Пејачот Дамијано Давид и актерката Дов Камерон се приклучија на листата на славни парови кои јавно ги објавија своите свршувачки. Двојката ја потврди веста преку социјалните мрежи, споделувајќи заеднички фотографии со ненаметлива и интимна атмосфера, придружени со пораката: „Ќе биде убава година“.

Нивната свршувачка се вклопува во поширок тренд на сè почести јавни свршувачки меѓу славните личности, кои денес најчесто се комуницираат преку внимателно избрани фотографии и кратки пораки. Сè почесто се забележува поместување кон поедноставни и поавтентични објави, со акцент на рамноправноста на партнерите и личниот избор, наместо на спектакл и гламур.

 

View this post on Instagram

 

A post shared by Damiano David (@damianodavid)

Најголем број свршувачки се случуваат во таканаречената „сезона на прстени“, од крајот на ноември до февруари, кога се реализираат меѓу 37 и 47 проценти од сите годишни свршувачки. Најпопуларни датуми се Бадник, Божиќ, Нова година и Валентајн, а декември е убедливо најчестиот месец за запросувања.

Фото: ЕПА

Сидни Свини позирала целосно гола за насловната страница на годишното издание на списанието W Magazine, посветено на најдобрите актерски остварувања. Фотосесијата е инспирирана од изгледот на Мерилин Монро, а актерката на фотографиите носи само накит.

Во интервју за списанието, Свини зборуваше за одвојувањето од улогите што ги толкува, посебно по трансформацијата за ликот на боксерката Кристи Мартин. Таа неодамна ги демантираше и гласините за естетски зафати, истакнувајќи дека не направила никакви операции.

 

View this post on Instagram

 

A post shared by Sydney Sweeney (@sydney_sweeney)

Сармата е едно од јадењата чија подготовка бара внимание на многу детали, бидејќи одредени грешки можат целосно да го расипат вкусот. Од изборот на зелката до начинот на готвење, ситниците ја прават разликата меѓу сочна, мека сарма и онаа преварена или без вкус.

Една од најчестите грешки се случува уште на самиот почеток – ако зелката е пресолена или претврда, тоа може да го уништи целото јадење. Листовите треба да се исплакнат под млаз вода и, по потреба, кратко да се натопат, но не толку долго за да го изгубат целиот вкус, пишува „Кликс“.

Друга честа грешка при подготовка на сарма е прескокнувањето на сечењето на дебелите жили. Ако не се истенчи средишниот дел од листот, сармата нема убаво да се свитка и ќе се вари нерамномерно.

Проблем може да биде и користењето премали листови зелка кои не се погодни за моткање, туку за редење на дното од садот. Форсирањето совршен облик на сармата често завршува со пукање на листовите. Освен тоа, голем дел од проблемите со сармата доаѓаат од филот. Најчеста грешка е пресув фил и преголема количина ориз.

Оризот во сармата има своја улога, но ако се додаде премногу, за време на готвењето ќе набубри, ќе ја впие течноста и ќе ја претвори сармата во тешка смеса без сочност.

Една од грешките е и користењето немасно месо или претерана штедливост со маснотијата. За да останат сочни, на сармите им е потребна маснотија бидејќи долго се варат. Филот мора да биде избалансиран – со доволно месо, умерена количина ориз и добри зачини.

Честа грешка при варењето на сармата е и нејзиното превртување, како и претерувањето со сосот, бидејќи сосот треба да ги поврзува вкусовите, а не целосно да го преземе јадењето.

Фото: pexels