Забава
Стив Џобс: Во бизнисот преживуваат тие што не се откажуваат, без волја нема успех

Мотото „останете гладни, останете детинест“ е рецепт за успех без разлика на професијата, тврдеше Стив Џобс, коосновач на една од највлијателните компании „Епл“, додека беше жив.
Ова важи за оние бунтовници кои гледаат на работите поинаку – не сакаат правила. Може да не се согласувате со нив, можете да ги величате или мразите, но единственото нешто што не можете да го направите е да ги игнорирате.
„Затоа што тие ги туркаат луѓето напред и иако некои ги сметаат за ексцентрични, јас ги сметам за генијалци бидејќи луѓето кои се доволно луди да мислат дека можат да го сменат светот се тие што всушност го прават тоа, велеше вечниот бунтовник Стив Џобс.
Многу успешни бизнисмени се потпираа на неговите пет правила за ефектна презентација, а првото правило е: „Продавај го она што е корисно“.
Неговото второ правило беше и важи и денес: „Сè е во презентацијата и треба да вежбате многу за еден ден да оставите добар впечаток кај вашите клиенти. Чувството за неформалност е клучно.“
Тој секогаш истакнуваше дека неговите најдобри упатства за животот се љубопитноста и интуицијата, но и нескротливата волја. Има нешто во мудриот тактички пристап „како успешно да се продаде содржина“.
Третиот совет е нешто што многумина го забораваат – изгледот на она што го нудите е од суштинско значење. Мора да биде стилски ефектен, но едноставен.
„Сервирајте им страст“ е четвртиот совет. Стив Џобс имаше заразен ентузијазам. Неговото четврто правило за успех е: Вклучи страст, енергија и ентузијазам. Без нив, вашата порака и напор ќе изгледаат неубедливо. Дури и ако производот или проектот на кој работевте е врвен, на луѓето ќе им биде потешко да го разберат ако не им го сервирате со страст.
Снажна порака – На крајот на секоја презентација, Џобс додаваше „и само уште една работа“. Неговите говори беа театар сами по себе и такви харизматики се ретки, но секој може да се обиде да ги подобри своите говорни вештини. За почеток, не заборавајте секогаш да ја завршите презентацијата со силна порака.
„Интуицијата води до одлични резултати – понекогаш животот ве удира со тула во глава. Не губете верба. Убеден сум дека единственото нешто што ме водеше беше дека го сакам тоа што го правам. Мора да го пронајдете она што го сакате. Ова важи и за бизнисот, како и за љубовта. Вашата кариера ќе заземе многу од вашиот живот и единствениот начин да бидете навистина среќни е да го правите она што сметате дека е одлично. Ако сè уште не сте нашле работа што ве исполнува, продолжете да барате.“
„Како и за сите ситуации во кои одлучува срцето, ќе знаете кога ќе ја најдете. И како добра врска, ќе станува подобро и подобро со текот на годините.“ Тоа беше дел од легендарниот говор на визионерот Стив Џобс на Стенфорд во 2005 година.
Во меѓувреме, тој стана еден од најголемите иноватори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Македонецот Никола Станишиќ победник на „Ѕвездите на Гранд“, во финалето ја запеа „Ако утре ме нема“ од ДНК и им ја посвети на жртвите од „Пулс“

Македонецот Никола Станишиќ е победник на регионалното музичко натпреварување „Ѕвездите на Гранд“, освојувајќи ја титулата со најмногу гласови од публиката – дури 138.714. Големото финале почна во саботата вечер и траеше до раните утрински часови.
Во финалето учествуваа 20 кандидати, а Станишиќ триумфираше пред Елвис Мешиновиќ (второ место) и Зоран Ружиќ Ферари (трето место).
Станишиќ, роден во 2000 година, живее во Скопје и веќе настапува со свој бенд и надвор од Македонија. Вниманието го привлече со интерпретациите на македонски песни.
Во финалната вечер, Никола ја изведе песната „Ако утре ме нема“ од ДНК, која ја посвети на жртвите од трагичниот пожар во дискотеката „Пулс“ во Кочани.
Забава
За 3 хороскопски знаци, јули носи исполнување на најголемите желби: Вселената ќе ја насочи среќата кон нив

