Забава
Софтверска компанија му понуди работа на седумгодишно момче

Руската софтверска компанија Pro32 покани седумгодишен програмер да му се придружи на нејзиниот менаџерски тим штом ќе биде доволно возрасен за да започне со платена работа, пишува британски „Би-Би-Си“.
Сергеј од Санкт Петербург го изгради своето име на петгодишна возраст со објавување видеа во кои објаснува како се програмира софтвер. Врз основа на тие снимки, компанијата за информациска безбедност Pro32 му испратила понуда за работа како менаџер за корпоративна обука.
Според рускиот закон, Сергеј не можел да се занимава со платена работа до својата 14-та година. Сепак, извршниот директор на Pro32, Игор Мандик, изјави за Би-Би-Си дека во меѓувреме разговарал со родителите на Сергеј за изнаоѓање начини за соработка.
Неговиот татко Кирил се изненадил и рекол дека сите во семејството се среќни и дека едвај чекаат Сергеј да влезе во друштвото. Во објавените видеа, Сергеј чекор по чекор поминува низ предизвиците за кодирање на руски, а понекогаш и на малку лош англиски јазик.
Неговиот канал на YouTube има повеќе од 3.500 претплатници заинтересирани за учење на програмските јазици Python и Unity или оние кои сакаат да слушнат повеќе за невронските мрежи, кои се основа на многу алатки за вештачка интелигенција.
Мандиќ рече дека Сергеј покажал извонредни развојни и уникатни наставни вештини.
„За мене тој е еден вид Моцарт. Апсолутно сум сигурен дека додека да наполни 14 години ќе биде гуру за настава и развој. Мора да почекаме седум години, по што ќе почнеме да зборуваме за неговата плата“, изјави Мандиќ за чудото од дете.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Наградени 13 македонски вина на CMB2025 во Кина

Мега спектакуларниот вински натпревар Concours Mondial de Bruxelles или скратено ЦМБ, оваа пролет се одржа во Кина, поточно во главниот град Јинчуан на најзначајниот вински регион Нингсија.
Поради големата популарност на настаните на CMB, организаторот Винопрес од Белгија, низ годината винските натпревари ги подели на четири помали, и тоа според винските стилови, додека овој натпервар кој е посветен на црвените и бели мирни вина (Red & White Session) е секогаш најголем.
Нивните натпревари ги нарекуваат уште и патувачки вински натпревари, бидејќи секоја година се одржуваат во различен вински регион во светот, што им нуди на оценувачите нови вински искуства, додека на производителите од регионот и туристичките организации, промоција на странските пазари.
Преку 7000 вина од 49 земји во светот се оценуваа на темна дегустација без никаква претходна информација за истите, за што беа задолжени 375 вински судии од 56 различни националности.
Покрај тоа што македонските вина последниве години на овој мошне строг натпревар не бележеа некоја значајна “берба” на награди, оваа година од 30 испратени вина дури 13 се закитија со награда, што дава еден позитивен сигнал за порастот на глобалната препознатливост на македонското вино.
CMB Red & White Session 2025 | Yinchuan – Ningxia – China
GRAND GOLD
Brzanov Vranec Elixir 2012
GOLD
Ch. Kamnik Masterpiece 2022
Brzanov Syrah Artizan 2021
SILVER
Tikves D. Bela Voda Cuvee Blanc 2023
Tikves D. Barovo Temjanika 2024
Ch. Sopot Djinot Vranec 2023
Tikves D. Babuna Red Cuvee 2022
Vradarska Dolina Eden Barrique Cuvee 2022
Tikves Luda Mara Vranec 2022
Paragon Red Diamond 2022
Monteko Merlot 2023
Stobi Veritas Private Reserve 2017
Monteko Cabernet Sauvignon 2023
(ПР)
Забава
„Зошто да се менуваме кога е добро вака: хороскопски знаци кои тешко прифаќаат промени

Промена на фризура? Стрес. Нов распоред на канцеларија? Малку лична драма. Селење? Речиси трагедија. Додека некои хороскопски знаци ги прифаќаат промените како стари пријатели, други ги гледаат како несакани гости кои го нарушуваат совршениот ред. Ако имате еден од овие знаци, веројатно сте ја слушнале фразата: „Зошто да се менуваме кога е добро вака?“.
Бик
За Бикот, стабилноста е како нивното омилено ќебе – смирувачко, познато и тешко заменливо. Сè ново мора да помине строг тест за удобност, безбедност и значење. Тие ја перцепираат промената како закана за сопствениот мир. И додека сите веќе ја користат новата апликација, Бикот сепак ќе се обиде да ја врати старата верзија.
Девица
Девиците не го сакаат хаосот. А промената е синоним за неред, неизвесност и можност за грешка. Сè мора да има структура, јасен ред и добра стара рутина. Нови начини на работа, нови љубови, нови места? Само кога се анализирани од сите страни и потврдени како корисни. Инаку, подобро е да не се допира ништо.
Рак
Раковите се допрени од промените. За нив, тоа не се само нови состојби, туку нови емоционални состојби, нови луѓе, нови приказни што сè уште не ги знаат. Тие се врзуваат за домот, спомените, врските. Дури и кога нешто повеќе не функционира, тие можат да се држат до старото само затоа што им е познато. Во свет полн со неизвесност, Раковите се потпираат на она што го знаат и го сакаат, дури и ако е од минатото.
Ако промената им дојде, тие на крајот може да ја прифатат, но само под услов да дојде тивко, со почит и да носи со себе ветување за безбедност.
Забава
Сопругата на Меси објави фотографии од семејниот одмор

Сопругата на славниот фудбалер Лионел Меси обично објавува семејни фотографии, но понекогаш „се опушта“ и тогаш светот добива единствена можност да се восхитува на нејзината убавина.
Сезоната на бикини е пред нас, а познатите ѕвезди веќе на големо објавуваат атрактивни фотографии од егзотични дестинации. Сопругата на познатиот фудбалер Лионел Меси – Антонела Рокоцо не ја пропушти можноста да му покаже на светот нов модел на бикини.
Антонела ја покажа својата извајана фигура во црно бикини на Инстаграм. Нејзината природна убавина ја надополни целата сцена, и можеме само да кажеме дека Меси е вистински среќен човек.