На 1 декември Бакингемската палата соопшти дека кралицата Елизабета Втора и принцот Филип ќе ја прекршат кралската традиција и дека ќе го поминат Божиќ ‘тивко’ во Виндзор, наместо во Сандрингем.

Неделава се појавија повеќе детали за тоа како ќе изгледа празничната сезона за монархијата оваа година – без церемонии на давање подароци за вработените, но сепак, празничните украси се убави за гледање како и за секој Божиќ.

„Мејл онлајн“ објави дека монархот била принудена да ги откаже вообичаените настани на дарување на својот персонал, првпат во нејзиното 68-годишно владеење. Инаку, во вообичаените празнични сезони, вработените можеа да нарачаат подароци од кралицата – како што се флејти за шампањ, кутии за ситници, рамки за фотографии со врежан печат – како и божиќен пудинг за секој член на кралското домаќинство.

Потоа, таа лично ги презентира предметите на тесен избор од нејзиниот персонал на церемонија покрај новогодишни елки и во Бакингемската палата и во замокот Виндзор, пред да отпатува за Сендрингам до февруари.

За кралицата се вели дека троши десетици илјади фунти од сопствениот џеб на овие подароци, кои се одраз на благодарност кон нејзиниот персонал за напорната работа и посветеност.

Таа ужива прилично во својата успешна кариера на пејачка, актерка и танчерка, исполнета со безброј хитови и настапи.

Но, еден од најголемите денови во животот на Џенифер Лопез постојано се бутка наназад.

Оваа 51-годишна sвезда во средата за „Aсес Холивуд“ откри дека нејзината венчавка со Алекс Родригез била одложувана двапати поради пандемијата на Ковид-19.

Таа беше интервјуирана од Марио Лопез кој ја праша дали би можело со брза венчавка за да се заврши со тоа.

„Се појави Ковид-19…самоизолација. Ја одложивме свадбата. Всушност го сторивме тоа двапати, што луѓето не го знаат. Нема брзање.“

Таа рече дека има многу фактори влијаат на одлуката дали тоа ќе биде голем или мал настан.

Седумкратната добитничка на „Греми“, Тони Брекстон, изгледа прекрасно во коктел-фустан, креација на Ребека Валанс, во нова фотосесија што ја направи фотографот Џон Џеј Дејвисон.

„Се чувствувам многу благодарна за животот. Музиката ми помага да се поврзам со луѓе “, вели 53-годишната аренби дива за декемвриското издание на магазинот „Харперс базар Виетнам“.

„Најдоброто чувство е да знаете дека сте инспирирале многу луѓе. Сакам да настапувам, сакам да компонирам музика. Сакам да пеам“.

Тони откри дека порано страдала од лупус, хронична автоимуна болест, како и од микроваскуларна ангина во 2008 година.

А неодамна, за време на празникот Ден на благодарноста, 53-годишната пејачка сподели фотографија на која е платинесто русокоса, и напиша: Велат дека русокосите повеќе се забавуваат!