Захари Квинто направи кратка пауза од саоизолацијата и реши да прошета надвор во период кога Холивуд се подготвува да се врати во нормала.

43-годишниот актер, номиниран за наградата „Еми“, полека се враќа во својата рутина пред очекуваната втора сезона на ТВ-серијата NOS4A2 (Ностерату) – хорор-драма со натприродни суштестава. Тој претходно одби да го промовира продолжението на социјалните мрежи со образложение дека планира да ја насочи својата платформа на посериозни работи.

Папараците го забележаа во неделата, кога одеше по кафе во близина на квартот во кој живее во Лос Анџелес. Тој носи темна маска за лице и практицира социјално дистанцирање додека чека пред „Блу ботл кофи“ во Лос Фелиз.

Софија Ричи изгледа безгрижно додека ја покажува својата совршена фигура во бикини со животински принт еден ден по пријателското дружење со поранешното момче Скот Дисик на Денот на независноста, 4 Јули.

Софија и Скот беа заедно во саботата, прв пат откако во мај ја прекинаа тригодишната врска.

А во неделата 21-годишната манекенка, ќерка на познатиот музичар Лајонел Ричи, реши да помине еден ден со своите пријатели во Малибу. Таа го впива сонцето во секси бикини.

Раперот Канје Вест соопшти дека ќе се кандидира за претседател на претстојните избори во САД.

43-годишната рап-sвезда откри преку „Твитер“ дека има аспирации да стане американски претседател еден ден посочувајќи дека планира да влезе во трката оваа година.

Канје, кој има речиси 30 милиони следачи на платформата за микроблогирање, напиша: „Сега мора да го реализираме ветувањето на Америка со верба во Бога обединувајќи ја нашата визија и градејќи ја нашата иднина. Јас се кандидирам за претседател на Соединетите Држави“.

Амбицијата на Канје веќе доби поддршка од технолошкиот милијардер Илон Маск. Како одговор на објавата на Канје, тој напиша: „Вие ја имате мојата целосна поддршка!“

Сопругата на Канје, Ким Кардашјан-Вест, го поддржа планот на својот сопруг со објава на социјалните мрежи, дополнета со американското знаме.

Сепак, останува нејасно дали Канје сериозно има намера да се кандидира за политичка функција во ноември.