Со еден блокбастер серијал за суперхероина во рацете – Wonder Woman и претстојното продолжение Wonder Woman 1984 – „жената чудо“ Гал Гадот сега се сели во шпионска игра.

35-годишната израелска актерка го стави својот потпис за да глуми во новиот шпионски трилер „Срце од камен’, кој се очекува да има неколку продолженија, според порталот „Дедлајн“.

Наведениот осумцифрен договор што го потпиша за филмот ја сместува на врвот на листата најплатени актерки во Холивуд.

Иако не се откриени детали за приказната, некои медиуми шпекулираат дека проектот предвидува жена да биде главна хероина во шпионскиот жанр, во време кога главните ликови во најголемите франшизи како „Џејмс Бонд“ и „Невозможна мисија“ се мажи.

Бразилскиот топ модел Алесандра Амброзио се упати на својата омилена дестинација Флорианополис со своето момче, италијанскиот моден креатор Николо Оди, и синот Ноа.

Поранешниот ангел на „Викторијас сирет“ а сега дизајнер на костими за капење изгледа беспрекорно додека ужива на плажа во родниот Бразил со партнерот и со синот.

Атрактивната Бразилка (39) беше забележана во крајбрежниот град Флорианополис, во ѓумбир кафеаво бикини од својот бренд костими за капење „Гал Флорипа“.

На себе има и сребрен ѓердан, темни очила за сонце, сламен шешир и светло сина марама додека е на песокот, покрај Оди, основач на модниот бренд „Алануи“.

Сара Каминс мислела дека венчавката ќе биде најубавиот ден во нејзиниот живот. Меѓутоа, нејзиниот свршеник ѝ раскинал два дена пред закажаната свадба.

Таа и свршеникот ја планирале свадбената забава цели две години, гостите веќе биле поканети и сите трошоци биле однапред платени.

Сара ја откажала венчавката и ги известила сите гости.

Како и да е, оваа 25-годишна девојка не сакала да дозволи тагата да ја скрши. Добила одлична идеја. Решила да искористи тоа што ресторанот е платен, па организирала забава за бездомници.

Со помош на планерката за венчавки, веднаш се зафатила со неопходните подготовки. Двете донеле повеќе од 100 бездомници, кои биле воодушевени од гозбата на својот живот. Сите уживале во вкусната храна, и немале доволно зборови за да ја искажат својата благодарност.

Иако скршена од тага, таа направи многу луѓе среќни, па макар и еден ден.

Овој преубав гест се случил пред две години, а и понатаму привлекува внимание на интернет. Веројатно затоа што хуманите гестови се многу ретки.