Петти октомври е Ден на Џејмс Бонд, датумот на првиот филм за славниот британски агент од Тајната разузнавачка служба, со код број 007.

Оваа година се одбележува 60-годишнината од премиерата на култниот серијал.

Првиот филм, „Доктор Но“, излезе на 5 октомври 1962 година, точно пред 60 години. Во него глумеше Шон Конери.

Бонд го глумеа седум актери – Шон Конери, Дејвид Нивен, Џорџ Лејзенби, Роџер Мур, Тимоти Далтон, Пирс Броснан и Даниел Крег.

Серијалот се фокусира на измислен агент на британската тајна служба, создаден во 1953 година од писателот Јан Флеминг, кој го прикажа во дванаесет романи и две збирки раскази.

Актерите кои го носеа костумот на ликот – од неговото елегантно претставување до начинот на кој ги елиминира своите непријатели – ги врежаа своите имиња во филмската историја и станаа синоним за три едноставни зборови: Бонд. Џејмс Бонд.

Со цел да го прослави излегувањето на првиот филм, „Доктор Но“, официјалиот профил на Џејмс Бонд објави суперрез со сите Бондови додека се претставуваат, од Конери до Крег.

The name’s Bond. James Bond. #JamesBondDay #60yearsofBond pic.twitter.com/dNDcte5Wt6

— James Bond (@007) October 5, 2022

Шарлиз Терон во вторникот попладне беше фотографирана како излегува од бунгаловите „Сан Висенте“ во Западен Холивуд со пријателка.

47-годишната актерка ги покажува своите обликувани нозе додека го напушта местото на славните и се подготвува да вози.

Се чини дека Шарлиз се релаксира само неколку недели пред премиерата на нејзиниот нов филм The School For Good And Evil („Школо за добро и зло“).

Бред Пит беше забележан во Лос Анџелес во вторникот – само неколку часа откако неговата поранешна сопруга Анџелина Џоли поднесе судски документи, во кои го обвини дека фатил за гушата едно од нивните деца, му удрил шлаканица на друго, а неа ја фатил за косата и ја треснал од ѕидот во текот на жестока расправија во приватен авион пред шест години.

Џоли (48) тврди дека нивниот брак се распаднал на летот во септември 2016 година за време на кој Пит (58) наводно бил насилен кон неа и кон нивните деца, кои тогаш биле на возраст меѓу осум и 15 години, се наведува во судските документи. Таа вели дека Пит „првин вербално ја нападнал откако ја обвинил дека премногу ги почитува децата, а 90 минути подоцна почнал да ѝ вика, ја турнал во ѕидот од бањата и удирал во таванот на авионот со тупаници“.

Пит призна дека им викал на децата, но негира дека ги удирал. Извор близок до Пит во меѓувреме ја обвини Џоли дека манипулира со наративот „за да го добие она што го сака“.

Во изјава за „Дејли мејл“ истиот извор рече: „Нејзината приказна постојано се развива, таа додава целосно невистинити информации“.

Последните обвинувања од Џоли доаѓаат среде правната битка за продажбата на нејзиниот дел од винарницата во Франција.

Во вторникот, оскаровецот, облечен во тексас од глава до петици и во бели патики, беше виден како излегува со голема брзина од деловен комплекс во Лос Анџелес.