Брижит Бардо, француската актерка која се прослави како меѓународен секс-симбол пред да ѝ го сврти грбот на филмската индустрија и да стане активистка за правата на животните, почина на 91-годишна возраст.

И покрај контроверзните изјави што ја следеа низ кариерата, Брижит Бардо беше една од најголемите икони на филмското платно. Со својата слободоумна и често провокативна појава го одбележа новиот бран на француската кинематографија, а иако од глумата се повлече уште во 1973 година, нејзиното наследство и денес е неизбришливо.

Јавноста ја памети подеднакво по нејзината импресивна филмографија, како и по бурниот љубовен живот.

Првиот сопруг: режисерот Роже Вадим

Во брак влезе многу млада. Со наполнети 18 години, во 1952 година, се омажи за шест години постариот режисер Роже Вадим. Тоа беше години пред тој да стане познат по врските со млади и убави актерки, како Џејн Фонда. Нивниот брак заврши во 1957 година, но и покрај разводот, тие останаа добри пријатели и продолжија професионално да соработуваат.

Аферата што го урна бракот

За време на бракот со Вадим, на снимањето на култниот филм „И Бог ја создаде жената“ во 1956 година, започна афера со колегата актер Жан-Луј Трентинјан, што доведе до распад на бракот. Во тоа време и Трентинјан беше оженет, но неговата сопруга, актерката Стефан Одран, истата година побара развод.

Бардо и Трентинјан живееја заедно две години, но врската не потраја, делумно и затоа што актерката започна нова афера – овој пат со музичарот Жилбер Беко. Се разделија во 1958 година.

Вториот брак и раѓањето на синот

По љубовните бродоломи, Бардо брзо пронајде нова љубов со актерот Жак Шарије, нејзин колега од филмот „Бабет оди во војна“. Нивната бурна романса беше крунисана со брак во 1959 година, а само седум месеци подоцна го добија синот Никола. Сепак, актерката во подоцнежните интервјуа отворено признаваше дека улогата на мајка не ја исполнувала.

Нови љубови по разводот

Бракот со Шарије траеше до 1962 година, а за разводот наводно придонела нејзината афера со холивудската ѕвезда Глен Форд. Нивниот син Никола-Жак Шарије израсна со таткото, а контакт со мајката воспостави дури во зрелата возраст. По разводот, Брижит целосно се посвети на кариерата, а меѓу 1963 и 1965 година беше во врска со музичарот Боб Загури.

Третиот сопруг: милионерот Гунтер Закс

По третпат пред олтар застана во 1966 година со германскиот милионер и плејбој Гунтер Закс. Ја освои на спектакуларен начин – летајќи со хеликоптер над нејзината вила на Француската ривиера и фрлајќи ливчиња од рози. Но, страста беше краткотрајна.

Наводно, само неколку дена по венчавката започнала афера со пејачот Мајк Сарн. Бракот со Закс се распадна во 1968 година, а официјално беше раскинат една година подоцна. Потоа, од 1968 до 1971 година, таа беше во врска со актерот Патрик Жил, нејзин колега од филмот „Мечката и куклата“.

Децении бурни романси

Следните две децении беа обележани со бројни врски со познати мажи, меѓу кои пејачот Серж Генсбур, актерот Ворен Бити, писателот Џон Гилмор, како и барменот и инструктор по скијање Кристијан Калта. Меѓу подолгите врски од тој период се издвојува онаа со скулпторот и актер Мирослав Брозек, со кого беше од 1975 до 1979 година и за кого позираше, како и врската со францускиот ТВ-продуцент Ален Бугрен-Дубур од 1980 до 1985 година.

Четвртиот и последен сопруг: Бернар д’Ормал

Својата четврта и, како што се покажа, последна љубов ја пронајде во 1992 година. Го запозна Бернар д’Ормал, бизнисмен и советник на Жан-Мари Ле Пен, поранешниот лидер на француската десничарска партија. Се венчаа веќе следниот месец, во август 1992 година. Овој брак ја поттикна да го подобри односот со синот. Врската траеше подолго од нејзините претходни три брака заедно.

Вечно во потрага по страст

Во својата книга „Larmes de combat“ („Солзи на борбата“), Бардо ја објасни својата потреба за постојани промени во љубовта:

„Со секоја врска, постојано се враќав во потрага по нови љубови кога сегашноста ќе станеше млака. Не го сакам она меѓу, она помалку добро.“

„Секогаш барав страст. Затоа често бев неверна. А кога страста ќе завршеше, ги пакував куферите.“

Во малото француско село Пон-де-Баре, со околу 300 жители, триесетина соседи одлучиле да делат еден заеднички автомобил, наместо секој да има свој. Станува збор за стар Citroën ZX, кој од приватно возило станал заеднички ресурс, пренесува „Ел Паис“.

Проектот не е поддржан од компанија или дигитална платформа, туку функционира врз основа на доверба и солидарност. Соседите плаќаат 25 центи по изминат километар, со што се покриваат само трошоците за гориво и одржување. Нема месечни членарини ниту резервации.

Клучевите од автомобилот се чуваат во локалниот бар, кој станал неформален центар на иницијативата. Освен што ги намалува трошоците и загадувањето, проектот, според жителите, придонел и за зајакнување на меѓусебните односи и чувството на заедништво во селото.

Примерот од Пон-де-Баре покажува дека одржливата мобилност е можна и без скапи решенија – понекогаш е доволно само поинаков начин на користење на автомобилите.

Постојат хороскопски знаци кои времето го сфаќаат многу сериозно. За нив доцнењето не е ситница, туку знак на неодговорност и непочитување.

Девица – исклучително организирана и точна. Доцнењето кај Девиците предизвикува фрустрација и ги тера да се прашаат колку сериозно можат да ве сфатат. Точноста за нив е основа на почитта.

Јарец – го цени времето како ресурс. Доцнењето го доживува како губење време и непрофесионалност. Не реагира бурно, но јасно покажува незадоволство и ретко заборава.

Овен – импулсивен и нетрпелив, не сака да чека. Очекува да бидете на време и доцнењето лесно го вади од такт, дури и ако тоа не го каже директно.