Забава
Фанови на Меган Маркл повикуваат кралицата да биде лишена од титулата по откритието на Скоби
Фановите на Меган Маркл, војвотката од Сасекс, шеговито ја прозваа кралицата Елизабета Втора и побараа да ѝ биде одземена титулата кога се откри дека порано таа исто така се впуштила во политика, објави „Дејли експрес“.
Војвотката од Сасекс беше вербално нападната од некои новинари и колумнисти блиски до монархијата, меѓу кои и британскиот новинар Пирс Морган, за наводно кршење на кралскиот протокол со мешање во политиката на други земји со некои свои изјави во последните неколку недели.
Морган, водител на ток-шоуто „Добро утро, Британијо“, кој не го одобрува бегството на кралската двојка, ја прозва Меган во објава на Твитер: „Ако сте член на кралското семејство, забрането е да коментирате за други политички настани во светот,“ алудирајќи на изјава на Меган во врска со претстојните избори во САД. „Кралицата треба да ѝ ја одземе титулата војвотка од Сасекс“, напиша тој.
Меган беше гостин на онлајн-настан на поранешната прва дама Мишел Обама – „Кога ќе гласаат сите жени“ минатиот четврток. Коментирајќи ги претстојните претседателски избори во Америка, Меган рече рече дека сите знаат што се случува.
Фановите на Меган застанаа во нејзина одбрана кога кралскиот дописник Омид Скоби откри дека кралицата во 2003 година го повикала велшкиот народ да гласа.
Ова натера неколку фанови на Меган и принцот Хари да се пошегуваат барајќи да ѝ биде одземена титулата на кралицата бидејќи загазила во политика.
Еден корисник на „Твитер“ напиша: „Пирс вели кралицата да ја лиши Меган од нејзината титула затоа што барала од Американците да гласаат, но и кралицата го сторила тоа исто така… и нејзе треба да ѝ се одземе титулата кралица… ух, ох, ох“.
И други корисници на социјални мрежи напишаа дека и кралицата треба да остане без титула или се шегуваа дека самата треба да се лиши од круната, пренесува „Дејли експрес“.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кога и зошто почнала традицијата на славење на Новата година
Милиони луѓе од целиот светот ја пречекуваат Новата година како симбол на нов почеток и надеж за подобри денови. Но, обичајот на новогодишно славење има длабоки историски корени.
Новата година го означува почетокот на нов временски циклус, а во повеќето култури тој почнува на 1 јануари, според грегоријанскиот календар. Овој датум, сепак, не бил отсекогаш прифатен.
Најстарите траги од новогодишна прослава потекнуваат од Месопотамија, каде што пред повеќе од 2.000 години Новата година се славела на почетокот на март во согласност со природните циклуси и земјоделските работи. И Кинезите се меѓу првите народи што го одбележувале овој ден, при што празникот бил поврзан и со размена на подароци.
Во антички Рим, иако јануари бил воведен уште во 700 година пр. н.е., Новата година долго време се славела на 1 март. Промената дошла во 153 година пр. н.е. кога јануари станал почеток на граѓанската година. Конечно, во 46 година пр. н.е. Јулиј Цезар со новиот соларен календар законски го утврдил 1 јануари како официјален почеток на годината.
Оттогаш овој датум постепено станал прифатен во поголемиот дел од светот како симболичен почеток на новата година.
Фото: pexels
Забава
Од луд провод до тивка вечер дома: што вели хороскопот за новогодишната ноќ
Дали Новата година ќе ја дочекаш на луда журка, во ексклузивен ресторан или мирно дома со најблиските? Астрологијата открива како секој хороскопски знак најмногу сака да се забавува во најдолгата ноќ во годината – од разузданите Овни до мирните Ракови.
Овен – сака луд, разуздан помин и журки до зори, често со многу алкохол.
Бик – ужива во гурмански дочек, во ресторан или дома со блиските.
Близнаци – секоја година избираат нешто поинакво; патувања, големи прослави или дочек на улица.
Рак – најсреќен е дома, со семејството, добра храна и мирна атмосфера.
Лав – се подготвува со месеци и избира ексклузивен дочек; важно му е да биде забележан и да не биде сам на полноќ.
Девица – избегнува гужви и бучни забави, преферира тивок дочек дома со мал круг луѓе.
Вага – сака „ин“ места, дотерување и внимание; често ја дочекува Новата година во прегратка.
Шкорпија – поделени се; младите сакаат забава, постарите мирен дочек дома.
Стрелец – најчесто патува, но се забавува секаде каде и да е.
Јарец – не е љубител на гласни прослави; Новата година ја дочекува скромно, најчесто дома.
Водолија – обожава забави, клубови и дружење со нови луѓе; останување дома не доаѓа предвид.
Риби – најважно им е друштвото; сакаат домашен дочек, но знаат и да претераат со алкохол.
Забава
Зошто кафето не е решение за мамурлак и што да пиете наместо тоа
Дочекот на Новата година за некои значи и повеќе алкохол, а тоа може да резултира со мамурлак – главоболка, мачнина и вртоглавица, пишува Express.co.uk.
Според лекарите, се препорачува добра хидратација пред, за време и по консумирање алкохол, како и внес на електролити – преку напитоци или таблети, најдобро пред спиење.
Експертите предупредуваат дека кафето не помага, туку може дополнително да ја влоши дехидрацијата. Наместо тоа, се советува вода или електролитни напитоци, особено ако има мачнина или вртоглавица.
Електролитите може да се надоместат и преку исхраната – со храна богата со калиум, како банани, цитрусно овошје, зелен лиснат зеленчук, компири.
Покрај тоа, важен дел од закрепнувањето е одморот. Алкохолот го нарушува квалитетот на сонот, па експертите советуваат да се престане со пиење порано навечер за телото да има време да го преработи алкохолот и да се обезбеди подобар сон.
Фото: pexels

