Забава
Се сеќавате ли на Роуз од „Два и пол мажи“ – снимена е со сопругот на „Оскарите“, а коментарите го испровоцираа да објави видео

Актерката Мелани Лински (47), на многумина најпозната по улогата на Роуз во ТВ серијата Два и пол мажи, присуствуваше на Оскарите. На црвениот тепих прошета во придружба на нејзиниот сопруг Џејсон Ритер.
Нејзиниот долг црвен фустан, кој ги откриваше нејзините раменици, воодушеви многу корисници на социјалните мрежи.
„Убава е“, „Навистина блеска и има прекрасна насмевка“, беа само дел од коментарите.
Нејзиниот сопруг на свечената церемонија се појави во класичен костум со машна.
Сепак, имаше и такви кои го исмејуваа нејзиниот изглед.
„Може ли Џејсон да се справи со неа? Истиот коментар беше повторен неколку пати на „Икс“, а нејзиниот сопруг реши да стави крај.
„Можам да се справам“, одговори Џејсон на „Икс“, а потоа објави хумористично видео во кое ги покажува своите боречки вештини.
View this post on Instagram
„Ве предупредив, сега гледајте“, напиша тој во описот, воодушевувајќи многу нивни обожаватели.
„Вака ја браниш жената што ја сакаш“, „Ја сакам нивната луда енергија“, беа само дел од коментарите.
Мелани Лински често се мачи со коментари за нејзиниот изглед бидејќи, како што многумина велат, „не одговара на холивудските стандарди за убавина“, а во една прилика открила дека тоа е многу исцрпувачко, иако се навикнала низ годините.
Лински изјави за Њујорк Тајмс дека нејзината рана кариера се состои од сценарија за „дебелата пријателка“ или „смешната дебела жена“. За среќа, подоцна и биле понудени подобри ликови и водечки улоги во кои личноста не била врзана за физичкиот изглед. Сепак, нејзиното тело и понатаму привлекува внимание.
View this post on Instagram
На „Икс“ пред две години, таа напиша дека „да се биде слаб не секогаш значи да се биде здрав“.
Лински се омажи за Ритер, синот на починатиот актер Џон Ритер, а од 2020 година имаат и ќерка. На актерката претходно и беше дијагностицирана мизофонија, ретко ментално пореметување поради кое луѓето полудуваат дури и по обичните звуци, како што е свирежот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Fashion Group Digital Magazine: Една година креативност, мода и инспирација!

Една од најголемите и омилени модни групации, Fashion Group, точно пред една година започна подвиг кој беше исполнет со храброст, желба и мотив нивните клиенти и соработници да добијат сосема нова перспектива на работење и креативност.
Се создаде месечен дигитален моден магазин. Година подоцна, тоа што за многумина беше храброст, денеска е успешна приказна!
Тимот што работи на неговото создавање направи ретроспектива на сите досегашни изданија, приказни – модни, но и лични – и задоволно може да продолжи во новата етапа на испишување страници.
„Навистина сме горди на досега постигнатото. Успеавме да ги споиме модата, успехот, идеите и креативноста и да ги претвориме во производ кој остава препознатливост. Често не е едноставно да се поместуваат граници, но на Fashion Group и овој пат му успеа да го стори тоа. Особено сме горди што целиот овој проект го правиме „in house“, во Fashion Group, и многу е интересно што на моменти изгледа како редакција. Многу љубов, труд и енергија се вклучени во овој проект кој имаше за цел да ја стави модата во фокус и на еден, уште поблизок начин, да комуницира со сите оние што ги сакаат нашите брендови. Сакавме да донесеме светски трендови во Македонија и успеавме во тоа. Благодарност на сите учесници во создавањето на магазинот, на сите наши досегашни соговорници и секако до сите уживачи на овој наш креативен труд“, велат од групацијата.
Познати лица од македонската сцена ги раскажаа своите животни, професионални, но и модни приказни. Секој месец читателите имаа можност да уживаат во модни совети, инспирации, трендови.
„Оваа приказна ќе продолжи и ќе добие уште поубав правец, особено сега кога видовме дека нашата идеја е препознаена, а магазинот е нешто што со нетрпение се очекува“, додаваат од Fashion Group.
А кога сме кај нетрпението, новиот, роденденски број на магазинот е веќе објавен, а на насловната страна овојпат се најде македонската пејачка Антониа Гиговска, сосема поинаква, позрела, со нова приказна која чека да му ја раскаже на светот.
Нејзината насловна фотографија, а и сите останати од изминатата прва година на постоење на Fashion Group дигиталниот магазин, можете да ги погледнете во вид на изложба во трговскиот центар „Ист Гејт“ во делот на „Модната авенија“.
(ПР)
Забава
Тери Хачер дебитира на црвениот килим на Канскиот фестивал

