Американскиот рапер и продуцент „Доктор Дре“ (55) е отпуштен од болница откако се лекувал од аневризма на мозокот.

Адвокат на Дре во саботата соопшти дека хип-хоп sвездата сега е повторно дома, без да даде повеќе детали.

„ТМЗ“ на 5 јануари објави дека Дре бил однесен во Медицинскиот центар Седарс-Синај во Лос Анџелес, Калифорнија. Тимот на легендата на рап музиката подоцна издаде соопштение во кое се вели дека Дре – чие вистинско име е Андре Ромел Јанг – е во стабилна состојба.

“Благодарам на моето семејство, на пријателите и фановиза за нивниот интерес и желби. Јас добивам одлична нега од мојот медицински тим”, напиша раперот на Инстаграм кога беше во болница.

Сер Род Стјуарт и Сер Елтон Џон се скараа откако Род ги критикуваше плановите на својот стар пријател за проштална турнеја, нарекувајќи го таквиот потег „не-рокенрол“ и дека тој нема да го стори истото.

Но, сега, Род вели дека тие официјално ја закопале секирата, и призна дека не би било фер да им каже на своите осум деца да им се извинуваат на разни луѓе без да го следат неговиот совет.

„Им велам на моите деца: Секој човек треба да се извини, оди и извини ѝ се на мајка ти. Само што се станавме повторно пријатели, јас и Елтон,“ рече Род.

„Отсекогаш сме имале жестоки несогласувања, како што знаете, низ годините, но тоа беше на разиграна основа. Имавме лоши караници, како брачна двојка. Тој траеше долго.”

Род (76) додаде дека жали што го искритикувал Елтон во врска со неговата проштална турнеја.

Студиото „Ворнер брос“ настојува да ја почне годината навистина снажно и ја префрли својата претстојна епика со чудовишта „Годзила против Конг“ на 26 март 2021 година два месеца порано од првичниот распоред.

Ова ќе биде проследено со ултранасилното продолжение на култната борбена игра „Мортал комбат“ закажано за 16 април.

Се чини дека 2021 година ќе биде година на филмови на „Ворнер“, а меѓу нив се „Том и Џери“ (26 февруари), „Дјун“, „Матрикс 4“, „Спејс џем 2“ (Space Jam: A New Legacy) и многу други.

Како што беше најавено претходно, сите филмски изданија на „Ворнер брос“ оваа година ќе бидат прикажани во киносали и на „Ејч-би-о макс“ истовремено.