Забава
Почина таткото на Даниел Крег
![](https://makfax.com.mk/wp-content/uploads/2020/08/Kreg.jpg)
Актерот Даниел Крег, познат во јавноста како Џејмс Бонд на модерната доба, се збогува со својот татко Тим Крег, кој почина на 78-годишна возраст по долгата борба со ракот на црниот дроб, пишува „Дејли мејл“.
Веста за смртта на татко му многу го погодила Крег бидејќи тој бил многу приврзан кон него. Во една пригода таткото изјавил дека со својот син има таков однос што понекогаш се чувствува како да се најдобри пријатели.
„Даниел не зборува за мене и јас не зборувам за него, но секако дека се гордеам со него, тој е многу добар актер“, изјави татко му за медиумите пред неколку години.
Тим се гордеел со актерските достигнувања на Даниел и се трудел да присуствува на премиерите на неговите филмови. Тој исто така рече дека син му отсекогаш сакал да биде актер и дека се сеќава на моментот кога го прашал што сака да биде кога ќе порасне, и тој без двоумење одговорил дека сака да биде актер. Во друштво на својот татко Даниел го гледал својот прв филм за Бонд – „Живеј и дозволи да умреш“ во 1973 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Весна Петрушевска соопшти дека се бори со рак на дојка (ВИДЕО)
![](https://makfax.com.mk/wp-content/uploads/2024/05/vesna-petrushevska.jpg)
„Мојата дијагноза е од средината на април оваа година. Се работи за рак на дојка, имав две операции“, раскажува Весна Петрушевска во видео споделено на Инстаграм.
„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.
„Имам рак, па што – живејте си го животот, еден е“, стои во описот на објавата.
View this post on Instagram
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.