Забава
„Твитер“ ја истражува хејтерската кампања против Меган и Хари
„Твитер“ ја истражува суровата и координирана кампања на омраза чија цел е да се шират дезинформации за принцот Хари и Меган Маркл, пишува „Космополитан“ и потенцира дека има илјадници непримерни твитови.
Новиот извештај од независната аналитичка компанија „Бот Сентинел“ открива дека од 114,000 твитови за парот, Меган била на мета во 80% од објавите. Понатаму, 70% од ваквите твитови доаѓаат од 83 профили, за кои се чини дека имаат единствена цел да шират дезинформации за војводата и војвотката од Сасекс.
„Нашата анализа ни овозможи да изолираме 55 еднонаменски профили што ги идентификувавме како примарни профили на омраза и 28 секундарни профили на омраза кои главно ги засилуваат примарните“, се наведува во извештајот.
Заедно, профилите имаат вкупно 187,631 следачи, за кои Bot Sentinel проценува дека имаат „комбиниран единствен потенцијален досег од 17 милиони корисници“.
Кристофер Бузи, извршен директор на „Бот Сентинел“, изјави за „Баз-фид њус“ дека кампањата на Твитер против Меган не наликува на ништо што неговиот тим видел претходно.
„Нема мотив“, рече тој. „Кои се овие луѓе кои ја мразат? Дали е тоа расизам? Дали се обидуваат да го повредат кредибилитетот на Хари и Меган? Вашата претпоставка е добра како и нашата.“
„Оваа кампања доаѓа од луѓе кои знаат како да манипулираат со алгоритмите, манипулираат со Твитер, остануваат под жица за да избегнат да бидат откриени и суспендирани. Ова ниво на сложеност доаѓа од луѓе кои знаат како да ги прават овие работи, кои се платени за оваа работа“, додаде тој.
Тој подоцна твитна дека осум профили се суспендирани, а четири се деактивирани.
Сега, „Твитер“ соопшти дека ќе го истражи дигиталниот напад врз двојката, а портпаролот им кажа на новинарите дека „Твитер“ активно ги истражува информациите и профилите наведени во овој извештај. „Ќе преземеме мерки за профилите што ги прекршуваат правилата на Твитер“, рече тој.
Потемната страна на социјалните мрежи е тема за која и војводата и војвотката од Сасекс говореа јавно во минатото, при што Меган рече дека причината што ги избегнува Твитер и Инстаграм е за нејзиното сопствено самоодржување. Двојката се одјави од своите профили уште во март 2020 година, откако решија да ги напуштат своите должности како членови на кралското семејство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) „Едноставниот“ живот на сопругата на милијардер: Светки, чипка и луксуз додека тој ја држи за рака
Најмладата ќерка на американскиот претседател Доналд Трамп, Тифани Трамп, сподели серија фотографии на кои позира во тесен црн фустан, заедно со својот сопруг Мајкл Булос.
Тифани и нејзиниот сопруг милијардер неодамна станаа родители, па затоа најголемиот дел од вниманието е насочено кон нивниот син Александар, што го прави ова излегување за новопечените родители вистинска реткост.
Убавата русокоса за пригодата избра тесен црн фустан украсен со чипка, а сè надополни со сребрени платформи и накит. Нејзиниот сопруг не заостануваше многу зад неа, позирајќи во елегантен црн костум.
Тифани, исто така, покажа во серија од неколку фотографии од забавата како изгледа животот на милијардер, на што многумина сигурно ѝ завидуваат.
Од почетокот на нивната врска во 2018 година, тие станаа интересни за јавноста, најмногу поради фактот што се запознале на Миконос и што Булос решил да се пресели во Америка поради неа, откако пораснал во Нигерија.
Патем, Мајкл Булос е наследник на нигериската „Булос Ентерпрајзис“, чија вредност е неколку милијарди долари. Тој е четири години помлад од Тифани, а ѝ предложи брак со дијамантски прстен вреден 1,2 милиони долари.
Забава
(Фото) Можете да ја сакате или да ја мразите, но никој не е имун на нејзината совршена фигура
Актерката Ева Лонгорија, најпозната на домашната публика по улогата на Габи Солис во серијата „Очајни домаќинки“, не престанува да воодушевува со својот изглед и челична волја, дури и за време на празниците.
Неодамна зборуваше за мајчинството, како и за тоа како се соочила со сите предизвици откако добила син во 40-тите години, а нејзините изјави привлекоа големо внимание.
Познато е дека во текот на зимата сите се опуштаме, јадеме повеќе и тренираме помалку, но не и Ева. Популарната џебна Венера објави неколку селфиња од својот тренинг и во таа прилика ги покажа своите извајани стомачни мускули, но и лицето без шминка.
„Се надевам дека сите имавте одлична новогодишна ноќ. Одиме силно од првиот понеделник“, напиша таа во описот.
Покрај тренингот, Ева покажа и како го поминува времето со својот син, но ужива и во вино и добра храна. Поради таков тренинг, таа заслужи малку да се опушти.
Познатата актерка е секогаш во вестите поради својот добар изглед, без разлика дали се појавува на црвениот тепих или објавува нешто слично од теретана или некое друго лежерно излегување со семејството и пријателите.
Забава
Трансродната ќерка на Илон Маск (21) е новото лице на брендот на Ријана
Ријана повторно ги поместува границите, а за најновата кампања за нејзиниот бренд за долна облека Savage x Fenty, таа ја ангажираше Вивијан Вилсон, 21-годишната трансродова ќерка на Илон Маск, за нејзината најнова кампања за Денот на вљубените. Вивијан, која нема блиска врска со својот татко, е ѕвездата на новата колекција наречена Love So Savage: A Modern Ode to Aphrodite.
