Забава
Присила Присли го оспорува тестаментот на ќерката Лиза Мари

Присила Присли, поранешна сопруга на легендата на рокенролот Елвис Присли, поднесе правно барање да ја оспори валидноста на тестаментот на нивната покојна ќерка, објави Би-би-си.
Лиза Мари Присли, единственото дете на парот, почина на 12 јануари на 54-годишна возраст од срцев удар.
Со поднесокот до судот се оспорува дополнувањето на тестаментот на Лиза Мари од 2016 година со кое Присила е отстранета како управител на имотот.
Според адвокатите на Присила, нејзиното име е погрешно напишано на документот и потписот изгледа необичен. Во поднесокот пред Врховниот суд во Лос Анџелес адвокатите на 77-годишната Присила тврдат дека таа станала свесна за наводната измена од 2016 година дури по смртта на Лиза Мари.
Дополнувањето на тестаментот ги отстранува Присила и поранешниот деловен менаџер Бери Сигел како коизвршители и ги заменува со нејзините деца Рајли (33) и Бенџамин Киу. Бенџамин почина во 2020 година на 27-годишна возраст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Неколку знакови дека Хари и Меган се подготвуваат за невиден удар врз кралското семејство

Како што се наближува крунисувањето на кралот Чарлс, во јавноста се шпекулира каква улога ќе имаат принцот Хари и Меган Маркл, кои се поканети, но се уште е прашање дали парот ќе присуствува на церемонијата. Според Мирор, по објавувањето на мемоарите на Хари „Sparre“, односот меѓу парот и остатокот од кралското семејство никогаш не бил полош.
Историскиот настан на крунисувањето се случува на роденденот на принцот Арчи – а гласините велат дека неговата сестра, принцезата Лилибет, не била поканета.
Порталот Експрес објави неколку причини зошто Хари и Меган можеби нема да се појават на кралскиот балкон.
Исклучување од семејството
Од март 2020 година, Хари и Меган повеќе не се членови на кралското семејство, што парот го потврди.
Во нивната изјава за нивното заминување, која беше објавена на нивниот профил на Инстаграм, Меган и Хари тогаш напишаа – „Ние имаме намера да се повлечеме како „постари“ членови на кралското семејство и да работиме на тоа да станеме финансиски независни додека продолжуваме целосно да ја поддржуваме Кралицата“.
Двојката рече дека нивната одлука е донесена по „многумесечни размислувања и внатрешни дискусии“ и сега живеат во САД со нивните две деца, Арчи и Лилибет.
Планови за крунисување без војводата и војвотката од Сасекс
Во јуни минатата година, парот, заедно со нивните деца, се вратија во Велика Британија за да се приклучат на платинестиот јубилеј на кралицата.
Сепак, Хари и Меган многу малку се појавија во јавноста за време на нивната посета, а не беа ниту на балконот со членовите на кралското семејство.
Двојката и нивните две деца, наводно, полетале за САД пред да заврши прославата на јубилејот.
Тајмс објави дека се откриени официјалните планови за поворката и дека само судскиот персонал и членовите на кралското семејство ќе бидат вклучени во процесот.
Кралот Чарлс III сака мало крунисување
Не е тајна дека новиот крал не сака гламурозна церемонија на крунисување, како што беше случајот со крунисувањето на неговата мајка Елизабета Втора во 1953 година.
Извештаите, исто така, покажаа дека кралот го намалил бројот на гости.
Заладените односи меѓу славната двојка и кралското семејство
„Заладените односи“ се интензивираа по објавувањето на серијата на војводата и војвотката на Нетфликс и објавувањето на книгата на Хари.
Во книгата Хари ја откри физичката пресметка меѓу него и принцот Вилијам, како и окарактеризирањето на кралицата Камила како „опасна“.
Кралскиот експерт Сара Хјусон посочи на „ладен однос“ меѓу Хари и принцот Вилијам, што може дополнително да ја поткопа довербата на семејството во Хари.
На крајот на краиштата, сопругата на Хари, Меган и Кејт Мидлтон, принцезата од Велс, со години не се во добри односи. Двете се судрија околу фустаните на деверушите за венчавката на принцот Хари и Меган Маркл.
Меган тврди дека Кејт тогаш ја расплакала, но дека и се извинила.
Сепак, оттогаш се се пооддалечени, а според британските медиуми, тие немаат директен контакт веќе една година.
Забава
Бој Џорџ и колегите од бендот мора да му платат 1,7 милион фунти на поранешниот член Џон Мос

На Бој Џорџ и неговите колеги од бендот „Калчр клаб“ им е наложено да му исплатат 1,75 милион фунти на поранешниот тапанар на бендот, Џон Мос, во рамките на битката во Високиот суд.
Колегите од бендот „Калчр клаб“ постигнаа спогодба со основачкиот член Мос една недела пред закажаното судење, кое сега веќе е откажано бидејќи се договорија за сумата.
Минатата година, Мос, основач на бендот, познат по многу хитови, меѓу кои „Карма камелеон“, обвини дека фронтменот Бој Џорџ, гитаристот Рој Хеј и басистот Мајкл Крег го измамиле за голема сума пари откога нивниот менаџер го исфрли од бендот во 2018 година.
Мос тврдеше дека треба да му се исплати неподмирен долг според договорот што го потпишал за нивната турнеја Life Tour. Потоа тој тврдеше дека секој член на бендот требало да добие хонорар од 600.000 американски долари за најмногу 80 концерти.
Мос исто така изјави дека морал да плати правни трошоци во износ од 1 милион фунти и го обвини триото дека решило да го држи надвор од сумите на кои има право, односно за неговата децениската услуга за бендот.
Забава
Маскирани кучиња во Градскиот парк и годинава по повод Денот на шегата

Тимот на „Лајка“ одлучи и годинава да го продолжи Денот на шегата на 2 април со маскенбал.
Настанот ќе се одржи од 12 часот во Градскиот парк на Школка, а посетителите ќе имаат можност да го донесат својот миленик маскиран, со што би станал потенцијален добитник на вредна награда во една од трите категории: најдобра маска, најдобра маска на сопственик и куче и најсмешна маска.
„Ќе имате можност да се дружите со кучињата што моментно престојуваат во прифатилиштето и можеби во некое од нив ќе го најдете својот најверен пријател, а вие ќе бидете негов херој што ќе му го даде она што му е најпотребно – дом“, велат од „Лајка“.
На настанот ќе учествуваат DJ Torta & DJ Tina.