Популарната филмска франшиза „Брзи и бесни“, најверојатно, ќе заврши со уште два филма, според порталите „Дедлајн“ и „Варајети“.

Истите извори додаваат дека Џастин Лин ќе ги режира двата последни филма (10-ти и 11-ти) во серијалот.

Премиерата на деветтиот филм е предвидена за мај 2021 година бидејќи пандемијата на Ковид-19 ја помести за цела година.

Акциониот серијал дебитира во 2001 година со Вин Дизел, Мишел Родригез и покојниот Пол Вокер во главните улоги. Оттогаш се прошири за да вклучи осум директни продолженија, еден филмски спиноф и анимирана ТВ-серија.

Серијалот, заедно со минатогодишниот „Брзи и бесни: Хобс и Шоу“ досега има генерирано 5,7 милијарди долари во светски рамки.

Furious 7 од 2015 година се смета за најуспешно продолжение досега, со заработка од 1,5 милијарда долари на киноблагајните.

Кети Пери и Орландо Блум започнуваат нов живот како семејство во богатата енклава Монтечито, Јужна Калифорнија, а соседи ќе им бидат принцот Хари, Меган Маркл и бебето Арчи.

Пејачката Кети Пери и нејзиниот свршеник Орландо Блум купија огромна медитеранска хациенда во Монтечито за 14.2 милиони долари, објави „Варајети“.

Двојката, која ја дочека ќерката Дејзи Доув во август, го купи преубавиот комплекс со поглед кон океанот од поранешниот извршен директор на Duracell & Chrysler , Чарлс Роберт Кидер, кој го поседуваше имотот повеќе од 20 години.

Затворениот имот на двојката се состои од повеќе структури кои се простираат површина од 8.9 хектари. Со преселбата на овој имот Кети и Орландо ќе им се придружат на елитата на Холивуд, па дури и на британското кралско семејство, со принцот Хари, Меган Маркл и 17-месечниот Арчи, како нивни соседи.

Принцот Хари и Меган, војводата и војвотката од Сасекс, во јуни купија замок за 14.7 милиони долари во изолиран и заграден имот надвор од Монтечито, Јужна Калифорнија, и станаа жители на богатиот град во кој сопственици на куќи се Аријана Гранде, Елен Деџенерис и Опра Винфри.

Кети и Орландо потрошија многу повеќе од планираниот буџет за нова куќа, иако комплексот претрпе значителен пад на цената откако првпат беше огласен по цена од 20 милиони долари во пролетта 2019 година.

Тој е страствен пилот со години.

Холивудската легенда Харисон Форд својата љубов кон летањето ја пренасочи во хуманитарни цели. Тој стана гласноговорник на непрофитната организација „Ерлинк“ за помош при катастрофи, која сега доставува опрема за лична заштита среде пандемија на Ковид-19.

Форд (78) штотуку сними нова реклама за организацијата, која пренесува волонтери со авиони и ги снабдува областите погодени од катастрофа.

„Здраво, јас сум Харисон Форд и сакам да ви кажам зошто решив да ја поддржам ‘Ерлинк’, организација за која веројатно никогаш не сте чуле “, вели тој во кусата видеореклама.

„За 10 години од своето основање ‘Ерлинк’ реагираше на 90 катастрофи, пренесе приближно 7.000 хуманитарни работници и стотици тони витални залихи. ‘Ерлинк’ стана партнер со над 130 непрофитни организации, заштедувајќи им приближно12 милиони американски долари со обезбедување летови за нивниот персонал и пакети, наместо да плаќаат за воздушен транспорт.“

Среде пандемија на коронавирусот, „Ерлинк“ доставува над 6,5 милиони предмети за лична заштитна опрема и медицински лица доброволци во тешко погодените, кревки заедници, вели Харисон во рекламата.