Забава
Поранешната сопруга на Џони Деп ќе сведочи во врска со наводите за семејно насилство
![](https://makfax.com.mk/wp-content/uploads/2020/07/20200720_amberheard_reuters.jpg)
Актерката Амбер Херд треба да се појави во суд во Лондон, каде што треба да ги докаже своите тврдења дека претрпела семејно насилство од страна на поранешниот сопруг Џони Деп. Нејзиното сведочење е дел од судскиот процес за клевета на холивудската sвезда Деп против британскиот таблоид „Сан“.
Високиот суд во Лондон во последните две недели сослуша сведочења од неколку луѓе, вклучително и Деп, кој цели пет дена говореше за нивниот проблематичен брак откривајќи потресни сцени од караници.
Деп, една од најплатените филмски ѕвезди во светот, го тужи издавачот на таблоидот „Сан“ – News Group Newspapers – за напис во кој го нарекуваат тепач на сопругата, што ја доведе во прашање неговата улога во продожението на „Фантастични ѕверови“.
Таблоидот тврди дека наводите на Херд во написот се точни и дека тој физички ја нападнал најмалку 14 пати во периодот од 2013 до 2016 година кога бил под дејство на алкохол или кокаин.
Деп ги негира ваквите тврдења. Во текот на петдневното сведочење тој рече дека обвинувањата на Херд за наводно семејно насилство биле лаги и дека, всушност, таа била насилникот во нивниот брак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Весна Петрушевска соопшти дека се бори со рак на дојка (ВИДЕО)
![](https://makfax.com.mk/wp-content/uploads/2024/05/vesna-petrushevska.jpg)
„Мојата дијагноза е од средината на април оваа година. Се работи за рак на дојка, имав две операции“, раскажува Весна Петрушевска во видео споделено на Инстаграм.
„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.
„Имам рак, па што – живејте си го животот, еден е“, стои во описот на објавата.
View this post on Instagram
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.