Три знаци во јули 2025 доживуваат пробив. Нивните желби влегуваат во фаза на остварување бидејќи претходно биле истрајни, работеле, се преиспитувале и верувале. Вселената сега им нуди платформа, ѕвездена сцена и небесен ветер во грб.
Во моментот кога годината е на својата половина, јули доаѓа како совршена точка за интроспекција и нов почеток. Планетарните аспекти, транзитите и лунарните движења создаваат уникатна астролошка слика, а во продолжение дознајте кои хороскопски знаци најсилно ја чувствуваат таа енергија.
Овен
Овните влегуваат во овој месец со чувство дека конечно се подготвени да го преземат она што им припаѓа. Со Нептун и Сатурн во нивниот знак, балансираат меѓу соништата и реалноста. Ретроградното движење на Сатурн од 13 јули најавува внатрешно преиспитување на одговорностите, но и зајакнување на темелите за идниот раст.
Марс, нивниот владетел, делува без ограничувања и внесува енергија во сите потфати. Околу полната месечина во Јарец на 10 јули, Овните може да дојдат до пресвртница во кариерата, можно признание, промена на работно место или јасност во тоа што ги исполнува.
Благодарение на Јупитер во Рак, куќата на семејството и домот носи експанзија. Тоа може да значи преселување, уредување на домот или поголем мир во семејните односи. Сонцето во Лав од 22 јули ја активира нивната петта куќа на креативност, деца и романтика.
Финансиски, сè се движи. Можно е да се појават понуди, бонуси или долгоочекувани договори. Овните кои вредно работеле сега ги жнеат резултатите. Со Венера во Рак кон крајот на месецот, личните вредности и сигурноста доаѓаат во фокус.
Близнаци
За Близнаците, ова е месец во кој нивната потреба да бидат слушнати, видени и признати го достигнува својот врв. Венера влегува во нивниот знак веќе на 4 јули, засилувајќи го личниот магнетизам и социјалната привлечност. Секој разговор, порака или идеја има потенцијал да отвори врата.
Влезот на Уран во нивниот знак дополнително го забрзува овој процес. Ова е историски астролошки момент кој ветува пресврти во кариерата, иновации и ослободување од ментални обрасци што ги попречувале. Близнаците кои се занимаваат со пишување, говорење, медиуми или дигитални сфери може да добијат неочекувани шанси.
Јупитер, планетата на среќата, која неодамна го напушти нивниот знак, остава „опашки на среќа“ – позитивни влијанија што сè уште се чувствуваат. Близнаците сега имаат можност да ги капитализираат контактите и идеите што се развивале изминатите месеци.
Полната месечина во Јарец ги осветлува нивните финансии, додека ретроградниот Сатурн ги тестира долгорочните планови. Време е да се запрашаат: Што навистина сакам на долг рок? А младата месечина на 24 јули им дава нова платформа за изразување и афирмација.
Водолија
За Водолиите, јули е месец на усогласување со нивната вистинска природа. Уран влегува во пријателскиот знак Близнаци на 7 јули, носејќи ерупција на идеи и неочекувани поместувања во проектите. Сè што досега било во фаза на концепт може да почне да добива форма.
Плутон во Водолија, поддржан од ретроградните налети на јули, помага во отфрлање на старите идентитети и прифаќање на моќта на автентичното „јас“. Водолиите се усогласуваат со колективните ритми, нивните визионерски цели добиваат поддршка, а лидерството природно се наметнува.
На љубовен план, Венера во Близнаци ја активира петтата куќа на забава, страст и романтика. Самците може да доживеат страсни средби, а оние во врска повторно да почувствуваат блискост. Уран носи изненадувања, а младата месечина во Лав отвора нова фаза во партнерските односи.
На општествено ниво, Водолиите може да очекуваат поголемо влијание: да водат група, да започнат колективен проект или да станат инспирација за заедницата. Сатурн им помага да ги структуираат идеите и да ја прифатат одговорноста за својот потенцијал.
Забава
Најмладата ќерка на Доналд Трамп го покажа својот син, реакциите се дека многу личи на дедо му

Тифани Трамп (31), најмладата ќерка на американскиот претседател Доналд Трамп, го доби своето прво дете со својот сопруг Мајкл Булос (27) на 15 мај оваа година. Сега ги објави првите фотографии од својот син на „Инстаграм“.
„Љубовта на нашиот живот, Александар Трамп Булос“, напиша таа во описот. Бројни следбеници ја контактираа и рекоа дека малиот Александар многу личи на својот дедо Доналд Трамп.
View this post on Instagram
„Тој е копија на твојот татко“, „Трамп има силни гени, сите негови деца личат на него“, „Ист дедо му“, продолжија коментарите.
Откако Тифани претходно се пофали со среќната вест на „Инстаграм“, објавувајќи фотографија од стапалото на детето, се огласи и Трамп.
„Ќерка ми роди бебе. Одам дома да го видам тоа бебе“, рече тој потоа, додавајќи: „Таа е одлична и бебето е одлично.“
Доналд беше првиот што ја објави бременоста на Тифани.
View this post on Instagram
Пред две години, Тифани се омажи за милијардерот Мајкл Булос. Нејзиниот сопруг, наследник на нигерискиот бинис вреден милијарди, Булос Ентерпрајзис, е роден во Либан, израснат во Нигерија и се преселил во САД откако ја запознал.
Двојката почнала да се забавува во 2018 година кога се запознала во клубот на Линдзи Лохан во Миконос, Грција. Тие се вериле во јануари 2021 година, на крајот од мандатот на нејзиниот татко како претседател. Булос ѝ предложил брак на тревникот на Белата куќа со дијамантски прстен вреден 1,2 милиони долари.