Забава
Сакаат сигурност: Хороскопски знаци кои никогаш не ризикуваат

Преземањето ризици понекогаш може да донесе големи награди, но многу луѓе претпочитаат да се држат до безбедното и познатото. За нив стабилноста е клучна, а неизвесноста што доаѓа со ризик е нешто што сакаат да го избегнат по секоја цена.
Иако некои успеваат да се справат со неизвесноста и предизвиците, други едноставно претпочитаат помирен пат, каде сè може да се контролира. Во продолжение ќе издвоиме четири хороскопски знаци кои се познати по тоа што ретко ризикуваат.
Бик
Биковите се познати по нивната љубов кон стабилноста и безбедноста. Не сакаат промени и секогаш бараат начини да избегнат небезбедни ситуации. Тие внимателно ги планираат своите потези и често се држат до она што знаат дека функционира. За нив тивкиот и безбеден живот е многу попривлечен од возбудата што доаѓа со ризик.
Рак
Раковите се крајно претпазливи кога станува збор за донесување одлуки кои би можеле да ја нарушат нивната емоционална рамнотежа или безбедноста на нивното семејство. Нивната цел е да се заштитат себеси и своите најблиски, поради што не сакаат да се впуштаат во непознати или ризични потфати. Тие претпочитаат безбедност и предвидливост.
Девица
Девиците се познати по нивната аналитичност и промисленост. Пред да донесат какви било одлуки, тие ќе ги разгледаат сите можни исходи и потенцијални ризици. Токму поради оваа склоност за детално планирање, Девиците избегнуваат ризици бидејќи сакаат да бидат сигурни дека сè ќе помине глатко и без проблеми.
Јарец
Јарците се исклучително одговорни и ориентирани кон целите, но не сакаат да преземаат ризици кои би можеле да ги загрозат нивните долгорочни планови. Тие веруваат во напорна работа и трпение и претпочитаат да се држат до докажаните методи за да постигнат успех. Јарците претпочитаат стабилност и избегнуваат брзи, но неизвесни потези.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.