Забава
Тејлор Свифт на свој вработен му дала бонус од 100.000 долари и писмо
Ако некогаш сте се запрашале колку би можеле да заработите како работник на турнеја на мегаѕвездата Тејлор Свифт, еден пост може да го даде одговорот.
Имено, на „Икс“ се појави фотографија од писмо кое Свифт му го испратила на вработениот Роберт во февруари 2024 година, со бонус од дури 100.000 долари.
„Роберт, ти благодарам за одличната работа на турнејата во Америка, заслужениот бонус е 100.000 долари. Со љубов, Тејлор“, се вели во писмото напишано на бела картичка со цветен дизајн.
An ‘Eras Tour’ crew member shares the handwritten letter Taylor Swift sent him along with a bonus:
“Thank you for you superb work on the U.S. leg of The Eras Tour!! Your well-deserved bonus is $100,000. Love, Taylor” pic.twitter.com/bYkCJWhcfW
— Pop Base (@PopBase) January 13, 2025
„Каков дарежлив подарок“, „Инаку, ова беше бонус… добија 100 илјади плата! Тејлор навистина се грижи за нејзините танчери/пејачи/екипа“, „Тејлор промени нечиј живот со едно писмо“, „Кој уште добива 100 илјади долари бонус и лична порака од глобална суперѕвезда? Тоа не е само великодушност – тоа е љубезност на друго ниво“, напишаа луѓето под објавата.
На почетокот на декември минатата година, Тејлор Свифт ја заврши својата мегауспешна турнеја Ерас. Покрај вкупната заработка, медиумите ја објавија и наводната сума со која пејачката ги наградила своите вработени на турнејата. Според „Пипл“, Тејлор поделила вкупно 197 милиони долари бонуси, а меѓу примателите имало фризери, возачи на камиони, угостители, техничари за инструменти, продукциски персонал, шминкери, стилисти и физиотерапевти.
Турнејата започна во март 2023 година во Глендејл, Аризона. Таа ја заврши на 8-ми декември со настап на стадионот во Ванкувер, затворајќи го поглавјето кое траеше 21 месец. По последниот, 149-ти настап, нејзиниот продуцентски тим потврди дека турнејата Ерас ја посетиле повеќе од 10 милиони луѓе. Продажбата на билети достигна речиси 2,1 милијарди долари, со што турнејата Ерас стана најпродавана турнеја на сите времиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Снуп Дог застана во одбрана на Дејвид Бекам по обвинувањата од синот Бруклин
Снуп Дог застана во одбрана на Дејвид Бекам и Викторија Бекам, откако нивниот син Бруклин Бекам јавно ги нападна родителите и порача дека не сака помирување со нив.
Во интервју за „Мирор“, Снуп Дог, кој повеќе од 20 години е пријател со Дејвид Бекам, изјави дека тој е „семеен човек“ и дека без оглед на успехот, ништо не му е поважно од семејството. Тој додаде дека се надева оти Бруклин со текот на времето ќе се помири со родителите, за кои рече дека се длабоко погодени.
Снуп Дог нагласи дека ниту едно семејство не е совршено и дека притисокот е уште поголем кога семејниот живот е постојано под лупа на јавноста, но изрази уверување дека проблемите ќе бидат надминати.
Во својата објава, Бруклин Бекам ги обвини родителите дека се обидуваат да му го нарушат односот со сопругата Никола Пелц, а наведе и дека неговата мајка на свадбата во 2022 година „непримерено“ танцувала со него.
Диџејот на свадбата, Диџеј Фет Тони, кој гостуваше во емисијата „This Morning“ на ITV, инцидентот го опиша како „навистина непријатен“ и потврди дека Никола Пелц во солзи го напуштила приемот.
Забава
(Фото/Видео) Сидни Свини профитираше од својот сексапил, ја распродаде долната облека за само неколку часа
Се чини дека Сидни Свини реши да „заработи“ на своите луксузни облини и неодолив изглед, па лансираше линија долна облека наречена „Syrn“.
Линијата брзо стана глобален успех, а моделите на интимна долна облека беа распродадени во рок од неколку часа од нејзиното лансирање. Исто така, треба да се напомене дека контроверзното рекламирање на брендот вроди со плод, дополнително зголемувајќи ја неговата цена и популарност.
Самата колекција е комбинација од филмски гламур и женска сексапилност. Меѓу парчињата што се истакнуваат се чипканите корсети и долната облека што ја одразуваат старата холивудска естетика, по која е позната и самата Свини.
„Сакав бренд за долна облека што навистина ги разбира жените. Syrn ја слави самодовербата без притисок, тоа чувство да се биде секси, моќен, нежен, разигран или сите тие работи во ист ден.
Имав јасна визија, сакав нешто што функционира во реалниот живот и не наметнува ограничувања на никого“, изјави актерката за ELLE.
Забава
(Видео) Меланија Трамп блесна на премиерата на нејзиниот документарец
Меланија Трамп блесна на премиерата на документарецот „Melania: Twenty Days to History“ во Центарот Кенеди во Вашингтон. Нејзино друштво на црвениот тепих беше, секако, нејзиниот сопруг и претседател на САД Доналд Трамп.
THE PREMIERE OF "MELANIA" AT THE TRUMP-KENNEDY CENTER 🤩🍿pic.twitter.com/MEy6VLmcZW
— The White House (@WhiteHouse) January 30, 2026
Првата дама на САД одлучи да остане верна на својот специфичен моден израз за оваа пригода, и избра црн фустан од „Долче и Габана“. Станува збор за креација која претставува совршена комбинација од чиста елеганција и вечерна облека, а е украсена со здолниште со рамен крој и струкирано сако.
За да го „разбие“ овој деловен фустан и да го истакне струкот, таа додаде тенок ремен. Признаваме, овој моден детаљ ја однесе целата комбинација на следно ниво, а не треба да ги заборавиме и црните потпетици кои го заокружија стилот.
Ја стилизираше косата на наједноставен начин – се одлучи за брановидна фризура што паѓаше по рамената, а што се однесува до шминката – Меланија остана верна на нежните, невпечатливи тонови.

