече униформа на медицинска сестра, под која има златно лого на супермен и соодветни нараквици.

Со овој потег им оддаде признание на медицинските сестри кои им помагаат на луѓето дијагностицирани со Ковид-19, и истакна  дека медицинските сестри се нејзиниот омилен суперхерој.

Елен ја започна епизодата со најава дека во текот на ноември ток-шоуто ќе ги истакне луѓето од првите редови и сите други кои биле од суштинско значење за справување со пандемијата.

Во текот на ноември, месецот на изразување благодарност, „Елен“ ќе ги изненади суперхероите од реалниот живот во и надвор од студиото и ќе им возврати со неверојатни подароци што ќе им го променат животот, се вели во соопштението за печатот.