Забава
Таткото на Лејди Гага откри што му подарила ќерката за Денот на таткото
Таткото на Лејди Гага, Џо Џерманота, откри дека за Денот на таткото (кој се слави на 21 јуни во САД), од неговата позната ќерка не добил некој подарок на кој би му завидувале , но тоа не му пречело.
„Мојата ќерка Стефани – ака Лејди Гага – ми испрати кутија орео“, рече 64-годишникот низ смеа за време на интервјуто за „Фокс бизнис“. Тој додаде дека неговата втора ќерка Натали е во Њујорк и дека го води на долго возење велосипед.
Џерманота живее во Њу Џерси, и му рече на водителот Даген Мекдауел дека добро се одморил, но и дека повеќе се фокусирал на повторно отворање на дел од неговиот ресторан Џон Траторија, сместен во њујоршкиот кварт Апер Вест Сајд.
Њујорк влезе во втората фаза на пандемијата во понеделникот, што значи дека рестораните, од кои голем дел се целосно затворени со месеци, можат да се отворат доколку имаат тераси. Џерманота откри дека прво морал да го затвори својот ресторан (кој ја наведува Гага како инвеститор)две недели, што го искористил за чистење на просторот.
Откако доби заем од државата, Џерманота беше во можност да отплати дел од своите вработени. „Некои од нив се со мене осум, девет години, па морав да се грижам за нив“.
Пред да го добие заемот, Џерманота рече дека им платил на вработените од сопствен џеб. Но, во март, тој се најде на удар на критики откако отвори страница „Go Fund Me“ за неговите вработени. Со оглед на финансискиот статус на неговата постара ќерка – Гага има околу 275 милиони американски долари – критичарите сметаат дека ваквиот потег е непотребен. Џерманота наскоро ја затвори страницата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Брејк објави нова песна „Една во милион“
Музичарот Дарко Гелев‑Брејк објави нова песна „Една во милион“.
Новиот сингл доби и видео спот. Ова музичко дело е плод на наши познати лица од музиката.
Музиката е на Никола Перевски Пере од „Нокаут“, аранжманот на Дарко Димитров, текстот е на Игор Џамбазов, а миксот и мастерингот на Дарко Димитров.
Забава
Бритни Спирс ги продаде правата за сите нејзини хитови
Бритни Спирс ги продаде правата за целиот свој музички каталог, профитирајќи од наследството што го изгради со хитовите како Baby One More Time и Toxic. Според правните документи, каталогот е продаден на издавачката куќа Primary Wave, и иако износот не е откриен, медиумските извори го опишуваат како историски договор споредлив со продажбата на каталогот на Џастин Бибер за околу 200 милиони евра.
Според документите, 44-годишната пејачка го потпишала договорот на 30 декември. Извори блиски до Спирс велат дека таа е задоволна од одлуката и слави поминувајќи време со своите деца, синовите Шон (18) и Џејден (17), кои ги има со поранешниот сопруг Кевин Федерлајн.
Со овој потег, Спирс се придружува на голем број музички ѕвезди кои профитираа од своите каталози во последните години. Меѓу нив се Џастин Бибер, Брус Спрингстин, Боб Дилан, Шакира, Стинг и Фил Колинс.
Каталогот на Бритни Спирс се смета за еден од највредните во модерната поп музика. Нејзината кариера започна во 1999 година со нејзиниот деби албум Baby One More Time, кој се продаде во повеќе од 10 милиони примероци и помина две недели на врвот на табелата Billboard Hot 100.
За време на нејзината кариера, таа постигна 11 синглови број еден, повеќе од 30 песни во топ 10 и издаде девет студиски албуми. Вкупната продажба на нејзините албуми надминува 100 милиони примероци низ целиот свет.
Хитови како „Toxic“, „Oops!… I Did It Again“, „Gimme More“ и „Womanizer“ ѝ донесоа бројни номинации за Греми, МТВ и Билборд награди. Нејзината музика продолжува да генерира огромни приходи од услугите за стриминг, радио емитување, како и употреба во филмови, реклами и на платформи како TikTok.
Забава
(Видео) Најубавата жена на светот е номинирана и за најдобра актерка: Сите зборуваат за нејзиниот стил
Ема Стоун, која ја носи титулата најубава жена на светот, блесна на 98-та гала вечера на номинираните за Оскари. Самиот настан се одржува пред Оскарите и ги собира сите номинирани ѕвезди за таа година во хотелот Беверли Хилтон.
Ема, која беше номинирана за најдобра актерка во филмот „Бугонија“, беше таа што ги привлече сите погледи со необична, но привлечна комбинација. Таа носеше смокинг фустан кој комбинира класичен стил и гламур, и не завршува тука. Црната креација е исто така украсена со доза на сексапил бидејќи има длабоко деколте и мини крој.
Покрај тоа, цветниот детаљ беше забележлив – централниот мотив кој го нагласуваше тоа многу длабоко деколте. За да го комплетира стајлингот, таа се одлучи за отворени потпетици.
Што се однесува до шминката, таа носеше нежни, земјени тонови и едвај забележливи додатоци – ситни обетки.