Кан оваа година, покрај актерката Ева Лонгорија, доби уште една „очајна домаќинка“.
Канскиот фестивал 2025 овие денови е центар на филмските и модните настани. Познати личности од целиот свет се собираат за да се дружат, а се чини дека веста за убаво поминато време на црвениот тепих стигнала и до Тери Хачер.
Актерката го имаше своето деби на премиерата на „Историја на звукот“. Таа се појави во гламурозна тоалета од либанскиот дизајнер Ели Сааб, украсена со светки и специфичен крој.
Забава
(Видео) Меланија Трамп објави аудиомемоари, но гласот не е нејзин

Првата дама на САД, Меланија Трамп, добила мала помош со објавувањето на аудиомемоарите.
Аудиокнигата се вика „Меланија“, гласот е целосно позајмен од вештачката интелигенција, а првата дама на САД ја смета за иднината на издаваштвото.
„Чест ми е да ја претставам ‘Меланија’, аудиокнига управувана од вештачка интелигенција, раскажана целосно од вештачка интелигенција со мојот глас“, напиша Меланија Трамп во објава на X заедно со футуристичко видео.
A NEW ERA IN PUBLISHING
I am honored to bring you Melania – The AI Audiobook – narrated entirely using artificial intelligence in my own voice.Let the future of publishing begin.
Exclusively: https://t.co/xIfkkmL4YC pic.twitter.com/ab4Qb43AOC
— MELANIA TRUMP (@MELANIATRUMP) May 22, 2025
Англиската верзија на книгата, со наслов „Меланија“, трае седум часа и се продава на личната веб-страница на првата дама за 25 долари. Достапно е и на шпански, португалски, хинди, а набргу ќе бидат достапни и други јазици, соопшти ElevenLabs.
Мемоарите на првата дама беа објавени во октомври 2024 година, во средината на претседателските избори. Книгата опфаќа сè, од животот на Меланија Трамп во Југославија за време на Студената војна, до нејзиниот брак со претседателот Доналд Трамп.
Доби големо медиумско внимание неколку дена пред објавувањето бидејќи Меланија го бранеше правото на избор на жената во книгата.
Претходно оваа недела, претседателот Доналд Трамп го потпиша двопартискиот Закон за преземањето, со кој се забранува и казнува објавувањето вистински и компјутерски генерирани фотографии без согласност, познати како лажни слики, кои често се користат како порнографија за одмазда.
Првата дама присуствуваше на потпишувањето и зборуваше за потенцијалните опасности од вештачката интелигенција.
„Вештачката интелигенција и социјалните медиуми се дигиталните бонбони на следната генерација, тие создаваат зависност и се дизајнирани да влијаат на поврзаноста на нашите деца“, рече таа. „Но, за разлика од шеќерот, овие нови технологии може да бидат оружје обликувајќи ги верувањата и, за жал, влијаејќи на емоциите, па дури и да бидат смртоносни“.
Објавувањето на аудиокнигата на Меланија Трамп раскажана со вештачка интелигенција доаѓа во време кога се води дебата за употребата на технологијата за нарација.