Забава
Преселбата на Хари и Меган во Монтесито ги налути локалните жители
![](https://makfax.com.mk/wp-content/uploads/2020/09/prince-harry-and-meghan-markles-presence-in-montecito-angers-locals.jpg)
Војводата и војвотката од Сасекс, кои се повлекоа од кралските должности на почетокот на оваа година, одлучија да се иселат од Лос Анџелес и да почнат нов живот во далеку помирната елитна населба Санта Барбара. Но, медиумите тврдат дека локалното население на Монтесито, богат кварт во Санта Барбара, не е задоволно од овој потег поради постојаното присуство на папараци кои го следат секој нивни чекор.
Хеликоптери летаат по неколку пати на ден во обид да направат совршени фотографии на принцот Хари и Меган Маркл и нивниот 15-месечен син Арчи, а има и други папараци на копно, во близина на нивниот дом и локалниот трговски центар, објави порталот „ТМЗ“.
Новите жители на Монтесито, исто така, привлекуваат многу туристи кои сакаат да ги видат, а репортери постојано ги прашуваат сопствениците на локалните продавници дали ги виделе војводата и војвотката од Сасекс, пишува порталот.
Во меѓувреме, извор близок до кралската двојка рече дека принцот Хари го мрази Лос Анџелес и е многу посреќен откако се преселиле во Санта Барбара.
„Меган го посети Монтесито во тинејџерските години и се вљуби во живописната глетка и прекрасната архитектура. Преселувањето таму секогаш беше опција, но за почеток, таа и Хари сакаа да видат како ќе биде во Лос Анџелес“, рекол инсајдерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Весна Петрушевска соопшти дека се бори со рак на дојка (ВИДЕО)
![](https://makfax.com.mk/wp-content/uploads/2024/05/vesna-petrushevska.jpg)
„Мојата дијагноза е од средината на април оваа година. Се работи за рак на дојка, имав две операции“, раскажува Весна Петрушевска во видео споделено на Инстаграм.
„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.
„Имам рак, па што – живејте си го животот, еден е“, стои во описот на објавата.
View this post on Instagram
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.