Некогаш е тешко да се признае грешката, особено кога гордоста турка во спротивна насока. Но, овие хороскопски знаци се вистински херои кога станува збор за соочување со сопствените грешки. Нема криење, игнорирање или изговори; кога ќе згрешат, ќе признаат и ќе се извинат, без многу да филозофираат. Затоа што искреноста е најдобриот начин за помирување, а овие знаци го знаат тоа подобро од сите.

Девица

Девиците се познати по својата аналитичка природа и стремеж кон перфекционизам. Кога ќе направат грешка, тоа не е само мал инцидент за нив, тоа е можност за раст и подобрување. Девиците детално ќе размислат каде згрешиле и ќе признаат со потребните корекции. Ако грешат, не се плашат да кажат: „Ти си во право, јас згрешив“. Нивното извинување не е само збор, тоа доаѓа со конкретни чекори за да се поправи ситуацијата и да се осигура дека истото нема да се повтори.

Стрелец

Стрелците се познати по тоа што секогаш го кажуваат своето мислење, па не е изненадување што тие ќе бидат исто толку искрени кога грешат. Понекогаш можеби се премногу директни, но никогаш не одложуваат да се извинат. Ако некој Стрелец направи грешка, веднаш ќе каже: „Ок, ова беше мое, извини“. Иако нивната гордост ретко ги мачи, признавањето на грешка не им е слабост, туку знак на лична сила. Ако сакате пријател кој секогаш ќе биде искрен и подготвен да ги исправи своите грешки, Стрелецот е вашиот човек.

Бик

Биковите се познати по својата тврдоглавост, но кога ќе згрешат, нивната искреност е несомнена. Иако ќе им треба уште малку време за да разберат каде згрешиле (бидејќи првично се цврсто убедени во нивната исправност), кога ќе се докаже дека грешат, искрено ќе се извинат. Биковите ја почитуваат вредноста на искреноста, па нема да бегаат од одговорност. Ако им покажете дека згрешиле, тие ќе бидат токму она што се: искрени, полни со каење и подготвени да се поправат.

Водолија

Водолиите се идеалисти кои сакаат да го направат светот подобро место, а за нив тоа значи да бидат искрени за сопствените грешки. Ако грешат, веднаш го признаваат тоа, бидејќи сметаат дека е неопходно за личен развој. Не само што се извинуваат, туку ќе понудат и решение за проблемот бидејќи сметаат дека секој предизвик може да се надмине. Водолиите не го гледаат извинувањето како слабост, туку како чекор кон подобра верзија на себе. И да, можеби ќе слушнете малку филозофирање во нивното извинување, но сè ќе биде искрено и од срце.

Хармоникашот Мишел Трајковски и познатата актерка Јана Стојановска ја претставуваат својата најнова креација – песната „Весник“. Ова дело е уникатна комбинација на музика и актерска емоција, која допира до душата на слушателите.

Видеозаписот за „Весник“ е снимен на неколку препознатливи локации во Скопје доловувајќи ги убавината и магијата на градот. Со впечатливи визуелни елементи и моќна изведба песната носи порака за љубов, носталгија и животните патишта.

Оваа соработка ја истакнува способноста на уметниците да создадат нешто навистина посебно обединувајќи две различни, но комплементарни уметнички форми. Песната „Весник“ е на пат да стане вистински хит инспирирајќи ги слушателите со својата искреност и емоција.

Музиката, текстот и аранжманот се на Мишел Трајковски.

„Има една земја сонце што ја грее, оди таму, в’ срце земи ја, слушни вечна песна таму што се пее: Нека живеј Македонија“!…, дел од стиховите на една од трите најавени нови преработки со наслов „Има една земја“, а која ќе биде отпеана на концертот „Македонијо, во срце те носиме“, закажан на 7 декември во Филхармонијата.

Песната е со потписот на Григор Копров, а е отпеана во далечната 1986 година од страна на легендарниот Гоце Николовски и се нашла на албумот што го носел неговото име. Песната носи моќни стихови, а во себе крие и интересна приказна за тоа како станала дел од опусот на Николовски, кој во тоа време живеел во Ниш, пеел шлагери и бил дел од една од легендарните нишки групи, познатите „Далтони“. Набргу влегол во етноводите и светот на народната музика, а токму со Копров работел на споменатиот албум, кој бил издаден за РТВ Словенија. Всушност, тоа бил неговиот прв фолк-албум.

„Кога го побаравме Копров, беше изненаден што некој воопшто се сетил на оваа композиција,која одлично се вклопува во целата наша приказна што ја раскажуваме во изминатите две години. На сцената на Филхармонијата сега ќе биде отпеана во дует, и тоа од Сузана Спасовска и Александар Тарабунов“, велат од „Скендеровски продукција“, инаку задолжени за целата ова убава приказна, која се раскажа во сите поголеми градови во земјата.

Освен „Има една земја“, веќе добро познатите 12 нумери, кои публиката имаше можност да ги чуе, на сцената ќе ја чуеме и „Молитва“ на авторот Миле Барбаровски, а што ќе ја отпее Бојана Скендеровски. За преработките, но и оркестрациите, ќе се погрижи маестро Николче Мицевски, а симфонискиот оркестар ќе музицира под диригентската палка на Сашо Татарчевски.

Низ целиот музичко-драмски перформанс, пак, публиката ќе ја води актерот Дејан Лилиќ.

7 декември, со почеток од 20 часот, бидете во Филхармонијата, бидете дел од завршниот концерт во рамките на приказната „Македонијо, во срце те носиме“ за уште еднаш да ја обоиме Македонија со најубавите звуци и да се потсетиме на аманетот што ни го оставиле генерациите пред нас, велат од продукцијата.

Сите заедно да уживаме во некои од најубавите македонски патриотски песни и во изведбите на Бојана Скендеровски, Миле Кузмановски, Сузана Спасовска, ДНК, Наум Петрески, Зуица Лазова, Александар Тарабунов, Мина Блажев, Андријана Јаневска, Марија Спасовска, Огнен Здравковски и Ламбе Алабаковски, додаваат во соопштението.