Музејот на централните гробишта во Виена користи лего-коцки кои имаат намена да ги едуцираат децата за значењето на погребите, со цел да им се помогне подобро да ја разберат смртта, соопшти минатиот петок шефот за комуникации на музејот, Флоријан Киш.

Киш вели дека кога децата процесираат тага, имаат свои правила за тоа.

„Подобро е децата сфаќањата за смртта да ги оформат низ процес на игра, а колку за појаснување, не е предвидено тие самите да играат со овие лего-сетови, без родителски надзор. Истите се наменети со цел родителите и терапевтите да може полесно да го објаснат концептот на смрт и загуба“, додава тој.

Киш истакна дека овие производи се развиени во соработка со Здружението на виенски терапевти и првично се насочени кон децата, но биле толку барани што веќе се распродадени.

„Постојат многу луѓе за кои овој производ на ‘Лего’ има значење. Имаме нарачки од САД, од Русија, од Германија, а има и психотерапевти кои нарачаа комплети за терапија на деца, но исто така и на возрасни“, вели тој.

„Еден мал сосед дојде до нас и почна да вика: ‘Мало девојче падна во водата!’ Веднаш се стрчав кон реката, и кога го видов девојчето, ми помина низ главата дека неколку деца веќе се удавија и скокнав. Таа веќе беше побледена, тонеше, ја зграпчив за косата и ја повлеков“, за „Далматински портал“ изјави Јосип Црљен, 37-годишен херој кој во неделата попладне го спаси девојчето од реката Руд.

Јосип скокна во надојдената река кај Триљ, и тоа каде што има вирови и е многу тешко да се плива.

„Бевме во блискиот ресторан за да го прославиме крштевањето на детето на мојот кум, кога одеднаш Матео почна да вика дека девојче се дави во реката. Брзо се стрчавме кон тоа место и видовме девојче кое беше малку под вода, малку над водата, се давеше. Јас веднаш скокнав во водата за да ја извлечам, но водата беше зелена и јас не можев да ја видам. Мислев дека нема да успеам, ќе ја изгубам. Со бескрајни напори, за среќа, ја фатив за косата и некако успеав да ја повлечам на брегот. Морам да признам дека беше многу тешко. Бог ми даде сила да ја извлечам и да ја спасам, рече Јосип.

Тој вели дека не можел да спие цела ноќ и сега оди на лекар, бидејќи сè го боли, особено грлото, но тој е среќен што го спасил девојчето во последен миг.

„Горд сум и на мојот сосед, малиот Мата Тадиќ, кој го виде сето ова и не повика. Подоцна го видов девојчето, дојде мајка ѝ и фала му на Бога, сè заврши добро“, рече Јосиф.

Актерката Салма Хаек (52) од Ровињ им го честита Велигден на своите обожаватели. Претходно таа позира на фотографија со зајаче, а сега се пофали и со лов на тартуфи. Колку актерката ужива во Истра, покажуваат фотографиите што редовно ги објавува на социјалните мрежи.

Дека се забавува и ужива во пријатно друштво, таа и овој пат покажа со фотографиите на кои позира со Зара и Малa, кучиња трагачи по тартуфи.

„Овој Велигден, наместо во лов на јајца, отидов во потрага по тартуфи“, напиша убавата Салма покрај фотографијата на својот инстаграм-профил.

Нејзиното објавување имаше повеќе од 180.000 допаѓања. „Уживај во Хрватска“, „Прекрасна си, Салма“, се само некои од коментарите на обожавателите.