На една од фотографиите од кампањата, Вилсон позира со Лови Симон и Ема Арлета пред мермерни статуи. Таа носи градник со розов дезен и мини здолниште од чипка во иста боја, а додатоците се светло црвени хулахопки, златни обетки и темноцрвен кармин. Други познати личности во кампањата се ѕвездите на „Love Island“, Серена Пејџ и Кордел Бекам, како и инфлуенсерите Хејли и Жулс Лебланк.
Ријана, која го лансираше Savage x Fenty во 2018 година, ја објасни визијата зад колекцијата. „Денот на вљубените е време да се слави љубовта во сите нејзини форми“, изјави пејачката за WWD. „Во Savage x Fenty, сè е во прифаќањето на љубовта на секој начин и создавање производи што ги прават луѓето да се чувствуваат самоуверено додека го прават тоа.“
Ова е само најновиот во низата успеси за младата Вивијан, чија кариера како модел вртоглаво расте. Минатиот март, таа се појави на насловната страница на Teen Vogue, а само два месеци подоцна, го имаше своето професионално деби со Wildfang. Истиот месец, таа позираше и за брендот за долна облека Tomboyx.
„Бев преплашена“, призна Вилсон во интервју за Vanity Fair, зборувајќи за снимањето. „Пред тоа, бев некој што, никогаш не покажуваше кожа. Дури и во секојдневниот живот, како, кога одев на плажа со моите пријатели, не носев костим за капење.“
Таа додаде дека и покрај нејзиниот страв, сакала да го направи снимањето за да ја зголеми својата самодоверба.
„Се чувствувам самоуверена во своето тело, но сакав да си ја докажам таа самодоверба, ако тоа има смисла.“
Таа го имаше своето деби на писта минатиот септември на модната недела во Њујорк, каде што прошета на пролетната ревија CHRISHABANA 2026.
Вивијан е најстарата ќерка на Илон Маск и неговата поранешна сопруга Џастин. На 16-годишна возраст, таа се изјасни како трансродова, а две години подоцна поднесе официјално барање Маск да биде отстранет од нејзиното презиме, потврдувајќи ја нејзината затегната врска со нејзиниот татко.
Таа кратко зборуваше за технолошкиот могул за Teen Vogue. „Не ми е гајле за него. Навистина не ми е. Досадно е што луѓето ме поврзуваат со него. Едноставно немам простор повеќе да ми е гајле“.
Фото: SAVAGE X FENTY
(Видео) Филипче: Средба со криминалци нема да има
Средба со криминалци нема да има. Нема средба за техничката влада, Мицкоски е во тесно, му се брза и бара...
(Фото) ДЗС: 30 полски кревети за евакуираните лица во Кичевско, во Ресенско со пумпи се вадеше навлезената вода од подруми и куќи
Подрачно одделение на Дирекцијата за заштита и спасување (ДЗС) Кичево, во овие два дена и сношти, учествуваше во теренските активности...
Нова состојба по обилните врнежи: Поплавени подруми и куќи во Охрид, Кичево, Битола, Тетово и Гостивар
Центарот за управување со кризи ја објави новата состојба до 13 часот по обилните врнежи од дожд во земјава. Во...
Лажен лекар измамил 77-годишна штипјанка за сума од 700.000 денари
Вчера во 16:30 часот во СВР Штип, 77-годишна жена од Штип пријавила дека била измамена од едно лице за сума...
Синдикат на култура: Преседан во културата, министерот Љутков повторно против колективните договори
Министерот за туризам, „културно“, но доста ехидно и веќе видено (за Велигден), сега им ја честиташе Новата година и божиќните...
Валбон Лимани претстави 3 проекти: 345 нови паркинг-места и трансформација на центарот и градскиот парк во Гостивар
Кандидатот за градоначалник на Гостивар од Националната алијанса за интеграција, Валбон Лимани, претстави три проекти: 345 нови паркинг-места и трансформација...
Трамп одобри нова казна за Путин? „Даде зелено светло“
Американскиот претседател Доналд Трамп даде зелено светло за законски предлог за нови санкции против Русија, изјави синоќа републиканскиот сенатор Линдзи...
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров,...
(Видео) Топлотен бран ја погоди Австралија, властите предупредуваат на „катастрофален“ ризик од пожари
Делови од Австралија в петок го очекуваат катастрофални услови на избувнување пожари, бидејќи топлотен бран го погоди поголемиот дел од...
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во...
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква...
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга...
Трамп: Венецуела од профитот од нафтата ќе купува само американски производи
Претседателот на САД, Доналд Трамп извести дека Венецуела ќе ги користи своите приходи од нафта за купување исклучиво американски производи....
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
МВР ќе утврдува зошто новите службени возила биле осветувани со верски обред
Одделот за внатрешна контрола, криминалистички истраги и професионални стандарди при Министерството за внатрешни работи презема мерки и активности за целосно...
Државниот врв со божиќни честитки: Пораки за мир, семејство и солидарност
Претседателката на државата Гордана Сиљановска-Давкова, претседателот на Владата Христијан Мицкоски и претседателот на Собранието Африм Гаши упатија божиќни честитки до...
Трамп: Постигнавме договор за нафтата од Венецуела, ние ќе ги контролираме приходите
Каракас и Вашингтон постигнаа договор за извоз на венецуелска сурова нафта во САД во вредност до две милијарди долари, изјави...
